完整藏文原文 · 德格版页 当前仅加载第 51 函德格 186a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། བཞོན་པ་རྣམས་ཀྱིས་མཆོད་པར་བགྱི་སྟེ། བཅོམ་ལྡན་འདས་དེ་ལ་ནི་བདག་གིས་བསྲུང་བར་བགྱིའོ། །རྒྱལ་སྲིད་ཐམས་ཅད་ལ་ཡང་ཆེས་མཆོད་པར་འགྱུར་བར་བགྱིའོ། །ཇི་ལྟར་འཚལ་བ་བཞིན་དུ་སེམས་དང་། ཡིད་བདེ་བར་བགྱིའོ། །བུ་
D114.051.0186a01.01གཅིག་པ་བཞིན་དུ་ཡོངས་སུ་བསྐྱང་བར་བགྱིའོ། །གང་ལ་ལ་བདག་མཐོང་བར་འཚལ་བ་དང་། སྟོབས་ཀྱིས་འཁོར་ལོས་སྒྱུར་བར་འགྱུར་བ་དང་། ཏིང་ངེ་འཛིན་འཐོབ་པ་དང་། ཐོས་པ་འཛིན་པར་འགྱུར་བ་དང་། ཁམས་རྣམ་པར་སྨིན་པར་འགྱུར་བ་དང་། ལུས་
D114.051.0186a02.01མི་སྣང་བར་འགྱུར་བ་དང་། ནམ་མཁའ་ལས་མཆི་བར་འཚལ་བ་དེས་ནི་ཟླ་བ་ཡར་གྱི་ངོ་ཚེས་བརྒྱད་ལ་ཉིན་མཚན་དུ་སྨྱུང་བ་བགྱིས་ལ་གཟུགས་བགྱིད་དུ་སྩལ་ཏེ། རྡོ་རྗེ་འཆང་གི་གཟུགས་འདམ་བུ་མདའ་རྒྱུའི་མདོག་ཅན་རྒྱན་ཐམས་ཅད་ཀྱིས་བརྒྱན་པ། ཞི་བའི་ཚུལ་
D114.051.0186a03.01ཅན་སྐུ་གདུང་དང་ལྡན་པར་བགྱིའོ། དབུས་སུ་ནི་དེ་བཞིན་གཤེགས་པ་ཤཱཀྱ་ཐུབ་པ་བཞུགས་པར་བགྱིའོ། གཡས་ལོགས་སུ་ནི་འཕགས་པ་སྤྱན་རས་གཟིགས་དབང་ཕྱུག་ལག་པ་བཞི་པ་རྒྱན་ཐམས་ཅད་ཀྱིས་བརྒྱན་པ། སྐུ་གདུང་དང་བཅས་པ་གཞག་གོ། །
D114.051.0186a04.01གཡས་གཡོན་དག་ཏུ་ནི་རྒྱལ་པོ་ཆེན་པོ་བཞི་མཆོད་པ་བགྱིད་པ་གཞག་གོ། །སྒྲུབ་པ་པོའི་རིགས་ཀྱི་བུ་དེས་ཀྱང་གཙང་སྦྲ་བགྱི་བ་དང་། དུས་གསུམ་དུ་ཁྲུས་བགྱི་བ་དང་། དུས་གསུམ་དུ་གོས་བརྗེ་བར་བགྱིའོ། །སེམས་ཅན་ཐམས་ཅད་ལ་ཡང་བྱམས་པའི་སེམས་སུ་
D114.051.0186a05.01བགྱིའོ། །ཟླ་བ་ཡར་གྱི་ངོ་ཚེས་བརྒྱད་ནས་བརྩམས་ཏེ། ཟླ་བ་ཕྱི་མ་ཉ་བ་ཚེས་བཅོ་ལྔའི་བར་དུ་ཟས་སུ་ནས་ཀྱི་འོ་ཐུག་འཚལ་ཞིང་། དུས་གསུམ་དུ་བཟླས་བརྗོད་བགྱིའོ། །བདུག་པ་ནི་ཨ་ག་རུ་དང་། ཙན་དན་དང་། ཅེ་པོག་དང་། གུ་གུལ་དབུལ་ལོ། །ལན་སུམ་
D114.051.0186a06.01འབུམ་གྱི་བར་དུ་བཟླས་བརྗོད་བགྱི་སྟེ། དེ་ནི་སྔར་བསྙེན་པ་བགྱི་བ་ལགས་སོ། །སྐུ་གདུང་དང་ལྡན་པའི་མཆོད་རྟེན་ནམ། དགོན་པའི་གནས་སུ་སྤོས་དང་། བདུག་པ་དང་། མེ་ཏོག་སྣ་ཚོགས་དང་། བ་དན་སྣ་ཚོགས་ཀྱིས་ཀྱང་མཆོད་པར་བགྱིའོ། །དཀར་
D114.051.0186a07.01