完整藏文原文 · 德格版页 当前仅加载第 56 函德格 142a 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། བརྩད་པར་ཀུན་སྟོང་ཞིང་མི་གཡོ་བ་དེ་ལྟ་བུའི་གཞུང་དག་པ་དང་། ཤེས་རབ་དང་ཡང་དག་པའི་མི་གཡོ་བ་བསྟན་པར་སྨོན་ཏོ། །བཙུན་པས་རྟག་ཏུ་དེ་ལྟ་བུ་བདེན་པ་མི་གཡོ་བའི་སྟོང་པའི་ཆོས་བསྟན་པ་སྨན་བཟང་པོ་ལགས་སོ། །སངས་རྒྱས་
D135.056.0142a01.01ཀྱིས་གསུངས་པ་དེ་ཡིན་ནོ། །དེ་ཅིའི་ཕྱིར་ཞེ་ན། སྟོང་པའི་ཕྱིར་རོ། །སྟོང་པའི་ངོ་བོ་ཉིད་ལ་སྐྱེ་བ་མེད་དོ། །སེམས་ལ་རྟག་པར་སྐྱེ་བ་མེད་དོ། །སྟོང་པའི་ངོ་བོ་ཉིད་ལ་ཞི་བ་མེད་དེ། སེམས་ལ་ཡང་བྱ་བ་ཡང་མེད་དོ། །སྟོང་པའི་ལས་འབྱུང་འཇུག་མེད་དེ། ཐོབ་པ་
D135.056.0142a02.01དང་སྟོང་པའི་རྣམས་དང་བྲལ་བས་ཕུང་པོ་དང་། ཁམས་དང་། ཞུགས་པ་ལ་སོགས་པ་ཀུན་ཀྱང་མེད་དོ། །སེམས་མི་གཡོ་མི་ཆགས་པ་ཡང་དེ་དང་མཚུངས་སོ། །བྱང་ཆུབ་སེམས་དཔའི་སྟོང་པའི་རྣམས་བཤད་པ་ནི་ཡོད་པའི་བཤིག་པའི་ཕྱིར་རོ། །བྱང་ཆུབ་སེམས་དཔའ་
D135.056.0142a03.01སའི་སྙིང་པོས་གསོལ་པ། བཙུན་པ་ཡོད་པ་བཙལ་ན་བདེན་པ་མ་མཆིས་ཏེ། སྨིག་རྒྱུ་དང་ཆུ་དང་མཚུངས་བདེན་པར་རིག་སྟེ། མེད་པ་མ་ལགས་ན་མེའི་རང་བཞིན་དང་མཚུངས་སོ། །དེ་ལྟ་བུར་རྟོག་པ་ནི་མི་མཛངས་པ་ལགས་སོ། །སངས་རྒྱས་ཀྱིས་གསུངས་པ་དེ་ཡིན་ནོ། །
D135.056.0142a04.01ཇི་ལྟར་མི་དེས་ཡང་དག་པ་ལ་བརྟགས་ཏེ། སྟོང་པ་ཞི་བ་གཅིག་པུའི་མཚན་མ་བརྟགས་ན་མཚན་མ་མེད་པ་དང་མཚུངས་སོ། །སྟོང་པ་སྤྱད་དེ་བླངས་ནས་སྟོང་པ་སྤྱད་པས་ན་སངས་རྒྱས་མཐོང་བ་མ་སྟོར་ཏོ། །སངས་རྒྱས་མཐོང་བ་སྤྱད་པ་ན་འབབ་པ་གསུམ་དང་བྲལ་ཏེ། ཐེག་པ་ཆེན་
D135.056.0142a05.01པོའི་ཆོས་ཀྱི་ནང་ན་གྲོལ་ཐར་གསུམ་གྱི་ལམ་མདོ་གཅིག་སྟེ། ངོ་བོ་ཉིད་མེད་དོ། །དེའི་ངོ་བོ་ཉིད་མེད་པས་ན་སྟོང་ངོ་། །སྟོང་པས་ན་མཚན་མ་མེད་དོ། །མཚན་མ་མེད་པས་ན་བྱ་བ་མེད་དོ། །བྱ་བ་མེད་པས་ན་བཙལ་བ་མེད་དོ། །བཙལ་བ་མེད་པས་ན་སྨོན་ལམ་མེད་དོ། །དེ་
D135.056.0142a06.01ལྟ་བུའི་ལས་སྤྱད་པས་ན་སེམས་གཙང་ངོ་། །སེམས་གཙང་བས་ན་སངས་རྒྱས་མཐོང་ངོ་། །སངས་རྒྱས་མཐོང་བ་ན་ཡུལ་གཙང་མར་སྐྱེའོ། །བྱང་ཆུབ་སེམས་དཔའ་དེ་ལྟ་བུའི་ཟབ་མོའི་ཆོས་བསྟན་པས། གསུམ་འགྲུས་པར་སྤྱད་དེ། ཤེས་རབ་དང་ཐུབ་པ་གྲུབ་ན།
D135.056.0142a07.01