完整藏文原文 · 德格版页 当前仅加载第 61 函德格 306b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ནི་འཇིག་རྟེན་འཐུན་འཇུག་ཡིན། །འདུས་བྱས་རྣམས་ནི་ངོ་བོ་ཉིད། །ངོ་བོ་ཉིད་ཀྱིས་གྲོལ་བཅིངས་མེད། །འོན་ཀྱང་རྣམ་པར་གྲོལ་བ་སྟོན། །འདི་ནི་འཇིག་རྟེན་འཐུན་འཇུག་ཡིན། །མྱ་ངན་འདས་ལ་འགྲོ་མེད་ཀྱང་། །དགྲ་བཅོམ་
D200.061.0306b01.01དེ་ནི་འགྲོ་འོང་ཞེས། །སེམས་ཅན་རྣམས་ལ་དེ་བསྟན་པ། །འདི་ནི་འཇིག་རྟེན་འཐུན་འཇུག་ཡིན། །དོན་དང་དོན་མིན་མི་གཟིགས་ལ། །འགོག་པ་དང་ནི་དམ་པའི་དོན། །སྨྲ་བ་རྣམས་ཀྱི་མཆོག་གསུང་བ། །འདི་ནི་འཇིག་རྟེན་འཐུན་
D200.061.0306b02.01འཇུག་ཡིན། །དངོས་པོ་མེད་པ་གསལ་བའི་དངོས། །རྙོག་མ་མེད་པ་རབ་སྟོན་ཀྱང་། །ཆོས་རྣམས་ཆུད་ཟ་མེད་ཅེས་པ། །འདི་ནི་འཇིག་རྟེན་འཐུན་འཇུག་ཡིན། །ཆོས་རྣམས་ཐམས་ཅད་བརྗོད་མེད་པར། །དེ་བཞིན་གཤེགས་པས་
D200.061.0306b03.01རབ་མཁྱེན་ཀྱང་། །བརྗོད་པ་དག་ནི་སྟོན་མཛད་པ། །འདི་ནི་འཇིག་རྟེན་འཐུན་འཇུག་ཡིན། །སངས་རྒྱས་མཁྱེན་པ་ཆགས་མི་མངའ། །དུས་རྣམས་ཀུན་ཏུ་མཉམ་བཞག་ཀྱང་། །དབང་པོ་རྣམས་ནི་སྦེད་མཛད་པ། །འདི་ནི་འཇིག་རྟེན་འཐུན་
D200.061.0306b04.01འཇུག་ཡིན། དེ་བཞིན་གཤེགས་པ་རྡོ་རྗེའི་སྐུ། །སངས་རྒྱས་ཅུང་ཟད་མི་བསྙུན་ཡང་། །དགེ་སློང་བྱང་ཆུབ་ཡན་ལག་སྨྲོས། །འདི་ནི་འཇིག་རྟེན་འཐུན་འཇུག་ཡིན། །སྡིག་པ་ཐམས་ཅད་ཡོངས་ཟད་དེ། །བསོད་ནམས་ཀུན་གྱིས་མངོན་
D200.061.0306b05.01འཕགས་ཀྱང་། །ལས་ཀྱི་རྒྱུད་ནི་སྟོན་མཛད་པ། །འདི་ནི་འཇིག་རྟེན་འཐུན་འཇུག་ཡིན། །སྐྱོབ་པ་སངས་རྒྱས་དུས་གསུམ་ལ། །མཐར་ཐུག་འགྱུར་བ་ཡོད་མིན་ཡང་། །མཚམས་གཅོད་པ་ཡང་སྟོན་མཛད་པ། །འདི་ནི་འཇིག་རྟེན་འཐུན་
D200.061.0306b06.01འཇུག་ཡིན། །དེ་བཞིན་གཤེགས་པ་ཆོས་སྐུ་སྟེ། །གཅིག་ཅི་འདྲ་བར་དེ་བཞིན་ཀུན། །འོན་ཀྱང་ཐ་དད་སྟོན་མཛད་པ། །འདི་ནི་འཇིག་རྟེན་འཐུན་འཇུག་ཡིན། །སངས་རྒྱས་རང་སངས་རྒྱས་རྣམས་དང་། །ཉན་ཐོས་སོ་སོའི་སྐྱེ་བོ་དང་། །འཁོར་
D200.061.0306b07.01