完整藏文原文 · 德格版页 当前仅加载第 62 函德格 86b 版页；藏文 NFD、目录标记与异常页序保留在来源切片中，重复版页行以稳定序号区分。
དེའི་རྣ་བར་སྒྲ་སྙན་པ་ཐོས་པར་འགྱུར་བ་དང་། དེའི་འཁོར་ཡིད་བདེ་བ་མང་བ་དང་ལྡན་པར་འགྱུར་བའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་གསུངས་ནས། དེ་བཞིན་དུ་སྟོན་པས་གཞན་ཡང་འདི་སྐད་ཅེས་བཀའ་
D204.062.0086b01.01སྩལ་ཏོ། །དྲང་སྲོང་མཆོད་རྟེན་མར་མེ་ཕུལ་བས་ནི། །དེ་ཡི་ལུས་ནི་རབ་ཏུ་འོད་གསལ་ཞིང་། །གཞན་གྱིས་མི་ཚུགས་དཔལ་དང་ལྡན་པ་དང་། །ལྷ་སྟོང་གི་ནི་གཙོ་བོར་དེ་འགྱུར་རོ། །ལྷ་ཡི་སྒྲ་དབྱངས་སྙན་ཅིང་ཡིད་འོང་ཐོས། །ཇི་ལྟར་ལྷ་གཞན་དེ་བཞིན་འདི་ཡང་མཆོག །དྲན་
D204.062.0086b02.01དང་བློ་མཆོག་དང་ནི་ལྡན་པ་དང་། །འཁོར་མཆོག་ཕུན་སུམ་ཚོགས་པའང་འཐོབ་པར་འགྱུར། །གང་དུ་ལྷ་བུ་དེ་ནི་འགྲོ་བ་དེར། །དེ་འགྲོ་བ་ན་ལྷ་ཀུན་འདོང་བར་བྱེད། །གང་གིས་དེ་ལུས་འདི་ལྟར་འོད་འབར་བ། །སྔོན་གྱི་ལས་ཀྱི་འབྲས་བུ་དེ་འདྲའོ། །སྐྱེད་མོས་ཚལ་གྱི་གཞི་ན་
D204.062.0086b03.01ཤིང་གི་མིང་། །ཟླ་མཆོག་ཅེས་བྱ་གཞལ་མེད་ཁང་གིས་བརྒྱན། །ཟླ་བ་ཇི་ལྟར་ཀུན་ནས་གསལ་བ་ལྟར། །དེ་ཡི་ཤིང་རྣམས་དེ་བཞིན་གསལ་བ་ཡིན། །མར་མེ་རབ་འབར་ཇི་བཞིན་རྣམ་གསལ་ལ། །ཡིད་འོང་དྲི་ངད་ཕྱོགས་རྣམས་གཏོང་བྱེད་པ། །མེ་ཏོག་གསལ་བ་འདི་ནི་མིང་
D204.062.0086b04.01ཅི་ཞེས། །ལྷ་རྣམས་ངོ་མཚར་སྟོང་སྙེད་འཛིན་པར་འགྱུར། །དེ་ཡི་འཁོར་ཚོགས་མེ་ཏོག་དེ་དག་གིས། །བརྒྱན་པ་བྱས་པས་དེ་དག་མཛེས་པར་འགྱུར། །བྱེ་བ་ཁྲག་ཁྲིག་ལྷ་ཡི་ནང་ན་དེ། །ཉི་མ་ཤར་བ་བཞིན་དུ་རྣམ་པར་མཛེས། །ཤཱ་རིའི་བུ་དེ་བཞིན་གཤེགས་པའི་མཆོད་རྟེན་
D204.062.0086b05.01ལ་མར་མེ་དབུལ་བ་ཕུལ་བས་སུམ་ཅུ་རྩ་གསུམ་གྱི་ལྷའི་ནང་དུ་སྐྱེས་ནས། ལྷའི་བུ་དེ་དག་ཡུན་ཇི་སྲིད་ཅིག་ན་འཆི་འཕོ་བའི་ཆོས་སུ་འགྱུར་བ་བདག་ཉིད་ཀྱིས་ཤེས་ཏེ། ལྷའི་བུ་དེས་འཆི་བ་ན་རང་གི་འཁོར་དང་། ལྷའི་བུ་གཞན་དག་ཀྱང་ཆོས་ཀྱི་གཏམ་གྱིས་ཡང་དག་པར་དགའ་བར་བྱས་
D204.062.0086b06.01ཡང་དག་པར་འཛིན་དུ་བཅུག་ནས་གནས་དེ་ནས་ཤི་འཕོས་ཏེ། ཤི་འཕོས་ནས་ཀྱང་ལོག་པར་ལྟུང་བར་འགྲོ་བར་མི་འགྱུར་ཏེ། མིའི་འཇིག་རྟེན་དུ་སྐྱེས་ན་ཡང་རིགས་མཆོག་ཏུ་བཙུན་པ། དད་པ་དང་ལྡན་པ། སངས་རྒྱས་འབྱུང་བ་དང་ལྡན་པར་སྐྱེ་བར་འགྱུར་རོ། །གལ་ཏེ་སངས་
D204.062.0086b07.01