完整藏文原文 · 德格版页 当前仅加载第 61 函德格 304b 版页；藏文 NFD、目录标记与异常页序保留在来源切片中，重复版页行以稳定序号区分。
མཛད་པ། །འདི་ནི་འཇིག་རྟེན་འཐུན་འཇུག་ཡིན། །རང་བྱུང་རྣམས་ཀྱི་མཁྱེན་པ་ནི། །ཕྱིར་ཞིང་འཇུག་པ་མི་མངའ་ཡང་། །དེ་དག་དྲན་པ་སྟོན་མཛད་པ། །འདི་ནི་འཇིག་རྟེན་འཐུན་འཇུག་ཡིན། །རྫོགས་པའི་སངས་རྒྱས་རྣམས་ལ་ནི། །
D200.061.0304b01.01བྱོན་དང་བཞུད་པ་མི་མངའ་ཡང་། །འོན་ཀྱང་བཞུད་པར་རྣམ་སྣང་བ། །འདི་ནི་འཇིག་རྟེན་འཐུན་འཇུག་ཡིན། །རྒྱལ་བ་རྣམས་ནི་མཁའ་འདྲ་སྟེ། །ཆོས་རྣམས་ཀུན་ལ་མི་གནས་ཀྱང་། །ལྡང་བ་ལྟར་ཡང་སྣང་བ་ནི། །འདི་ནི་འཇིག་
D200.061.0304b02.01རྟེན་འཐུན་འཇུག་ཡིན། །ཞབས་ནི་པད་མའི་འདབ་འདྲ་སྟེ། །དེ་དག་རྡུལ་གྱིས་མི་གོས་ལ། །ཞབས་ཀྱང་འཁྲུ་བ་མཛད་པ་ནི། །འདི་ནི་འཇིག་རྟེན་འཐུན་འཇུག་ཡིན། །དེ་དག་དྲི་མ་མི་མངའ་སྟེ། །སྐུ་ནི་གསེར་གྱི་མདོག་འདྲ་ཡང་། །
D200.061.0304b03.01རྫོགས་པའི་སངས་རྒྱས་ཁྲུས་མཛད་པ། །འདི་ནི་འཇིག་རྟེན་འཐུན་འཇུག་ཡིན། །ཞལ་ནི་པད་མའི་དྲི་ལྡན་ཞིང་། །ཚེམས་ནི་དྲི་མེད་མུ་ཏིག་འདྲ། །འོན་ཀྱང་ཚེམས་ཤིང་གསོལ་མཛད་པ། །འདི་ནི་འཇིག་རྟེན་འཐུན་འཇུག་ཡིན། །དེ་དག་
D200.061.0304b04.01སྒྲིམས་པ་མི་མངའ་ཡང་། །དེ་དག་ཞལ་ཟས་གསོལ་མཛད་ཅིང་། །སྦྱིན་པ་པོ་ལ་འབྲས་བུ་ཆེ། །འདི་ནི་འཇིག་རྟེན་འཐུན་འཇུག་ཡིན། །སྐུ་མཁྲེགས་རྡོ་རྗེ་འདྲ་བའི་ཕྱིར། །ཟག་པ་དག་ནི་མི་མངའ་ཡང་། །བཤད་པའི་སར་ནི་གཤེགས་
D200.061.0304b05.01མཛད་པ། །འདི་ནི་འཇིག་རྟེན་འཐུན་འཇུག་ཡིན། །དེ་དག་སྙུན་ནི་མི་མངའ་ཡང་། །དགེ་འདུན་བསྡུ་བ་མཛད་པའི་ཕྱིར། །སྨན་ཀྱང་བསྟེན་པར་མཛད་པ་ནི། །འདི་ནི་འཇིག་རྟེན་འཐུན་འཇུག་ཡིན། །སངས་རྒྱས་ཡོན་ཏན་ཀུན་ལྡན་ཏེ། །སྐུ་ལ་
D200.061.0304b06.01འགྱུར་བ་མི་མངའ་ཡང་། །དེ་དག་རྒ་བ་སྟོན་མཛད་པ། །འདི་ནི་འཇིག་རྟེན་འཐུན་འཇུག་ཡིན། །འཇིག་རྟེན་ཁམས་ནི་དཔག་ཏུ་མེད། །ཞབས་ཀྱི་མཐེ་བོས་གཡོ་མཛད་ལ། །འོན་ཀྱང་ཉམ་ཆུང་སྟོན་མཛད་པ། །འདི་ནི་འཇིག་རྟེན་འཐུན་འཇུག་ཡིན། །
D200.061.0304b07.01