完整藏文原文 · 德格版页 当前仅加载第 56 函德格 140a 版页；藏文 NFD、目录标记与异常页序保留在来源切片中，重复版页行以稳定序号区分。
མེད། ཁམས་ཀྱང་མེད། མི་བདེན་པའི་ཆད་པའི་མུ་རྣམས་དང་བྲལ་ཏེ། ཆོས་འདི་རྟག་པ་མེད་པ་མེད་དེ། རྟག་པ་དང་ཆད་པ་མཐོང་བ་རྣམས་དང་བྲལ་བས་ཤེས་པ་རྟག་པ་ཡིན་པར་མངོན་པར་མཐོང་ངོ་། །ཤེས་པ་ནི་རྟག་པར་སྟོང་ཞི་སྟེ། སྟོང་ཞི་བ་ཡང་སྟོང་ཞིའོ། །
D135.056.0140a01.01ཕོ་དགེ་བ་སྟོང་ཞི་བར་རིག་ན་མི་སྟོང་། མི་ཞི་བའི་སེམས་རྟག་པར་སྟོང་ཞིའོ། །སྟོང་ཞི་བ་ཐོབ་ན་སེམས་རྟག་པར་ཡང་དག་པར་ཞུགས་ཏེ་མིང་དང་ཁ་དོག་གི་རྣམས་རིག་ན། གཏི་མུག་གི་སེམས་འབའ་ཞིག་ཡིན་ནོ། །གཏི་མུག་གི་སེམས་ཀྱིས་རྣམ་པར་བརྟགས་ཏེ།
D135.056.0140a02.01ཆོས་རྣམས་བྱེ་བྲག་ཕྱེ་ན་ཐ་དད་པ་གཞན་མེད་ཀྱི་མིང་དང་ཁ་དོག་ལས་བྱུང་ངོ་། །ཆོས་དེ་ལྟ་བུ་ཡིན་པར་རིག་ན་ཡི་གེའི་འབྲུ་དང་། ཚིག་ལས་མི་འབྲངས་ཏེ། སེམས་དང་སེམས་ཀྱི་གཞུང་གིས་ང་ལ་རྣམ་པར་མི་རྟོག་གོ། །ང་སྒྱུ་མའི་མི་ཡིན་པར་རིག་ན་གདོད་སྟོང་པ་ཞི་བའི་ཐོབ་
D135.056.0140a03.01བོ། །སྟོང་པ་ཞི་བའི་ཐོབ་ན་གདོད་བླ་ན་མེད་པ་གཡུང་དྲུང་རྫོགས་པའི་བྱང་ཆུབ་ཐོབ་བོ། །དེ་ནས་ཚངས་པ་ཡ་རབས་སྤྱོད་ཀྱིས་ཚིག་དེ་སྐད་བཤད་པ་ཐོས་ནས་ཚིགས་སུ་བཅད་པ་བཤད་དོ། །མིང་དང་གཟུགས་ལས་རྣམ་པར་བརྟགས། །ཆོས་ཀྱི་མིང་དང་གསུམ་ཞེས་བྱ། །
D135.056.0140a04.01ཡང་དག་མི་གཡོ་དྲང་ཤེས་རབ། །དེ་དང་བསྡོམས་ན་ལྔར་འགྱུར་རོ། །བདག་ད་ཆོས་དེ་བཤད་པས་སུ། །ཆད་དང་རྟག་པ་བཅིངས་བརྟགས་ཏེ། །སྐྱེ་དང་ཤི་བའི་ལམ་དུ་ཞུགས། །ཆད་པ་དེ་ནི་རྟག་མ་ཡིན། །ཡང་དག་གཤེགས་པས་སྟོང་ཆོས་སྤྱད། །ཆད་དང་རྟག་
D135.056.0140a05.01པས་ཡོང་བྲལ་ལོ། །རྒྱུ་རྐྱེན་མེད་པ་མི་སྐྱེ་སྟེ། མི་སྐྱེ་བས་ནི་མི་ཞིའོ། །རྒྱུ་རྐྱེན་ཡོད་པར་འཛིན་པ་ནི། །སྟོང་པའི་མེ་ཏོག་ཐུ་བ་བཞིན། །དཔེ་རུ་མེ་ཏོག་ཐུ་བ་བཞིན། །མཐའ་རུ་ཐོབ་པར་ཡང་མི་རུང་། །རྒྱུ་རྐྱེན་བླངས་པ་རྣམས་དང་བྲལ། །གཞན་ལས་ཞི་བའང་མ་ཡིན་
D135.056.0140a06.01ཏེ། །བདག་གི་གཞུང་ཡང་མ་ཡིན་ནོ། །མི་གཡོ་རྟེན་པས་བདེ་བ་ཐོབ། །དེ་ནི་ཡང་དག་བདེན་པའི་ཆོས། །རྟག་པར་རང་དབང་མི་གཡོ་བཞིན། །ཆོས་རྣམས་ཟད་པར་ཀུན་ཤེས་པ། །ལས་སུ་འཕྲུལ་པས་སྤྲུལ་པ་ཡིན། །ཤེས་རབ་བྲལ་ན་ཆོས་ཉིད་སྟོང་། །དེ་བས་
D135.056.0140a07.01