完整藏文原文 · 德格版页 当前仅加载第 61 函德格 308a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོག་ཤེས་པ་ནི་སྟོན་མཛད་པ། །འདི་ནི་འཇིག་རྟེན་འཐུན་འཇུག་ཡིན། །གང་ན་སེམས་ཅན་འདུལ་ཡོད་པར། །སྣང་བ་དེར་ནི་འདྲེན་པ་རྣམས། །དེ་དག་སྤྱོད་པ་སྟོན་མཛད་པ། །འདི་ནི་འཇིག་རྟེན་འཐུན་འཇུག་ཡིན། །རིག་པ་གསུམ་གྱི་ཚོགས་བསགས་པ། །
D200.061.0308a01.01རིག་པ་སྐྱེད་པར་ངེས་པར་སྟོན། །འདི་ལ་མཐོང་བ་ཅི་ཡང་མེད། །འདི་ནི་འཇིག་རྟེན་འཐུན་འཇུག་ཡིན། །འཇིག་རྟེན་སྒྲོན་མ་ཐམས་ཅད་དུ། །སྐྱེ་བོ་དཔག་ཏུ་མེད་པ་འདུལ། །གླིང་བཞི་དག་ཀྱང་སྟོན་མཛད་པ། །འདི་ནི་འཇིག་རྟེན་འཐུན་འཇུག་ཡིན། །འཇིག་རྟེན་གསུམ་
D200.061.0308a02.01པོ་གང་ན་ཡང་། །ཆོས་གང་ཕུང་པོ་གནས་པ་མེད། །འོན་ཀྱང་ཆོས་གྲུབ་བཀའ་སྩལ་པ། །འདི་ནི་འཇིག་རྟེན་འཐུན་འཇུག་ཡིན། །མཐའ་གསུམ་གྱི་ནི་མཐར་སྐྱེས་པ། །དེ་བཞིན་གཤེགས་རྣམས་སྟོན་མཛད་ཅིང་། །སེམས་ཅན་རྣམས་ལ་རབ་སྟོན་པ། །
D200.061.0308a03.01འདི་ནི་འཇིག་རྟེན་འཐུན་འཇུག་ཡིན། །ཆོས་རྣམས་ཀུན་གྱི་རྒྱུད་མཁྱེན་ནས། །འཆི་འཕོ་སྐྱེ་བ་རྣམ་སྤངས་ལ། །དེ་དག་ཐམས་ཅད་སྟོན་མཛད་པ། །འདི་ནི་འཇིག་རྟེན་འཐུན་འཇུག་ཡིན། །མི་སྐྱེ་བ་ནི་གང་མཐོང་བ། །མ་རིག་དེ་ནི་ཡེ་ཤེས་བགེགས། །རིག་པ་སྐྱེད་པར་
D200.061.0308a04.01སྟོན་མཛད་པ། །འདི་ནི་འཇིག་རྟེན་འཐུན་འཇུག་ཡིན། །རྫོགས་པའི་སངས་རྒྱས་གཅིག་ཡིན་ཡང་། །སེམས་ཅན་ཡོངས་སུ་སྨིན་བྱའི་ཕྱིར། །འབྱུང་བ་དག་ནི་བསམ་མི་ཁྱབ། །འདི་ནི་འཇིག་རྟེན་འཐུན་འཇུག་ཡིན། །གང་དག་མདོ་སྡེ་འདི་འདྲ་འདི། །ཕྱི་མའི་
D200.061.0308a05.01དུས་ན་ཐོས་འགྱུར་ཞིང་། །ཐེ་ཙོམ་མེད་ལ་ཤེས་འགྱུར་བ། །དེ་དག་སྔོན་གྱི་རྒྱལ་བ་མཐོང་། །འཇིག་རྟེན་མགོན་གྱིས་དེ་གསུངས་ནས། །སྲས་པོ་འཇམ་པའི་དབྱངས་ལ་སོགས། །རབ་ཏུ་དགའ་ཞིང་ཡི་རངས་ཏེ། །སྟོན་པའི་བཀའ་ལ་མངོན་པར་བསྟོད། །འཕགས་པ་
D200.061.0308a06.01འཇིག་རྟེན་གྱི་རྗེས་སུ་འཐུན་པར་འཇུག་པ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ། སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ།། །།
D200.061.0308a07.01