完整藏文原文 · 德格版页 当前仅加载第 51 函德格 193a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་སེམས་ཅན་རྣམས་ལ་བཤད་དོ། །དེར་ངས་རྙེད་པའི་མོད་ལ་ཆོས་ལ་བཟོད་པ་ཐོབ་སྟེ། ཆོས་རྣམས་ལ་ཆོས་ཀྱི་མིག་རྣམ་པར་དག་གོ། །སེམས་ཅན་གང་དག་གིས་ཐོས་པ་དེ་དག་ཐམས་ཅད་ཀྱང་ངན་སོང་ཐམས་ཅད་ལས་ཡོངས་སུ་གྲོལ་
D114.051.0193a01.01ཏེ། ནམ་ཡང་ངན་སོང་དུ་མི་འགྲོ་བར་འགྱུར་ལ། ཆོས་རྣམས་ལ་ཆོས་ཀྱི་མིག་རྣམ་པར་དག་སྟེ། སེམས་ཅན་དེ་དག་ཐམས་ཅད་མཐར་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་སོ། །མངོན་པར་རྫོགས་པར་འཚང་
D114.051.0193a02.01རྒྱ་བར་འགྱུར་རོ། །རིགས་ཀྱི་བུ་ངས་ཀྱང་ལོ་མང་པོ། །ལོ་བརྒྱ་ཕྲག་མང་པོ། །ལོ་སྟོང་ཕྲག་མང་པོ། །ལོ་འབུམ་ཕྲག་མང་པོར་སེམས་ཅན་འདོད་ཆགས་དང་། ཞེ་སྡང་དང་། གཏི་མུག་གིས་དཀྲིས་པ་རྣམས་ཀྱི་ཕྱིར་ནོར་དང་། འབྲུ་དང་། འགྲོན་བུ་དང་།
D114.051.0193a03.01གསེར་ཡོངས་སུ་གཏོང་བ་བྱས་ནས། མཐར་གྱིས་ལག་པ་དང་། རྐང་པ་དང་། མིག་དང་། མགོ་བོ་དང་། སྡུག་པའི་བུ་དང་། ཆུང་མ་དང་། བུ་མོའི་བར་དུ་ཡོངས་སུ་གཏོང་བར་བྱས་སོ། །རྐང་དང་། རུས་པ་ཡོངས་སུ་གཏོང་བ་དང་། ཁྱིམ་དང་།
D114.051.0193a04.01གྲོང་དང་། གྲོང་ཁྱེར་དང་། གྲོང་རྡལ་དང་། ཡུལ་འཁོར་དང་། རྒྱལ་པོའི་ཕོ་བྲང་ཡོངས་སུ་གཏོང་བ་བྱས་སོ། །ལོ་འབུམ་ཕྲག་དུ་མར་ཚངས་པར་སྤྱོད་པ་ཡང་སྤྱད་དོ། །ཁྱིམ་པ་དང་འདྲིས་པར་མ་བྱས། རྒྱལ་སྲིད་ལ་དགའ་བ་དང་། ནོར་ལ་དགའ་བ་
D114.051.0193a05.01དང་། ཡུལ་འཁོར་དང་། ཕོ་བྲང་འཁོར་ལ་དགའ་བ་དང་། བུ་དང་བུ་མོ་ལ་དགའ་བ་དང་། ཆུང་མ་ལ་དགའ་བར་མ་བྱས་སོ། །གཅིག་ཏུ་ངེས་པར་ཚངས་པར་སྤྱོད་པ་ལ་གནས་པ་བརྟེན་ཏོ། །གཅིག་ཏུ་ངེས་པར་སྦྱིན་པ་བྱིན་ནོ། །གཅིག་ཏུ་ངེས་པར་
D114.051.0193a06.01སངས་རྒྱས་དང་། ཆོས་དང་། དགེ་འདུན་རྣམས་ལ་མཆོད་པ་དང་། བསྙེན་བཀུར་བྱས་སོ། །གཅིག་ཏུ་ངེས་པར་ངས་ཆོས་སྨྲ་བ་རྣམས་ལ་མེ་ཏོག་དང་། བདུག་པ་དང་། སྤོས་དང་། མེ་ཏོག་ཕྲེང་དང་། བྱུག་པ་དང་། ཕྱེ་མ་དང་། གོས་དང་། གདུགས་
D114.051.0193a07.01