完整藏文原文 · 德格版页 当前仅加载第 40 函德格 152b 版页；藏文 NFD、目录标记与异常页序保留在来源切片中，重复版页行以稳定序号区分。
པར་འདོད་དམ། སྨྲས་པ། འཇམ་དཔལ་དེ་ནི་མ་ཡིན་ཏེ། དེ་བཞིན་གཤེགས་པ་ནི་མངོན་པར་འདུ་མཛད་པ་མི་མངའ་བ་ཡིན་པས་དེ་ནི་འདུས་མ་བྱས་པ་བརྙེས་པ་དང་། འདུས་མ་བྱས་ཤིང་མངོན་པར་འདུ་མཛད་པ་ནི་མི་མངའ་བ་ཡིན་ནོ། །འཇམ་དཔལ་གྱིས་སྨྲས་པ། ལྷའི་བུ་
D52.040.0152b01.01ཁྱོད་ཀྱིས་དམ་བཅས་པ་དེ་ཉིད་ཀྱིས་ན། མངོན་པར་འདུས་མ་བྱས་པ་ལ་ནི་ཕན་པ་དང་། གནོད་པ་དམིགས་སུ་མེད་དོ། །ལྷའི་བུས་སྨྲས་པ། འཇམ་དཔལ་ཆོས་བསྟན་པ་འདི་ནི་ལས་དང་པོ་པ་རྣམས་ཀྱི་མདུན་དུ་བཤད་པར་མི་བྱའོ། །དེ་ཅིའི་ཕྱིར་ཞེ་ན། ཐོས་ནས་སྐྲག་པར་འགྱུར་
D52.040.0152b02.01བ་དང་། སྐྲག་ནས་ཀྱང་ཕྱིར་ལྡོག་པར་འགྱུར་དུ་འོང་བའི་ཕྱིར་རོ། །འཇམ་དཔལ་གྱིས་སྨྲས་པ། ལྷའི་བུ་ལས་དང་པོ་པའི་བྱང་ཆུབ་སེམས་དཔའ་སྐྲག་པ་དང་། ཕྱིར་ལྡོག་པ་གང་ཡིན་པ་དེ་ནི་ཕྱིར་མི་ལྡོག་པ་ཉིད་ལ་ཡང་དག་པར་གནས་པ་ཡིན་ནོ། །ལྷའི་བུས་སྨྲས་པ། འཇམ་
D52.040.0152b03.01དཔལ་ཁྱོད་ཅི་ལས་བསམས་ཏེ། དེ་སྐད་སྨྲ། འཇམ་དཔལ་གྱིས་སྨྲས་པ། ལྷའི་བུ་ལས་དང་པོ་པའི་བྱང་ཆུབ་སེམས་དཔའ་གང་ཉན་ཐོས་དང་། རང་སངས་རྒྱས་ཀྱི་སས་སྐྲག་ཅིང་སེར་སྣ་དང་། འཆལ་པའི་ཚུལ་ཁྲིམས་དང་། གནོད་སེམས་དང་། ལེ་ལོ་དང་། རྣམ་
D52.040.0152b04.01པར་གཡེང་བ་དང་། འཆལ་པའི་ཤེས་རབ་དག་ལས་ཕྱིར་ལྡོག་པ་དེ་ནི་ཕྱིར་མི་ལྡོག་པ་ཉིད་ལ་ཡང་དག་པར་གནས་པ་ཡིན་ནོ། །སྨྲས་པ། འཇམ་དཔལ་ཇི་ལྟར་གནས་ན་ཡང་དག་པར་གནས་པ་ཡིན། སྨྲས་པ། ལྷའི་བུ་མཉམ་པར་གནས་ཤིང་མི་མཉམ་པར་གནས་པ་མ་ཡིན་
D52.040.0152b05.01ན་དེའི་ཕྱིར་ཡང་དག་པར་གནས་པ་ཞེས་བྱའོ། །སྨྲས་པ། འཇམ་དཔལ་ལས་དང་པོ་པའི་བྱང་ཆུབ་སེམས་དཔའ་ཇི་ལྟར་གནས་པ་ཡིན། སྨྲས་པ། ལྷའི་བུ་གང་གི་ཚེ་ལས་དང་པོ་པའི་བྱང་ཆུབ་སེམས་དཔའ་ཆོས་ཀྱི་དབྱིངས་མཉམ་པ་ཉིད་ལ་མི་གནས་པའི་ཚུལ་གྱིས་མཉམ་པ་ཉིད་
D52.040.0152b06.01དུ་གནས་པ་དེ་ལྟ་བུ་ནི་ལས་དང་པོ་པའི་བྱང་ཆུབ་སེམས་དཔའི་གནས་པ་ཡིན་ནོ། །སྨྲས་པ། འཇམ་དཔལ་ཇི་ཙམ་གྱིས་ན། བྱང་ཆུབ་སེམས་དཔའ་ལས་དང་པོ་པ་ཡིན། སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་དང་པོ་ཉིད་ནས་སྟོང་པ་ཉིད་དང་། མཚན་མ་
D52.040.0152b07.01