完整藏文原文 · 德格版页 当前仅加载第 56 函德格 128b 版页；藏文 NFD、目录标记与异常页序保留在来源切片中，重复版页行以稳定序号区分。
མི་གཡོ། དེ་ནས་སངས་རྒྱས་ཀྱིས་ཆགས་མེད་བྱང་ཆུབ་སེམས་དཔའ་ལ་བཀའ་སྩལ་པ། ཁྱོད་ཐོག་མ་ག་ལས་འོངས། ད་གནས་གར་ཕྱིན། ཆགས་མེད་བྱང་ཆུབ་སེམས་དཔས་གསོལ་པ། བཙུན་པ་བདག་ཐོག་མའི་ཕྱི་མོ་མ་མཆིས་པ་ནས་མཆིས་སོ། །ད་ཕྱི་མོ་མ་
D135.056.0128b01.01མཆིས་པའི་གནས་སུ་ཕྱིན་ཏེ། སངས་རྒྱས་ཀྱིས་གསུངས་པ། ཁྱོད་ཕྱི་མོ་ནས་འོངས་པ་ཡང་མེད་དོ། །ད་ཕྱིན་པའི་གནས་ཀྱང་མེད་དེ། ཁྱོད་ཀྱིས་ཕྱི་མོ་བསོད་ནམས་ཐོབ་སྟེ། བསམ་གྱིས་མི་ཁྱབ་བོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དེས་མོད་བཞིན་
D135.056.0128b02.01འོད་ཆེན་པོ་བཏང་སྟེ། ཁམས་སུ་ཁྱབ་པར་སྣང་ནས་ཚིགས་སུ་བཅད་པ་བཤད་དོ། །ཤིན་ཏུ་ཆེ་བའི་ཆང་ཐུབ་རྣམས། །ཀུན་ཀྱང་ཤེས་རབ་གང་ཞིང་རྒྱས། །རྟག་པར་ཕྱི་མོ་བསོད་ནམས་ས་སྤྱད། །སེམས་ཅན་རྣམས་ལ་ཕན་ཞིང་བསོད། །ཆོ་ག་རྣམ་པ་བཞི་སྤྱད་དེ། །རྟག་པར་ཕྱི་མོ་བསོད་
D135.056.0128b03.01ནམས་གནས། །མང་པོ་ཕལ་རྣམས་ཀུན་དྲངས་ཏེ། །སོང་ཞིང་འོངས་པ་ཡང་མེད་དོ། །དེ་ནས་ཆགས་མེད་བྱང་ཆུབ་སེམས་དཔས་སངས་རྒྱས་ལ་གསོལ་པ། བཙུན་པ་ཕན་པ་ཅི་སྤྱད་དེ་བསྒྱུར་ལ། སེམས་ཅན་གྱི་སེམས་ཡིད་ཐམས་ཅད་བསྒྱུར་ཏེ་གཙང་དག་པའི་ཤེས་
D135.056.0128b04.01པར་ཆུད། སངས་རྒྱས་ཀྱིས་གསུངས་པ། ཡང་དག་པར་གཤེགས་པའི་སངས་རྒྱས་རྣམས་ཀྱིས་ནི་རྟག་པར་ཚོར་བ་གཅིག་སྤྱད་དེ། རྣམ་པར་ཤེས་པ་བསྒྱུར་བས་གཙང་དག་པའི་ཤེས་པར་ཆུད་དོ། །ཇི་ལྟ་ཞེ་ན། སེམས་ཅན་ཐམས་ཅད་ཕྱི་མོ་ནས་ཚོར་བས་ན། རྟག་པར་ཚོར་
D135.056.0128b05.01བ་གཅིག་སྤྱད་དེ། སེམས་ཅན་གྱི་རྣམས་ཚོར་བར་བྱས་སོ། །སེམས་ཅན་དེ་དག་ཕྱི་མོའི་ཚོར་བ་ཐོབ་པར་བྱས་ཏེ། སེམས་ཡིད་རྣམས་ཚོར་བས་སྟོང་ཞིང་མི་གཡོ་ལ་སྐྱེ་བ་མེད་དོ། །ཇི་ལྟ་ཞེ་ན། ཕྱི་མོའི་ངོ་བོ་ཉིད་ཡང་དག་པར་མི་འགྱུར་བས་ན་ཕྱི་མོ་ནས་གཡོ་བ་མེད་དོ། །
D135.056.0128b06.01ཆགས་མེད་བྱང་ཆུབ་སེམས་དཔས་གསོལ་པ། རྣམ་པར་ཤེས་པ་ཀུན་རྐྱེན་གྱི་ཁམས་ལས་ལངས་ན་གཅིག་པུ་ཇི་ལྟ་བུར་མི་གཡོ་བར་རུང་། སངས་རྒྱས་ཀྱིས་གསུངས་པ། ཁམས་གསུམ་ཐམས་ཅད་ཀྱང་ཕྱི་མོ་ནས་སྟོང་། རྣམ་པར་ཤེས་པ་ཐམས་ཅད་ཀྱང་ཕྱི་མོ་ནས་སྟོང་པ་ལ་
D135.056.0128b07.01