完整藏文原文 · 德格版页 当前仅加载第 57 函德格 61b 版页；藏文 NFD、目录标记与异常页序保留在来源切片中，重复版页行以稳定序号区分。
སྩལ་པ། ཀུན་དགའ་བོ་མིའི་འཇིག་རྟེན་དང་ལྷའི་འཇིག་རྟེན་དང་དྲི་ཟའི་འཇིག་རྟེན་ན་ངའི་གོང་ན་སུ་ཡང་མེད་དེ། འོན་ཀྱང་བྱང་ཆུབ་སེམས་དཔའི་སྤྱད་པ་སྤྱོད་པ་ན་ངས་བཅོམ་ལྡན་འདས་དེ་བཞིན་གཤེགས་པ་ཡེ་ཤེས་ཐོགས་པ་མེད་པ་བརྩེགས་པའི་སྙིང་པོ་འོད་ཟེར་བཟང་པོ་
D145.057.0061b01.01བསམ་གྱིས་མི་ཁྱབ་པའི་འོད་ཟེར་དུ་མའི་ལྟེ་བ་རྒྱས་པ་ལས་མངོན་དུ་ཐོས་ཏེ་ཀུན་དགའ་བོ་བྱ་དཀའ་བ་ཆེན་པོ་བྱེ་བ་ཁྲག་ཁྲིག་བརྒྱ་སྟོང་དུ་མ་མྱོང་ནས་ངས་ཆོས་ཀྱི་རྣམ་གྲངས་འདི་ཐོས་ཏེ། དེའི་ཚེ་དེ་བཞིན་གཤེགས་པ་དེས་ང་ལུང་བསྟན་ཏོ། །ཀུན་དགའ་བོ་དེ་ལྟ་བས་ན་ཁྱོད་ཀྱིས་
D145.057.0061b02.01སྔར་ཆོས་ཀྱི་རྣམ་གྲངས་འདི་ལ་ཕྱག་གྱིས་ལ་ཕྱིས་ང་ལ་ཕྱག་འཚོལ་ཅིག །དེ་ནས་བརྒྱ་བྱིན་དང་ཚངས་པ་དང་འཇིག་རྟེན་སྐྱོང་བ་དེ་དག་ཐམས་ཅད་ཀྱིས་མགྲིན་གཅིག་ཏུ་ཚིག་འདི་སྐད་ཅེས་སྨྲས་སོ། །ཨ་ལ་ལ་ཆོས། ཨ་ལ་ལ་ཆོས། ཆོས་རྣམས་ཀྱི་རྣམ་པར་འཕྲུལ་བ་ཨ་ལ་
D145.057.0061b03.01ལའོ། །སེམས་ཅན་གང་དག་ཆོས་ཀྱི་རྣམ་གྲངས་འདིའི་མིང་ཐོས་པ་དེ་དག་ཀྱང་ཕྱག་བྱ་བའི་འོས་ཡིན་ན། གང་དག་འཛིན་པ་དང་། ཀློག་པ་དང་། ཀུན་ཆུབ་པར་བྱེད་པ་དང་། གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟོན་པ་ལྟ་སྨོས་ཀྱང་ཅི་དགོས་ཏེ། དེ་དག་ནི་དེ་
D145.057.0061b04.01བཞིན་གཤེགས་པ་ཞེས་བརྗོད་པར་བྱའོ། །དེ་ནས་བཅོམ་ལྡན་འདས་ཀྱིས་བརྒྱ་བྱིན་དང་ཚངས་པ་དང་། འཇིག་རྟེན་སྐྱོང་བ་དེ་དག་ལ་ཀྱེ་གྲོགས་པོ་དག་ཁྱོད་ཀྱིས་ཚིག་འདི་ལེགས་པར་སྨྲས་པ་ལེགས་སོ་ལེགས་སོ་ཞེས་བྱ་བ་བྱིན་ནོ། །དེ་ནས་བཅོམ་ལྡན་འདས་ཀྱི་ཞལ་ནས་
D145.057.0061b05.01ལྗགས་ཀྱི་དབང་པོ་ཕྱུང་སྟེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ལྗགས་ཀྱི་དབང་པོས་སྣང་བར་བྱས་ནས་བྱང་ཆུབ་སེམས་དཔའ་ཀུན་དུ་བཟང་པོ་ལ་འདི་སྐད་ཅེས་བཀའ་སྩལ་ཏོ། །སེམས་ཅན་གང་དག་ཆོས་ཀྱི་རྣམ་གྲངས་འདི་མི་ཐོས་པ་དེ་དག་ནི་ཇི་ལྟར་མི་དམུས་
D145.057.0061b06.01ལོང་གིས་ཉི་མའི་སྣང་བ་མི་མཐོང་བ་དང་། ཇི་ལྟར་ཚོང་བ་ཐབས་མི་ཤེས་པ་དང་། ཇི་ལྟར་མི་དབུལ་པོ་གཞན་གྱི་ངོར་ལྟ་བ་དང་འདྲ་སྟེ། དེ་དག་གི་དོན་དུ་ངས་དཔེ་འདི་བྱས་ན་ཅི་ནས་སེམས་ཅན་རྣམས་ཆོས་རིན་པོ་ཆེའི་ཕུང་པོ་འདི་འདྲ་བ་ལས་རིང་དུ་མི་འགྱུར་བར་བྱ་བའི་ཕྱིར་ཆོས་ཀྱི་
D145.057.0061b07.01