完整藏文原文 · 德格版页 当前仅加载第 64 函德格 21b 版页；藏文 NFD、目录标记与异常页序保留在来源切片中，重复版页行以稳定序号区分。
སྙེམས་པ་མེད་པའི་བརྩོན་འགྲུས་ཅན་ཡིན་ཞེ་ན། འདི་ལ་བྱང་ཆུབ་སེམས་དཔའ་བརྩོན་འགྲུས་རྩོམ་ན་བརྩོན་འགྲུས་དེའི་རོ་མྱོང་བར་མི་བྱེད་དེ། བརྩོན་འགྲུས་དེས་གཞན་ལ་མི་སྨོད། བདག་ལ་མི་སྟོད་དེ། དེ་འདི་སྙམ་དུ་ཤེས་རབ་དང་ལྡན་པའི་རང་བཞིན་ཅན་སུ་ཞིག་བདག་གི་ལས་ལ་
D231.064.0021b01.01བརྩོན་པས་གཞན་ལ་སྨོད་སྙམ་དུ་སེམས་ཏེ། རིགས་ཀྱི་བུ་དེ་ལྟར་ན་བྱང་ཆུབ་སེམས་དཔའ་སྙེམས་པ་མེད་པའི་བརྩོན་འགྲུས་ཅན་ཡིན་ནོ། །རིགས་ཀྱི་བུ་ཆོས་བཅུ་པོ་དེ་དག་དང་ལྡན་ན་བྱང་ཆུབ་སེམས་དཔའ་བརྩོན་འགྲུས་ཕུན་སུམ་ཚོགས་པ་རྣམས་ཡིན་ནོ། །རིགས་ཀྱི་བུ་ཆོས་བཅུ་དང་
D231.064.0021b02.01ལྡན་ན་བྱང་ཆུབ་སེམས་དཔའ་བསམ་གཏན་ཕུན་སུམ་ཚོགས་པ་རྣམས་ཡིན་ནོ། །བཅུ་གང་ཞེ་ན། འདི་ལྟ་སྟེ། བསོད་ནམས་ཀྱིས་བརྟན་པ་རྣམས་ཡིན། སྐྱོ་བ་མང་བ་རྣམས་ཡིན། བརྩོན་འགྲུས་བརྩམས་པ་རྣམས་ཡིན། མང་དུ་ཐོས་པ་རྣམས་ཡིན། མ་ལོག་པར་གདམས་
D231.064.0021b03.01ངག་བསྒོམ་པ་ལ་བརྩོན་པ་རྣམས་ཡིན། ཆོས་ཀྱི་རྗེས་སུ་འཐུན་པའི་ཆོས་ལ་ཞུགས་པ་རྣམས་ཡིན། དབང་པོ་རྣོ་བ་རྣམས་ཡིན། སེམས་ལ་མཁས་པ་རྣམས་ཡིན། ཞི་གནས་དང་། ལྷག་མཐོང་ལ་མཁས་པ་རྣམས་ཡིན། དེ་ལ་མ་ཞེན་པ་རྣམས་ཡིན་ནོ། །རིགས་ཀྱི་བུ་
D231.064.0021b04.01དེ་ལ་ཇི་ལྟར་ན་བྱང་ཆུབ་སེམས་དཔའ་བསོད་ནམས་ཀྱིས་བརྟན་པ་ཡིན་ཞེ་ན། འདི་ལ་བྱང་ཆུབ་སེམས་དཔའ་ཐེག་པ་ཆེན་པོ་ལ་དགེ་བའི་རྩ་བ་ཤིན་ཏུ་བསགས་ཤིང་ཚེ་རབས་ཐ་དད་པ་དེ་དང་དེ་དག་ཏུ་སྤྱད་པ་ལེགས་པར་སྤྱད་པ་དང་། དགེ་བའི་བཤེས་གཉེན་གྱིས་ཡོངས་སུ་བཟུང་བ་ཡིན་ཏེ།
D231.064.0021b05.01དེ་བྲམ་ཟེའི་རིགས་ཤིང་ས་ལ་ཆེན་པོ་ལྟ་བུའམ། རྒྱལ་རིགས་ཤིང་ས་ལ་ཆེན་པོ་ལྟ་བུའམ། ཁྱིམ་བདག་གི་རིགས་ཤིང་ས་ལ་ཆེན་པོ་ལྟ་བུ་གང་དང་གང་དུ་སྐྱེས་ཀྱང་ཁྱིམ་དེའི་མི་དད་པ་ཡིན་ཏེ། དེ་སྐྱེས་ནས་ཀྱང་རྒྱུ་དེ་དག་དང་རྐྱེན་དེ་དག་དེ་བས་ཀྱང་འཕེལ་ཞིང་རྒྱས་པ་དང་ཡངས་པར་འགྱུར་
D231.064.0021b06.01ཏེ། དགེ་བའི་བཤེས་གཉེན་རྣམས་དང་མི་འབྲལ་བ་ཡིན་ཏེ། དགེ་བའི་བཤེས་གཉེན་དེ་དག་ཀྱང་གང་ཞེ་ན། འདི་ལྟ་སྟེ། སངས་རྒྱས་བཅོམ་ལྡན་འདས་དག་གམ། བྱང་ཆུབ་སེམས་དཔའ་དག་གོ། །དེ་སྐྱེས་ན་སྔོན་དགེ་བའི་རྩ་བ་ལ་གོམས་པས་འདི་ལྟར་དཔྱོད་དེ། ཀྱེ་མ་སྐྱེ་དགུ་འདི་ནི་སྡུག་
D231.064.0021b07.01