完整藏文原文 · 德格版页 当前仅加载第 64 函德格 88b 版页；藏文 NFD、目录标记与异常页序保留在来源切片中，重复版页行以稳定序号区分。
མང་དུ་ཐོས་པའི་སྟོབས་བསྐྱེད་པས་བདག་ཏུ་འཛིན་པའི་འཇིགས་པ་དང་བྲལ་བ་ཡིན་ནོ། །དེ་བདག་ཏུ་འཛིན་པའི་འཇིགས་པ་དང་བྲལ་བས་དགོན་པ་དེ་ན་མི་འཇིགས། མི་སྐྲག །མི་དངང་བག་ཚ་བ་མེད་ཅིང་། རབ་ཏུ་དབེན་པ་ལ་མངོན་ཏུ་ཕྱོགས་པར་གྱུར་ཏེ་གནས་སོ། །དེ་དགོན་པ་
D231.064.0088b01.01དེ་ན་དབེན་པ་ལ་མངོན་དུ་ཕྱོགས་ཤིང་འདུ་འཛི་མེད་པར་གནས་པས་{རི་དགས་,རི་དྭགས་}དང་འདྲ་བ་ཡིན་ནོ། །རིགས་ཀྱི་བུ་བྱང་ཆུབ་སེམས་དཔའ་དགོན་པ་པ་ནི་{རི་དགས་,རི་དྭགས་}ལྟར་རྟག་ཏུ་འཇིགས་པ་མ་ཡིན་ཏེ། དེ་ལ་{རི་དགས་,རི་དྭགས་}ཀྱི་ཉེས་པ་ཡང་མེད་མོད་ཀྱི། ཇི་ལྟར་{རི་དགས་,རི་དྭགས་}དག་བདག་འདིའི་ལན་བོན་གྱིས་
D231.064.0088b02.01སྲོག་གི་བར་ཆད་དུ་གྱུར་དུ་འོང་ངོ་ཞེས་ཡུལ་དང་ཡུལ་གྱི་ཕྱོགས་རིང་པོ་བས་ཀྱང་རིང་པོར་སྤོང་བ་དེ་བཞིན་དུ་བྱང་ཆུབ་སེམས་དཔའ་ཡང་བདག་འདིའི་ལན་བོན་གྱིས་ཡི་དམ་གྱི་བར་ཆད་དམ། སེམས་གཡེངས་པར་གྱུར་ན་མི་རུང་ངོ་ཞེས་བུད་མེད་དང་། སྐྱེས་པ་དང་། ཁྱེའུ་དང་། བུ་མོ་
D231.064.0088b03.01རྣམས་དང་འདུ་འཛི་མི་བྱེད་ཅིང་འདུ་འཛི་དག་ཐག་རིང་པོ་བས་ཀྱང་རིང་པོར་ཡོངས་སུ་སྤོང་ངོ་། །དེ་དེ་ལྟར་ཐག་བསྲིངས་ཏེ་གནས་པས་རབ་ཏུ་དབེན་པ་ལ་མངོན་དུ་ཕྱོགས་པ་ཡིན། དེ་རབ་ཏུ་དབེན་པ་ལ་མངོན་དུ་ཕྱོགས་པས་དགོན་པ་དེ་ལ་ཡོན་ཏན་དུ་ལྟ་བ་དང་། ཞི་བར་ལྟ་བ་ཡིན།
D231.064.0088b04.01དེ་ཡོན་ཏན་དུ་ལྟ་ཞིང་ཞི་བར་ལྟ་བས་ན་མི་དགའ་བ་དང་མི་འདྲེའོ། །མི་དགའ་བ་དང་མ་འདྲེས་པས་ན་དགོན་པའི་ཆོས་རྣམས་ཡང་དག་པར་བླངས་ནས་སྤྱོད་དེ། དེ་ལྟར་ན་རིགས་ཀྱི་བུ་བྱང་ཆུབ་སེམས་དཔའ་ཡུན་རིང་པོ་ནས་ཚངས་པར་སྤྱད་པ་ལ་གནས་པ་ནས་མི་དགའ་བ་དང་མ་འདྲེས་པའི་བར་དུ་ཡིན་
D231.064.0088b05.01ནོ། །རིགས་ཀྱི་བུ་ཆོས་བཅུ་པོ་དེ་དག་དང་ལྡན་ན་བྱང་ཆུབ་སེམས་དཔའ་དགོན་པ་པ་རྣམས་ཡིན་ནོ། །རིགས་ཀྱི་བུ་ཆོས་བཅུ་དང་ལྡན་ན་བྱང་ཆུབ་སེམས་དཔའ་ཤིང་དྲུང་པ་རྣམས་ཡིན་ནོ། །བཅུ་གང་ཞེ་ན། འདི་ལྟ་སྟེ། གྲོང་དང་ཧ་ཅང་ཉེ་བའི་ཤིང་དྲུང་དུ་མི་རྟེན། གྲོང་དང་ཧ་ཅང་རིང་བའི་ཤིང་
D231.064.0088b06.01དྲུང་དུ་མི་རྟེན། ལྡམ་ལྡུམ་ཚེར་མ་ཅན་གྱིས་གང་བའི་ཤིང་དྲུང་དུ་མི་རྟེན། ཤིང་མ་ལུ་ཏ་དང་། ཀ་བྱ་ཀ་ཙུའི་འཁྲི་ཤིང་གིས་གང་བའི་ཤིང་དྲུང་དུ་མི་རྟེན། ཤིང་ལོ་མ་སྐམས་པའི་ཤིང་དྲུང་དུ་མི་རྟེན། སྤྲེའུ་གནས་པའི་ཤིང་དྲུང་དུ་མི་རྟེན། བྱ་གནས་པའི་ཤིང་དྲུང་དུ་མི་རྟེན། གཅན་གཟན་
D231.064.0088b07.01