完整藏文原文 · 德格版页 当前仅加载第 56 函德格 143a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་སའི་སྙིང་པོས་གསོལ་པ། བཙུན་པ་དེ་ལྟ་བུའི་ཆོས་ལ་རྒྱུ་རྐྱེན་མེད་དོ། །རྐྱེན་ལ་རྐྱེན་མེད་ན་ཆོས་ཀྱི་རྒྱུ་མི་ལྡང་ངོ་། །ཇི་ལྟ་བུར་མི་གཡོ་བའི་ཆོས་ཀྱིས་ཡང་དག་པར་གཤེགས་པར་ཆུད། དེ་ནས་ཡང་དག་པར་གཤེགས་པས་གཞུང་འདི་དགྲོལ་བར་དགོངས་
D135.056.0143a01.01ཏེ་ཚིགས་སུ་བཅད་པས་བཤད་དོ། །ཆོས་རྣམས་ཀུན་གྱི་མཚན་མ་ནི། །ཆོས་དེའི་ཚེ་ན་གཡོ་བ་མེད། །ཆོས་ལ་ཐ་དད་དུས་ཀྱང་མེད། །དེ་ཡི་ཚེ་ན་གཡོ་བ་མེད། །ཆོས་ལ་ཐ་དད་དུས་ཀྱང་མེད། །ཐ་དད་དུས་ལས་མ་ལངས་སོ། །ཆོས་ལ་གཡོ་མེད་མི་གཡོའོ། །ངོ་བོ་སྟོང་པ་མི་གཡོ་
D135.056.0143a02.01ཞིང་། །ངོ་བོ་སྟོང་ཞིང་ཞི་བའི་ཚེ། །ཆོས་དེ་དེ་ཡི་ཚེ་ན་བྱུང་། །མཚན་མ་བྲལ་བས་སྟོང་པར་གནས། །སྟོང་པར་གནས་པས་དམིགས་པ་མེད། །རྐྱེན་ལས་ལྡང་བའི་ཆོས་ཀྱི་རྣམས། །ཆོས་དེ་ལས་ནི་རྐྱེན་མི་སྐྱེ། །རྒྱུ་དང་རྐྱེན་དང་སྐྱེ་བ་མེད། །སྐྱེ་བའི་སྟོང་པའི་ངོ་བོ་སྟོང་། །རྐྱེན་
D135.056.0143a03.01གྱི་རང་བཞིན་རྐྱེན་བྱ་ནུས། །རྐྱེན་དེའི་ཕྱི་མོ་རྐྱེན་ལས་གཡོས། །ཆོས་གཡོས་པས་ནི་རྐྱེན་ཀྱང་མེད། །རྐྱེན་མེད་ན་ནི་གཡོ་བའང་མེད། །རྒྱུ་རྐྱེན་ལས་སུ་སྐྱེས་པའི་ཆོས། །ཆོས་ཉིད་དེ་ནི་རྒྱུ་རྐྱེན་ཡིན། །རྒྱུ་རྐྱེན་གྱི་ནི་སྐྱེ་ཤི་གཟུགས། །དེ་ལ་སྐྱེ་དང་ཤི་བའང་མེད། །དེ་ནི་ཡང་དག་བདེན་
D135.056.0143a04.01གཟུགས་བཞིན། །ཕྱི་མོ་ནུས་སུ་འབྱུང་ནུས་མེད། །ཆོས་རྣམས་དེ་ཡི་ཚེ་ན་ནི། །འབྱུང་ཞིང་ནུབ་པར་རང་ལས་སྐྱེ། །ཤིན་ཏུ་གཙང་མའི་ཕྱི་མོ་ཉིད། །ཕྱི་མོའི་རྒྱུ་ཡི་སྟོབས་མ་ཡིན། །ཕྱིན་ཆད་དེ་ཡི་གནས་ཐོབ་པ། །ཐོབ་པའི་ཕྱི་མོའི་གཙང་མ་ཐོབ། །དེ་ནས་བྱང་ཆུབ་སེམས་དཔའ་
D135.056.0143a05.01སའི་སྙིང་པོས་སངས་རྒྱས་ཀྱིས་བཤད་དོ་ཅོག་ཐོས་ནས་སེམས་ཚིམ་སྟེ། དེའི་ཕལ་མང་པོ་རྣམས་དོགས་པ་མེད་དེ་ཕལ་མང་པོ་རྣམས་ཤེས་ཟིན་ནས་ཚིགས་སུ་བཅད་པ་བཤད་དོ། །བདག་གིས་ཕལ་གྱི་སེམས་དག་རིག །དེ་ལྟ་བས་ན་བརྟུལ་བར་དྲིས། །ཡང་དག་གཤེགས་པ་དགེ་
D135.056.0143a06.01བྱམས་ཆེ། །བྱེ་བྲག་ཕྱེ་སྟེ་ལུས་པ་མེད། །རྣམ་གཉིས་ཀྱིས་ནི་ཕལ་མང་པོ། །ཀུན་གྱིས་གནང་ཞིང་མངོན་པར་ཐོབ། །བདག་གིས་ད་ནི་ཟིན་ནས་ཀྱིས། །སེམས་ཅན་ཐམས་ཅད་ཁྱབ་པར་བསྟན། །ཡང་དག་གཤེགས་པས་ཐུགས་རྗེས་སུ། །ཕྱི་མོའི་སྨོན་ལམ་ཡོང་མ་བཏབ། །དེ་
D135.056.0143a07.01