完整藏文原文 · 德格版页 当前仅加载第 51 函德格 194b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་རྣམས་སུ་སྐྱེ་བར་འགྱུར་རོ། །དེ་དག་ཀྱང་འདོད་ཆགས་ཀྱིས་མྱོས་ནས། ཚོར་བ་དེ་དག་བཟོད་པར་གྱུར་ཏེ། བདག་ཅག་གིས་ཁྱིམ་དང་། བུ་སྨད་ཡོངས་སུ་བསྐྱང་བར་བྱའོ། །ཆུང་མ་དང་། བུ་དང་། བུ་མོ་ཡོངས་སུ་བསྐྱང་བར་བྱའོ་སྙམ་མོ། །གང་གི་ཚེ་
D114.051.0194b01.01ཡང་སེམས་ཅན་དམྱལ་བར་སྐྱེས་པ་དེའི་ཚེ་ནི་འགྱོད་པར་འགྱུར་རོ། །གང་གི་ཚེ་ཕྱིར་ཐར་བར་གྱུར་པ་དེའི་ཚེ་ནི་འདོད་ཆགས་ཀྱིས་ཆགས་ནས་སེམས་ཅན་དམྱལ་བའི་སྡུག་བསྔལ་བརྗེད་པར་འགྱུར་ཏེ། སྦྱིན་པ་ཡང་སྦྱིན་པར་མི་བྱེད། ཚུལ་ཁྲིམས་ཀྱང་སྲུང་བར་མི་བྱེད་དོ། །འདི་
D114.051.0194b02.01ལྟ་སྟེ་དཔེར་ན་མི་ཆང་གིས་ར་རོ་ཞིང་མྱོས་ཏེ། ཚབས་ཆེར་ར་རོ་ཞིང་མྱོས་ལ་གཏུ་ལུམ་པར་གྱུར་ན། མི་དེས་སེམས་ཀྱིས་ཀྱང་ཁྱིམ་ཚོལ་མི་ནུས་ལམ་ཡང་མི་ཚོལ། ཕ་མ་དང་། ཆུང་མ་དང་། བུ་དང་། བུ་མོའི་འདུ་ཤེས་ཀྱང་མེད། སངས་རྒྱས་དང་། ཆོས་དང་། དགེ་
D114.051.0194b03.01འདུན་ཡང་མི་དྲན་ཏེ། དེ་ཆང་གིས་མྱོས་པའི་མཐུས་དུར་ཁྲོད་ན་འདུག་ན་ཡང་འཇིགས་པ་མེད་ལ། འདི་སྙམ་དུ་སེམས་ཏེ། ལྷའམ། ཀླུའམ། གནོད་སྦྱིན་ང་སྐྲག་པར་བྱེད་ནུས་པ་སུ་ཞིག་ཡོད་སྙམ་མོ། །དེ་བོང་བ་དང་། ཤིང་དང་། རྩྭ་དང་། ཚེར་མའི་མལ་
D114.051.0194b04.01གཞན་དག་ལ་བདེ་བའི་འདུ་ཤེས་སྐྱེད་པ་ལས། ལུས་སོར་ཆུད་ཅིང་ར་རོ་བ་དེ་སངས་ནས་གང་གི་ཚེ་དྲན་པ་རྙེད་པར་གྱུར་པ་དེའི་ཚེ་འགྱོད་པར་བྱེད་དེ། བདག་ནི་སྲོག་ལ་ཐུག་ཀྱང་བླ། བདག་གིས་ཆང་འདི་བཏུང་བར་མི་བྱའོ་སྙམ་མོ། །དེ་བཞིན་དུ་སེམས་ཅན་འདོད་
D114.051.0194b05.01ཆགས་ཀྱིས་རྒྱགས་པས་མྱོས་ཤིང་། ཁྱིམ་ན་གནས་པས་རྣམ་པར་འཁྲུལ་པ་ནོར་གྱིས་སེམས་མྱོས་པ་རྣམས་ཀྱིས་ནི་སངས་རྒྱས་དང་། ཆོས་དང་། དགེ་འདུན་ཡང་ཡོངས་སུ་ཚོལ་བར་མི་བྱེད། སྦྱིན་པ་ཡང་མི་དྲན། མཐོ་རིས་སུ་སྐྱེ་བ་དང་། རྒྱལ་པོར་འགྱུར་
D114.051.0194b06.01བ་དང་། སངས་རྒྱས་ཀྱི་ཞིང་དུ་སྐྱེ་བ་ཡང་ཡོངས་སུ་ཚོལ་བར་མི་བྱེད་དེ། འཁོར་བ་དེ་ཉིད་ན་འཁོར་ཞིང་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་རྣམས་སུ་སྐྱེས་པའི་སྡུག་བསྔལ་མྱོང་བར་འགྱུར་ལ། འདི་སྙམ་དུ་འཛིན་ཏེ། བདག་
D114.051.0194b07.01