完整藏文原文 · 德格版页 当前仅加载第 57 函德格 66a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཀྱིས། །བསམ་པ་ཇི་བཞིན་འཇིག་རྟེན་སེམས་ཅན་འདུལ། །དེ་དག་རྟག་ཏུ་ལུས་དང་ངག་དང་ཡིད། །ཡེ་ཤེས་སྔོན་དུ་འགྲོ་ཞིང་རྗེས་སུ་འབྲང་། །གང་དག་རྟག་ཏུ་ལུས་དང་ངག་དང་ཡིད། །ཡེ་ཤེས་སྔོན་དུ་འགྲོ་ཞིང་རྗེས་འབྲང་བ། །དེ་དག་སྨོན་ལམ་སྟོབས་ཀྱིས་ཅི་
D145.057.0066a01.01འདོད་པར། །སེམས་ཅན་རྒྱུད་ན་གཟུགས་ནི་སྟོན་པར་བྱེད། །གང་དག་སྨོན་ལམ་སྟོབས་ཀྱིས་ཅི་འདོད་པར། །སེམས་ཅན་རྒྱུད་ན་གཟུགས་ནི་སྟོན་བྱེད་པ། །དེ་དག་ཚིག་རྣམས་རྗོད་པར་བྱེད་པའི་ཚེ། །དབྱངས་ཀྱི་ཡན་ལག་བསམ་ཡས་སྒྲ་འབྱུང་ངོ་། །གང་དག་ཚིག་རྣམས་རྗོད་པར་
D145.057.0066a02.01བྱེད་པའི་ཚེ། །དབྱངས་ཀྱི་ཡན་ལག་བསམ་ཡས་སྒྲ་འབྱུང་བ། །དེ་དག་འགྲོ་བ་མ་ལུས་ཀུན་གྱི་སེམས། །སྐད་ཅིག་གཅིག་ལ་སེམས་ཀྱིས་རྣམ་པར་ཤེས། །གང་དག་འགྲོ་བ་མ་ལུས་ཀུན་གྱི་སེམས། །སྐད་ཅིག་གཅིག་ལ་སེམས་ཀྱིས་རྣམ་ཤེས་པ། །དེ་དག་ནམ་ཡང་
D145.057.0066a03.01མི་འཆི་སྐྱེ་མི་འགྱུར། །ཉོན་མོངས་རྒྱུ་བའང་འབྱུང་བར་འགྱུར་མ་ཡིན། །གང་དག་ནམ་ཡང་མི་འཆི་མི་སྐྱེ་ཞིང་། །ཉོན་མོངས་རྒྱུ་བའང་འབྱུང་བར་མི་འགྱུར་བ། །དེ་དག་ཡོན་ཏན་ཆོས་ཉིད་ཡེ་ཤེས་ལུས། །ཆོས་ཀྱིས་རབ་ཏུ་ཕྱེ་བས་འཇིག་རྟེན་རྒྱུ། །གང་དག་ཡོན་ཏན་ཆོས་ཉིད་ཡེ་
D145.057.0066a04.01ཤེས་ལུས། །ཆོས་ཀྱིས་རབ་ཕྱེ་འཇིག་རྟེན་རྒྱུ་བྱེད་པ། །དེ་དག་ས་བཅུ་རྣམས་དང་དབང་བཅུ་དང་། །ཕ་རོལ་ཕྱིན་དང་རྣམ་ཐར་མཆོག་ལ་གནས། །གང་དག་ས་བཅུ་རྣམས་དང་དབང་བཅུ་དང་། །ཕ་རོལ་ཕྱིན་དང་རྣམ་ཐར་མཆོག་གནས་པ། །དེ་དག་དབང་བསྐུར་བཀོད་དང་རྣམ་འཕྲུལ་
D145.057.0066a05.01དང་། །ཏིང་འཛིན་མཆོག་ལ་གནས་པ་རྗེས་སུ་འཐོབ། །གང་དག་དབང་བསྐུར་བཀོད་དང་རྣམ་འཕྲུལ་དང་། །ཏིང་འཛིན་མཆོག་ལ་གནས་པ་རྗེས་ཐོབ་པ། །དེ་དག་ཕྱོགས་བཅུའི་རྒྱལ་བ་ཐམས་ཅད་ལས། །དབང་བསྐུར་ཐམས་ཅད་མ་ལུས་ནོད་པར་བྱེད། །གང་དག་ཕྱོགས་བཅུའི་
D145.057.0066a06.01རྒྱལ་བ་ཐམས་ཅད་ལས། །དབང་བསྐུར་ཐམས་ཅད་མ་ལུས་ནོད་བྱེད་པ། །དེ་དག་སྤྱི་བོར་ཕྱོགས་བཅུའི་སངས་རྒྱས་ཀྱིས། །ཕྱག་མཐིལ་བདུད་རྩི་ཅན་གྱིས་དབང་བསྐུར་ཏོ། །གང་དག་སྤྱི་བོར་ཕྱོགས་བཅུའི་སངས་རྒྱས་ཀྱིས། །ཕྱག་མཐིལ་བདུད་རྩི་ཅན་གྱིས་དབང་བསྐུར་བ།
D145.057.0066a07.01