完整藏文原文 · 德格版页 当前仅加载第 62 函德格 84a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་ཀྱི་རྣམ་པར་སྨིན་པ་བསམ་གྱིས་མི་ཁྱབ་པ་ཉིད་དོ་ཞེས་སྟོན་པར་འགྱུར་རོ། །ཤཱ་རིའི་བུ་སེམས་ཅན་གྱི་བསམ་པ་དང་། སེམས་དང་། ལྷག་མཐོང་ཡང་བསམ་གྱིས་མི་ཁྱབ་སྟེ། དད་པས་རྟོགས་པར་བྱ་བ་ཡིན་ནོ། །ཤཱ་རིའི་བུ་འཕགས་པའི་རིགས་ལ་གནས་
D204.062.0084a01.01པ་ཁྱེད་ཅག་ཉིད་ཀྱང་སེམས་ཅན་ཐམས་ཅད་ཀྱི་ཤེས་པ་དེ་ལ་མིག་དང་མཁས་པ་ལ་ཤེས་པ་མི་འཇུག་ན། སེམས་མ་དུལ་བ་ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང་བ་དང་བྲལ་བ། བརྗེད་ངས་པ།
D204.062.0084a02.01མ་རིག་པའི་མུན་པས་མིག་བསྒྲིབས་པ་གཞན་གང་དག་བདག་ཅི་ཞིག །བདག་སུ་ཞིག །བདག་ཅི་འདྲ་བ་ཞིག །བདག་གང་ནས། བདག་ཇི་ཙམ་ཞིག །བདག་ཇི་ལྟ་བུ་ཞིག །བདག་ལྡན་པའི་ངང་ཚུལ་ཅན་ནམ། བདག་མི་ལྡན་པའི་ངང་ཚུལ་ཅན་ནམ། བདག་བརྗེད་ངས་
D204.062.0084a03.01པའམ། བདག་དྲན་པ་ཉེ་བར་གནས་པའམ། བདག་མཁས་པའི་ལས་བྱེད་པའམ། བདག་བྱིས་པའི་ལས་བྱེད་པའམ། བདག་གང་ནས་འོངས། བདག་གང་དུ་འགྲོ་ཞེས་རང་གི་ཆོས་ལ་ཤེས་པ་འཇུག་པ་ཡང་མེད་པ་རྣམས་ལྟ་ཅི་སྨོས། ཤཱ་རིའི་བུ་བྱིས་པ་སོ་སོའི་སྐྱེ་བོ་ནི་
D204.062.0084a04.01བདག་ལ་ཤེས་པ་འཇུག་པ་ཡང་མེད་ན། ཕྱིན་ཅི་ལོག་གི་ལྟ་བ་ཅན་དེ་ལས་ཀྱི་རྣམ་པར་སྨིན་པ་ཤེས་པར་ལྟ་ག་ལ་འགྱུར་ཏེ་དེ་ནི་གནས་མེད་དོ། །ཤཱ་རིའི་བུ་དེ་བཞིན་གཤེགས་པ་ནི་ཚུལ་ཁྲིམས་དང་བྲལ་བ་མ་ཡིན། ཏིང་ངེ་འཛིན་དང་བྲལ་བ་མ་ཡིན། ཤེས་རབ་དང་བྲལ་བ་
D204.062.0084a05.01མ་ཡིན། རྣམ་པར་གྲོལ་བ་དང་བྲལ་བ་མ་ཡིན། རྣམ་པར་གྲོལ་བའི་ཡེ་ཤེས་མཐོང་བ་དང་བྲལ་བ་མ་ཡིན། རིག་པ་དང་བྲལ་བ་མ་ཡིན་ནོ། །ཤཱ་རིའི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་ཚུལ་ཁྲིམས་དཔག་ཏུ་མེད་པའོ། །
D204.062.0084a06.01ཚུལ་ཁྲིམས་ཆགས་པ་མེད་པའོ། །ཚུལ་ཁྲིམས་བསམ་གྱིས་མི་ཁྱབ་པའོ། །ཚུལ་ཁྲིམས་གཞལ་དུ་མེད་པའོ། །ཚུལ་ཁྲིམས་རྫོགས་པའོ། །ཚུལ་ཁྲིམས་རྣམ་པར་དག་པའོ། །དེ་ལ་ལས་དང་ལས་ཀྱི་རྣམ་པར་སྨིན་པ་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཏོ། །
D204.062.0084a07.01