完整藏文原文 · 德格版页 当前仅加载第 62 函德格 87b 版页；藏文 NFD、目录标记与异常页序保留在来源切片中，重复版页行以稳定序号区分。
ནམ་ཡང་མི་འགྱུར་རོ། །དེ་ནི་དེ་ཡི་མར་མེ་ཕུལ་བའི་འབྲས། །དེ་དང་དེར་ནི་ཚེ་རབས་དེས་དྲན་འགྱུར། །བྱ་བའི་འོས་མིན་ལས་ནི་དེ་མི་སྤྱོད། །གདོན་མི་ཟ་བར་དེ་ནི་ཁྱིམ་ནས་འབྱུང་། །ལོང་བར་མི་འགྱུར་ཞ་བོར་མི་འགྱུར་ཞིང་། །དེ་ཡི་མིག་ནི་མེད་པར་འགྱུར་མ་ཡིན། །ནད་ཅན་མ་ཡིན་
D204.062.0087b01.01འཇིགས་རུང་སྒྲ་ལྡན་མིན། །བླུན་པོར་མི་འགྱུར་མི་ཤེས་མི་འགྱུར་རོ། །མིག་མེད་པར་ནི་ནམ་ཡང་མི་འགྱུར་ཞིང་། །དེ་ཡི་མིག་ནི་ན་བར་འགྱུར་མ་ཡིན། །མིག་གཅིག་མ་ཡིན་ཁོག་ལོང་མིག་མ་ཡིན། །དེ་ཡི་མིག་ལ་མི་གསལ་མེད་པར་འགྱུར། །མིག་ནི་རིང་ཞིང་དཀར་གནག་རྣམ་པར་གསལ།
D204.062.0087b02.01སྲིད་པར་དེ་ཡི་མིག་ནི་དག་པར་འགྱུར། །ནོར་བུ་འོད་{བཟངས་,བཟང་}ལྟར་ནི་དོན་ཞིབ་རྟོགས། །བསྐལ་པ་གྲངས་མེད་དག་ཏུ་ནམས་ཀྱང་དེའི། །ཤ་ཡི་མིག་ནི་ཡོངས་སུ་ཉམས་མི་འགྱུར། །དེ་ལ་མིག་ནད་དག་ནི་མི་འབྱུང་སྟེ། །མར་མེ་ཕུལ་བའི་རྣམ་སྨིན་དེ་ཡིན་ནོ། །དེ་བཞིན་ལག་རྩིས་གཟུགས་
D204.062.0087b03.01དང་རྟོག་གེ་རྣམས། །རྟོག་པར་ཁོང་ཆུད་བཟོད་ལྡན་འཇིགས་པ་མེད། །དེ་ནི་མཛངས་ལ་བློ་དང་ལྡན་པར་འགྱུར། །བློ་ནི་ཤིན་ཏུ་ཆ་ཕྲ་དོན་དམ་མཐོང་། །སྲིད་པ་དག་ལ་བྱེད་པ་མེད་པར་ལྟ། །རྒྱལ་བའི་བསྟན་ལ་སྣང་བ་ཐོབ་པར་འགྱུར། །དེ་བཞིན་འཇིག་རྟེན་འདྲེན་པ་སངས་རྒྱས་མཐོང་། །
D204.062.0087b04.01མཐོང་ནས་དད་པས་མཆོད་པ་རབ་ཏུ་བྱེད། །གཟུགས་ཀྱི་དངོས་པོ་བཟང་དང་མཛེས་པར་འགྱུར། །མཛའ་བཤེས་དང་ནི་རྩ་ལག་སྐྱེ་བོ་དགའ། །ཕྱུག་ཅིང་སྟོབས་ལྡན་ནོར་ནི་མང་བར་འགྱུར། །མི་ཕྱེད་འཁོར་ནི་ཕུན་སུམ་ཚོགས་པ་འཐོབ། །ཇི་ལྟར་མར་མེས་མུན་པ་བསལ་ནས་སུ། །
D204.062.0087b05.01ཀུན་ལ་འོད་ཀྱིས་སྣང་བ་ཁྱབ་པ་ལྟར། །དེ་བཞིན་ཀུན་སྣང་བྱས་ནས་ལྷང་ངེའོ། །མུན་པའི་དབང་དུ་ངེས་པར་དེ་མི་འགྲོ། །སངས་རྒྱས་མཆོད་རྟེན་ལ་ནི་མི་གང་གིས། །སེམས་ནི་དད་པས་མར་མེའི་ཕྲེང་བ་འབུལ། །མར་མེ་ཕུལ་བའི་སེམས་ནི་རྣམ་དག་ཅིང་། །དེ་ནི་འཇིག་རྟེན་
D204.062.0087b06.01རིགས་པའི་མཆོག་ཏུ་འགྱུར། །བལྟ་ན་སྡུག་ཅིང་རབ་ཏུ་མཛེས་པར་འགྱུར། །འཇིག་རྟེན་ཀུན་གྱི་དགའ་བ་སྐྱེ་བར་འགྱུར། །ལྟད་མོ་མི་འདོད་བཀྲ་ཤིས་འདོད་མ་ཡིན། །གཡོན་ཕྱོགས་ལམ་ལ་དེ་ནི་བསྟེན་མི་འགྱུར། །དེ་ནི་འཇིག་རྟེན་ལོག་ལྟ་གང་དག་དང་། །ལམ་གོལ་གང་དག་ཡིན་
D204.062.0087b07.01