完整藏文原文 · 德格版页 当前仅加载第 51 函德格 189a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་དད་དེ། མེ་ཏོག་དང་། བདུག་པ་དང་། སྤོས་དང་། མེ་ཏོག་ཕྲེང་དང་། བྱུག་པ་དང་། གདུགས་དང་། རྒྱལ་མཚན་དང་། བ་དན་རྣམས་ཀྱིས་མངོན་པར་མཆོད་པ་དང་ཆོས་སྨྲ་བ་དེ་དག་དང་། འདྲི་བ་རྣམས་དང་། འཛིན་པ་རྣམས་
D114.051.0189a01.01ལ་མཆོད་པ་ཆེན་པོས་མཆོད་པ་བགྱིད་པ་དེ་དག་ནི་ཚེ་འདི་ཉིད་ལ་ཡོན་ཏན་དང་ཕན་ཡོན་མང་པོ་ཐོབ་པར་འགྱུར་ཏེ། དེའི་ལུས་ལ་མིག་ནད་དང་། རྣ་ནད་དང་། སྣ་ནད་དང་། ལྕེ་ནད་དང་། རིམས་ནད་དང་། དུག་དང་། མཚོན་དང་། མེས་མི་ཚུགས་ལགས་སོ། །
D114.051.0189a02.01དེ་དག་ལ་ཕ་མས་ཡིད་བདེ་བ་དང་། བུ་དང་ཆུང་མས་ཡིད་བདེ་བ་དང་། ཁྱིམ་གྱིས་ཡིད་བདེ་བ་འབྱུང་བར་འགྱུར་ལགས་སོ། །གཡུལ་འགྱེད་པ་ཐམས་ཅད་དུ་ཡང་རྒྱལ་བར་འགྱུར་རོ། །འགུམ་པའི་ཚེ་ཡང་དེ་བཞིན་གཤེགས་པ་མི་འཁྲུགས་པས་ཡང་
D114.051.0189a03.01དག་པར་དབུགས་འབྱིན་པར་མཛད་དེ། ཀྱེ་མི་ཁྱོད་ཚུར་ཤོག །འཇིག་རྟེན་གྱི་ཁམས་བདེ་བ་ཅན་དུ་སོང་ཤིག །སྐྱེས་བུ་ཆེན་པོ་ཁྱོད་ནི་དགེ་བའི་རྩ་བ་འབར་བ་དང་ལྡན་ཏེ། གང་དུ་འདོད་པའི་གནས་རྣམས་སུ་སྐྱེ་བར་འགྱུར་རོ། །ཞེས་གསུང་ངོ་། །
D114.051.0189a04.01དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་ལེགས་སོ་ལེགས་སོ། །དེ་བཞིན་གཤེགས་པས་འདི་འཛམ་བུའི་གླིང་དུ་བཞག་པ་ནི་དེ་བཞིན་གཤེགས་པའི་ཕྲིན་ལས་
D114.051.0189a05.01བགྱིད་པ་ལགས་སོ། །བཅོམ་ལྡན་འདས་རིག་སྔགས་ཆེན་པོ་འདི་ནི་ལས་ཐམས་ཅད་རྣམ་པར་དག་པར་བགྱིད་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་འདི་ནི་སེམས་ཅན་བསོད་ནམས་ཆུང་ངུ་དག་གི་ཡུལ་ན་སྤྱོད་པར་མི་འགྱུར་
D114.051.0189a06.01རོ། །སེམས་ཅན་བསོད་ནམས་ཆུང་ངུ་དག་གིས་ཐོས་པར་མི་འགྱུར་ལག་ཏུ་འོང་བར་མི་འགྱུར་རོ། །སངས་རྒྱས་ཀྱི་མཐུས་གང་གི་ལག་ཏུ་འོངས་སམ། དེ་བཞིན་གཤེགས་པས་ཉན་དུ་བཅུག་ན། དེས་ཐོས་པའི་མོད་ཁོ་ན་ལ་བྲི་བར་བྱ། ཡི་གེར་འདྲིར་
D114.051.0189a07.01