完整藏文原文 · 德格版页 当前仅加载第 61 函德格 305a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིད་ཀྱི་སྐུ་དང་རབ་ལྡན་པས། །དེ་བཞིན་གཤེགས་པ་ཆོས་སྐུ་ཡང་། །རྣག་ཅན་སྐུ་ནི་སྟོན་མཛད་པ། །འདི་ནི་འཇིག་རྟེན་འཐུན་འཇུག་ཡིན། །སངས་རྒྱས་རྣམ་རྟོག་མི་མངའ་ཡང་། །སེམས་ཅན་སྤྱོད་ཡུལ་ཇི་བཞིན་དུ། །དེ་
D200.061.0305a01.01དག་སྤྱོད་པ་རྣམ་པར་རྟོག །འདི་ནི་འཇིག་རྟེན་འཐུན་འཇུག་ཡིན། །དེ་དག་རྟག་ཏུ་མཉམ་བཞག་ལ། །འགྲེང་དང་བཞུགས་དང་བཞུད་པ་དང་། །དེ་བཞིན་མནལ་བར་སྣང་བ་ཡང་། །འདི་ནི་འཇིག་རྟེན་འཐུན་འཇུག་ཡིན། །རྫོགས་པའི་
D200.061.0305a02.01སངས་རྒྱས་ཐུབ་དཀའ་ལ། །གྲང་དང་ཚ་དང་གྲིབ་མ་དང་། །དེ་བཞིན་ཉི་མ་སྟེན་མཛད་པ། །འདི་ནི་འཇིག་རྟེན་འཐུན་འཇུག་ཡིན། །ཚངས་པའི་ཁྱིམ་ན་ཚངས་པ་ལྟར། །རྒྱལ་བ་རྟག་པར་ན་བཟའ་གསོལ། །འོན་ཀྱང་ན་བཟའ་ལེན་མཛད་པ། །འདི་
D200.061.0305a03.01ནི་འཇིག་རྟེན་འཐུན་འཇུག་ཡིན། །སྤྱི་གཙུག་བལྟར་ནི་མི་མཐོང་ཕྱིར། །སྤུ་གྲིས་གཅད་དུ་ཡོང་མེད་ཀྱང་། །དབུ་འབྲེག་པར་ནི་སྟོན་མཛད་པ། །འདི་ནི་འཇིག་རྟེན་འཐུན་འཇུག་ཡིན། །རྫུ་འཕྲུལ་རྐང་པ་རབ་བསྒོམས་ཏེ། །དེ་དག་རྫུ་འཕྲུལ་རྣམ་སྟོན་
D200.061.0305a04.01ལ། །བསམ་གཏན་མཛད་པ་སྣང་བ་ཡང་། །འདི་ནི་འཇིག་རྟེན་འཐུན་འཇུག་ཡིན། །འཇིག་རྟེན་རྣམ་པར་འདྲེན་པ་ཀུན། །རོ་བྲོ་མཆོག་རྣམས་བརྙེས་གྱུར་ཀྱང་། །ངན་ངོན་དག་ནི་བསྟེན་མཛད་པ། །འདི་ནི་འཇིག་རྟེན་འཐུན་འཇུག་ཡིན། །བསོད་
D200.061.0305a05.01ནམས་མི་ཟད་ཐམས་ཅད་ཀྱིས། །སངས་རྒྱས་ཐམས་ཅད་ཡང་དག་འཕགས། །འོན་ཀྱང་མ་བརྙེས་སྟོན་མཛད་པ། །འདི་ནི་འཇིག་རྟེན་འཐུན་འཇུག་ཡིན། །དགའ་བའི་ཟས་ནི་མངོན་བསྒྲུབས་ཏེ། །བསྐལ་པ་བྱེ་བ་བཞུགས་མཛད་ཀྱང་། །
D200.061.0305a06.01རྟག་ཏུ་ཞལ་ཟས་གསོལ་མཛད་པ། །འདི་ནི་འཇིག་རྟེན་འཐུན་འཇུག་ཡིན། །བསོད་ནམས་ཕ་རོལ་ཕྱིན་པས་འཕགས། །ལྷ་ཡི་ན་བཟའ་བརྙེས་གྱུར་ཀྱང་། །ཕྱག་དར་ཁྲོད་པ་གསོལ་མཛད་པ། །འདི་ནི་འཇིག་རྟེན་འཐུན་འཇུག་ཡིན། །འོག་
D200.061.0305a07.01