完整藏文原文 · 德格版页 当前仅加载第 64 函德格 71b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཀྱི་ཡུལ་ལས་འདས་པ་སྟེ། དེ་ནི་བརྟག་པ་འམ། བསམ་པ་འམ། གཞལ་བ་འམ། ཚད་གཟུང་བར་མི་ནུས་སོ། །བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བས་གསོལ་པ། གལ་ཏེ་ཞུས་ནས་ཞུ་བ་ལུང་བསྟན་པའི་སླད་དུ། བཅོམ་ལྡན་འདས་ཀྱིས་བདག་
D231.064.0071b01.01ལ་སྐབས་ཕྱེ་ན། བདག་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཕྱོགས་འགའ་ཞིག་ཞུའོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཁྱོད་ལ་དེ་བཞིན་གཤེགས་པས་རྟག་ཏུ་སྐབས་ཕྱེས་ཁྱོད་དྲིས་ཤིག །བྱང་ཆུབ་སེམས་
D231.064.0071b02.01དཔའ་སྒྲིབ་པ་ཐམས་ཅད་རྣམ་པར་སེལ་བས་གསོལ་པ། བདག་བསྟོད་པ་ནི་བཅོམ་ལྡན་འདས་ཀྱིས་སྐྱེས་བུ་དམ་པ་མ་ལགས་པའི་ཆོས་སུ་གསུང་ན། དེ་ཇི་ལྟར་ཆོས་ཀྱི་རྗེ་བཅོམ་ལྡན་འདས་ཉིད་བདག་ལ་བསྟོད་པ་མཛད། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ལེགས་སོ་
D231.064.0071b03.01ལེགས་སོ། །ཁྱོད་ཀྱིས་དྲི་བ་ཚུལ་བཞིན་དུ་དྲིས་སོ། །རིགས་ཀྱི་བུ་དེའི་ཕྱིར་ལེགས་པར་ཤིན་ཏུ་ཉོན་ལ་ཡིད་ལ་ཟུང་ཤིག་དང་། ངས་ཁྱོད་ལ་བཤད་དོ། །བཅོམ་ལྡན་འདས་ལེགས་སོ་ཞེས་བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བ། བཅོམ་ལྡན་འདས་ཀྱི་ལྟར་ཉན་
D231.064.0071b04.01པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་དེ་བཞིན་གཤེགས་པ་ནི་སེམས་ཅན་འདི་དག་ལ་ཅི་ནས་ཀྱང་ཕན་པ་དང་། བདེ་བ་དང་། ཆོས་ཉིད་ཐོབ་པར་བྱ་བའི་ཕྱིར་བདག་བསྟོད་པ་མ་གཏོགས་པར་ང་རྒྱལ་གྱི་ཟིལ་གྱིས་ནོན་པ་དང་། རྙེད་པའི་ཟིལ་གྱིས་ནོན་པ་
D231.064.0071b05.01དང་། བཀུར་སྟིའི་ཟིལ་གྱིས་ནོན་པ་དང་། གྲགས་པ་འདོད་པ་དང་། ཤེས་ཀྱི་ཁེ་འདོད་པའི་ཕྱིར་ཚུལ་འཆོས་པའམ། ཁ་གསག་བྱེད་ཅིང་ཡང་དག་པ་མ་ཡིན་པར་བདག་བསྟོད་པ་མ་ཡིན་ནོ། །དེ་ཅིའི་ཕྱིར་ཞེ་ན། སེམས་ཅན་འདི་དག་ནི་དེ་བཞིན་གཤེགས་པ་ལ་དགའ་བ་དང་། དང་བ་དང་།
D231.064.0071b06.01རངས་པ་ཉེ་བར་གཞག་པས་ཆོས་བསྟན་པའི་སྐལ་བ་ཡོད་པར་འགྱུར། དགེ་བའི་ཆོས་རྣམས་ཀྱི་སྣོད་དུ་འགྱུར་ཏེ། དེ་ཡང་དེ་དག་ལ་ཡུན་རིང་པོར་དོན་དང་། ཕན་པ་དང་། བདེ་བར་འགྱུར་རོ། །བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བས་གསོལ་པ། བཅོམ་ལྡན་འདས་ཅི་ལགས།
D231.064.0071b07.01