完整藏文原文 · 德格版页 当前仅加载第 40 函德格 161a 版页；藏文 NFD、目录标记与异常页序保留在来源切片中，重复版页行以稳定序号区分。
མཚན་མ་མེད་པ་མངོན་པར་རྫོགས་པར་འཚང་མི་རྒྱ་བ་དང་། བྱང་ཆུབ་ནི་སྨོན་པ་མེད་པའི་མཚན་ཉིད་ཡིན་པས་ན་སྨོན་པ་མེད་པས་སྨོན་པ་མེད་པ་མངོན་པར་རྫོགས་པར་འཚང་མི་རྒྱ་བ་དང་། བྱང་ཆུབ་ནི་ཆོས་ཀྱི་དབྱིངས་ཀྱི་རང་བཞིན་ཡིན་པས་ན་རང་བཞིན་གྱིས་རང་བཞིན་
D52.040.0161a01.01མངོན་པར་རྫོགས་པར་འཚང་མི་རྒྱ་བ་དང་། བྱང་ཆུབ་ནི་དེ་བཞིན་ཉིད་དབྱེར་མེད་པའི་མཚན་ཉིད་ཡིན་པས་ན་དེ་བཞིན་ཉིད་ཀྱིས་དེ་བཞིན་ཉིད་མངོན་པར་རྫོགས་པར་འཚང་མི་རྒྱ་བ་དང་། བྱང་ཆུབ་ནི་ཡང་དག་པའི་མཐའ་ལ་གནས་པ་ཡིན་པས་ན་ཡང་དག་པའི་མཐས་ཡང་དག་པའི་མཐའ་མངོན་
D52.040.0161a02.01པར་རྫོགས་པར་འཚང་མི་རྒྱ་བ་དང་། བྱང་ཆུབ་ནི་བདག་མེད་པ་དང་། སེམས་ཅན་མེད་པ་དང་། སྲོག་མེད་པ་དང་། གསོ་བ་མེད་པ་དང་། སྐྱེས་བུ་མེད་པ་དང་། གང་ཟག་མེད་པའི་ངོ་བོ་ཉིད་ཡིན་པས་ན་དེ་ལ་ནི་མངོན་པར་རྫོགས་པར་འཚང་རྒྱ་བ་གང་ཡང་མེད་པའི་ཕྱིར་རོ། །
D52.040.0161a03.01འཇམ་དཔལ་གཞན་ཡང་བྱང་ཆུབ་སེམས་དཔའ་གང་གིས་བྱང་ཆུབ་ཀྱི་མཚན་ཉིད་བསྟན་པ་འདི་ཐོས་ནས་ཆོས་ཐམས་ཅད་ཀྱི་ངོ་བོ་ཉིད་ཀྱི་མཚན་ཉིད་རྣམ་པར་འཁྲུགས་པར་མི་བྱེད་པ་དེ་ནི་སངས་རྒྱས་ཉིད་ཡིན་པར་བརྗོད་པར་བྱའོ། །བདུད་ཀྱིས་བསྟན་པ་འདི་བཤད་པ་ན་བྱང་ཆུབ་སེམས་
D52.040.0161a04.01དཔའ་ལྔ་བརྒྱས་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །དེ་ནས་ཚེ་དང་ལྡན་པ་ཤ་ར་དྭ་ཏིའི་བུས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་ཁྱོད་ཀྱི་བྱིན་གྱི་རླབས་ཀྱིས་བདུད་སྡིག་ཅན་དེ་བཞིན་གཤེགས་པའི་ཁ་དོག་དང་། གཟུགས་ཀྱི་
D52.040.0161a05.01མཚན་དང་ལྡན་ཞིང་སེང་གེའི་ཁྲི་ལ་འདུག་ནས་ཟབ་མོའི་གནས་འདི་ལྟ་བུ་འདི་དག་སྟོན་པ་ནི་ངོ་མཚར་ཏོ། །འཇམ་དཔལ་གྱིས་སྨྲས་པ། བཙུན་པ་ཤ་ར་དྭ་ཏིའི་བུ་ཁོ་བོས་ནི་སེམས་མེད་པའི་དངོས་པོ་ཤིང་དང་། རྩྭ་དང་། ནགས་ཚལ་འདི་དག་ལ་དེ་ལྟ་དེ་ལྟར་བྱིན་གྱིས་བརླབས་
D52.040.0161a06.01ན་ཡང་འདི་དག་ཀྱང་དེ་ལྟ་བུའི་མཚན་དང་ལྡན་ཞིང་སངས་རྒྱས་ཀྱི་སྤོབས་པས་ཆོས་སྟོན་པར་འགྱུར་རོ། །ཁོ་བོས་གནས་བརྟན་ཤ་ར་དྭ་ཏིའི་བུ་ཉིད་ལ་དེ་ལྟ་དེ་ལྟར་བྱིན་གྱིས་བརླབས་ན་ཡང་གནས་བརྟན་ཤ་ར་དྭ་ཏིའི་བུ་ཡང་སངས་རྒྱས་ཀྱི་གཟུགས་དང་། སྐུའི་མཚན་དང་ལྡན་ཞིང་
D52.040.0161a07.01