完整藏文原文 · 德格版页 当前仅加载第 57 函德格 49a 版页；藏文 NFD、目录标记与异常页序保留在来源切片中，重复版页行以稳定序号区分。
རླུང་དང་ནམ་མཁའ་ཇི་སྙེད་ཡོད་པ་དང་། །ཕྱོགས་ན་འདོད་དང་གཟུགས་དང་གཟུགས་མེད་པ། །དེ་དག་རྣམས་ལ་དེ་ནི་དཔྱོད་དུ་གཞུག །རྒྱ་ཆེན་ཆོས་རྣམས་ཀུན་དང་ཁམས་རྣམས་ཀྱི། །རང་བཞིན་མ་ལུས་མཐར་ཐུག་བརྟག་བྱ་བ། །དེ་ནི་སངས་རྒྱས་སྲས་
D145.057.0049a01.01པོ་སྦྱོར་བྱེད་ལ། །ཕན་པར་བྱ་ཕྱིར་རྗེས་སུ་བསྟན་པ་ཡིན། །བྱང་ཆུབ་སེམས་དཔའ་སྐྱེ་བར་གང་སྐྱེས་པ། །བསྟན་ལ་སྐྱེས་ཤིང་རབ་ཏུ་འབྱུང་བར་བྱེད། །བློ་ལྡན་དེ་ནི་དངོས་མེད་དངོས་པོ་རྟོགས། །དམ་ཆོས་གནས་སུ་སྐྱེས་ཏེ་ལེགས་པར་སྐྱེས། །དེ་ནི་རང་གི་ས་ལས་ཡོངས་
D145.057.0049a02.01མི་ལྡོག །སངས་རྒྱས་མཐར་ཐུག་ཡིན་པར་འཛིན་པ་སྐྱེ། །རྟག་ཏུ་ཆོས་ལ་ངེས་པར་སེམས་དང་ལྡན། །སེམས་ཅན་རང་བཞིན་ཅི་འདྲར་རྣམ་པར་དཔྱོད། །ལས་དང་འཇིག་རྟེན་དག་དང་ཞིང་རྣམས་དང་། །རྣམ་པར་སྨིན་དང་འཁོར་དང་མྱ་ངན་འདས། །རྣམ་པར་དབྱེ་བ་རྒྱལ་
D145.057.0049a03.01བའི་སྲས་ཀྱིས་ཤེས། །དེ་ཐུགས་སྐྱེས་པའི་བྱང་ཆུབ་སེམས་དཔར་བརྗོད། །ཐམས་ཅད་མཁྱེན་པ་འདས་དང་བྱུང་རྣམས་དང་། །མ་བྱོན་དག་ཀྱང་ཆོས་རྣམས་རྣམ་དཔྱད་ནས། །གྲུབ་དང་གང་ཡང་ལེགས་སྐྱེས་མཐར་ཐུག་དང་། །རང་བྱུང་རྣམས་ཀྱི་གྲུབ་པ་ཅི་འདྲ་བ། །
D145.057.0049a04.01སངས་རྒྱས་དམ་པ་དེ་དག་ཐམས་ཅད་ནི། །དུས་གསུམ་མཉམ་ཉིད་རྗེས་སུ་ཞུགས་པ་ཤེས། །ནམ་ཡང་མཉམ་ཉིད་བྱེ་བྲག་འབྱེད་མི་བྱེད། །དེ་ནི་དུས་གསུམ་ཐ་དད་མེད་པར་འཇུག །གང་གི་ཕན་ཡོན་རྣམ་པ་འདི་འདྲ་བ། །དེ་ནི་བྱང་ཆུབ་སེམས་དཔའ་བཞི་པ་སྟེ། །
D145.057.0049a05.01འདི་དག་རབ་བསྒྲུབས་བྱང་ཆུབ་སེམས་དཔའ་དེ། །བྱང་ཆུབ་དོན་དུ་ངེས་པར་འབྱུང་བར་འགྱུར། །དེ་ལྟར་བྱང་ཆུབ་སེམས་དཔའ་ལྔ་པ་སྟེ། །སྦྱོར་བ་ཕུན་སུམ་ཚོགས་པར་བརྗོད་པ་ཡིན། །ཐབས་ལ་མཁས་པའི་རྗེས་སུ་ཞུགས་པ་སྟེ། །བསོད་ནམས་ལས་དག་
D145.057.0049a06.01བརྩམས་པས་མཐར་ཕྱིན་བྱེད། །དེ་ལྟར་བསོད་ནམས་རབ་ཏུ་ཅི་བྱེད་ཀྱང་། །འཇིག་རྟེན་ཀུན་གྱི་རྟེན་དུ་འགྱུར་བ་དང་། །ཕན་པར་འདོད་དང་བདེ་བ་ཐོབ་བྱེད་དང་། །སྙིང་བརྩེ་བ་དང་སྐྱེ་དགུ་དགྲོལ་འགྱུར་བྱེད། །འཇིག་རྟེན་གནོད་གྱུར་གདུལ་བར་བྱ་བའི་ཕྱིར། །འདྲེན་པར་བྱེད་
D145.057.0049a07.01