完整藏文原文 · 德格版页 当前仅加载第 57 函德格 37b 版页；藏文 NFD、目录标记与异常页序保留在来源切片中，重复版页行以稳定序号区分。
པོས་འདི་སྐད་ཅེས་གསོལ་ཏོ། །བཅོམ་ལྡན་འདས་རྣམ་པར་དག་པའི་སྒོ་འདི་ནི་མོས་པར་བགྱི་དཀའ་བ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་དེ་བཞིན་ཏེ། ཇི་སྐད་སྨྲས་པ་བཞིན་ནོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་བློ་གྲོས་རྒྱ་མཚོས་
D145.057.0037b01.01འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་ཀུན་ཏུ་བཟང་པོས་རྣམ་པར་དག་པའི་སྒོ་བསྟན་པ་འདི་ལེགས་པར་སྨྲས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་དེ་བཞིན་ཏེ། ཇི་སྐད་སྨྲས་པ་བཞིན་ནོ། །རིགས་ཀྱི་བུ་གཞན་ཡང་འདི་
D145.057.0037b02.01ནི་ཆོས་ཐམས་ཅད་ཀྱི་རྒྱུ་འཐུན་པ་ཡིན་ནོ། །འདི་ནི་ཆོས་ཀྱི་ཆར་ཆེན་པོ་ཡིན་ནོ། །དེ་ནས་ཤིང་སཱ་ལ་ཆེན་པོ་ལྟ་བུའི་བྲམ་ཟེ་མཉམ་པ་ཉིད་དུ་གནས་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་ནི་མཉམ་པ་ཉིད་བསམ་གྱིས་མི་ཁྱབ་པ་ལགས་ཏེ། །
D145.057.0037b03.01དེ་ལ་ཡི་གེ་མི་དམིགས། ཚིག་འབྲུ་མི་དམིགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་དེ་བཞིན་ཏེ། ཆོས་ཀྱི་དབྱིངས་ལ་ཚིག་འབྲུ་མི་སྣང་། དོན་ཀྱང་མི་སྣང་ངོ་། །དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །
D145.057.0037b04.01བཅོམ་ལྡན་འདས་སྟོང་པ་ཉིད་ཀྱི་རྒྱུ་འཐུན་པ་གང་ལགས། རྣམ་པ་གང་ལགས། རྟགས་གང་ལགས། མཚན་མ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་སྟོང་པ་ཉིད་ནི་བརྗོད་དུ་མེད་པ། བསྙད་དུ་མེད་པ་སྟེ། བརྗོད་དུ་མེད་པའི་ཆོས་ཉིད་འདི་ལ་མོས་པ་
D145.057.0037b05.01གང་ཡིན་པ་དེ་སྟོང་པ་ཉིད་ཅེས་བྱའོ། །སྟོང་པ་ཉིད་དེ་ནི་ཡི་གེ་མེད་པ་སྟེ། དེའི་ཕྱིར་སྟོང་པ་ཉིད་ཅེས་བྱའོ། །སྟོང་པ་ཉིད་དེ་ནི་བསྙད་དུ་མེད་པ་སྟེ། དེའི་ཕྱིར་སྟོང་པ་ཉིད་ཅེས་བྱའོ། །རིགས་ཀྱི་བུ་ཆོས་ཐམས་ཅད་ནི་ཆོས་ཀྱི་ངོ་བོ་ཉིད་ཀྱིས་སྟོང་ངོ་། །དེ་ནས་བཅོམ་ལྡན་འདས་ལ་ཚེ་དང་ལྡན་པ་
D145.057.0037b06.01ཤ་ར་དྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་བསམ་གྱིས་མི་ཁྱབ་པའི་ཆོས་ལ་གནས་པ་རྣམས་ཀྱི་རྣམ་པར་འཕྲུལ་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། ཚེ་དང་ལྡན་པ་ཤ་ར་དྭ་ཏིའི་བུ་སེམས་དང་པོ་བསྐྱེད་པའི་བྱང་
D145.057.0037b07.01