完整藏文原文 · 德格版页 当前仅加载第 62 函德格 87a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་མི་འབྱུང་བ་ཞིག་ལ་བབ་ན་ཡང་དེ་སྡིག་པའི་ལྟ་བ་ཅན་མ་ཡིན་ཞིང་ཡ་མཚན་དུ་འཛིན་པ་དང་བྲལ་བའི་རིགས་སུ་སྐྱེ་བར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་གསུངས་ནས། དེ་བཞིན་དུ་སྟོན་པས་གཞན་
D204.062.0087a01.01ཡང་འདི་སྐད་ཅེས་བཀའ་སྩལ་ཏོ། །ལྷ་ཡི་སྲིད་པར་བདག་ནི་ཡུན་རིང་དུ། །གནས་པར་འགྱུར་ཞེས་དེ་ཡི་ཤེས་འདི་འཇུག །ལྷ་གཙོ་དེ་ཡིས་དེ་ཡང་རབ་ཏུ་ཤེས། །གང་ཚེ་འཆི་བའི་དུས་ནི་འབབ་འགྱུར་བ། །དེ་ཚེ་མཚན་མ་ལྔ་དག་འབྱུང་འགྱུར་ཏེ། །བྱེ་བ་ཕྲག་མང་ལྷ་དག་དེར་འདུ་ཞིང་། །
D204.062.0087a02.01དེ་དག་མངོན་སུམ་དུ་ནི་ཆོས་ཀྱང་སྟོན། །བདག་ནི་འདི་ནས་རིང་པོར་མི་ཐོགས་འཆི། །སྲིད་པ་ཐམས་ཅད་མི་རྟག་བདེ་བ་མེད། །གཞན་དག་འཆི་ཞིང་གཞན་དག་སྐྱེ་བར་འགྱུར། །ཀྱེ་མ་བདག་ནི་འཆི་བར་འགྱུར་རོ་ཞེས། །དེ་ནི་དབུས་འདུག་ཤིན་ཏུ་མི་བཟད་སྨྲ། །དེ་ཡི་མངག་གཞུག་རྣམས་
D204.062.0087a03.01ཀྱང་དེ་བཞིན་དུ། །ལྷ་གཞན་དུ་མ་སྡུག་བསྔལ་ཉམ་ཐག་གོ། །དེ་ནས་བདག་གིས་ལྟས་ནི་ལྔ་མཐོང་ནས། །དེ་ནི་རང་གི་སྟན་ལ་དགའ་མི་འཐོབ། །གནས་དེ་ནས་ནི་ལངས་ཏེ་འགྲོ་བར་བྱེད། །གཞལ་མེད་ཁང་གི་གནས་སུའང་དགའ་མི་སྐྱེ། །བདག་ཅག་འདི་མཐོང་ཐ་མ་འདི་ཡིན་ཞེས། །
D204.062.0087a04.01དེ་བཞིན་ལྷ་མང་དུ་མ་མྱ་ངན་བྱེད། །དེ་ཡི་སྟན་མཆོག་དམ་པ་གང་ཡིན་པ། །དེ་ནི་ལྷ་ཡི་བུ་མོས་བླངས་ཏེ་འབུལ། །སྟན་དེ་མཐོང་ནས་དེ་ནི་རང་སྟན་ལ། །དགའ་བ་ཐོབ་པར་མ་གྱུར་དེ་ནས་ཤི། །ལྷ་ཡི་དབང་པོ་ལྷ་གནས་ཤི་འཕོས་ནས། །མི་ཡི་འཇིག་རྟེན་དུ་ནི་མངོན་པར་འགྲོ། །དེ་ཡི་རང་ལ་
D204.062.0087a05.01ཡོད་པའི་དྲན་མི་ཉམས། །དེར་ཡང་བདེ་བར་འགྱུར་གྱི་སྡུག་བསྔལ་མིན། །སྐྱེས་ནས་ཚེ་རབས་རབ་ཏུ་དྲན་གྱུར་ཏེ། །སྐྱེས་མ་ཐག་ཏུ་སྔོན་གྱི་སྲིད་པ་ཤེས། །ཉོན་མོངས་རྣམས་ཀྱིས་བདག་ལ་གནོད་འགྱུར་ཞེས། །ཤིན་ཏུ་སྡུག་བསྔལ་དེར་ཡང་དགའ་བ་མེད། །ལྷ་ཡི་འཇིག་རྟེན་ཐོབ་པའི་དཔལ་
D204.062.0087a06.01དྲན་ནས། །མི་ཡི་འཇིག་རྟེན་ལ་ནི་བདེ་མི་རྙེད། །མཐོ་རིས་སྡུག་བསྔལ་མི་ཡུལ་སྨོས་ཅི་དགོས། །སྲིད་པ་ཐམས་ཅད་སྙིང་པོ་མེད་ཅིང་གཡོ། །གང་དང་གང་ཚེ་ལུས་སྟོབས་ཉམས་གྱུར་པ། །དེ་ཚེ་དེ་ནི་རབ་ཏུ་འབྱུང་བར་ངེས། །འདི་ཡང་དེ་ཡི་རྣམ་སྨིན་འགྱུར་བ་སྟེ། །རྣམ་རྟོག་སྤྱོད་པར་
D204.062.0087a07.01