完整藏文原文 · 德格版页 当前仅加载第 40 函德格 147b 版页；藏文 NFD、目录标记与异常页序保留在来源切片中，重复版页行以稳定序号区分。
དྲིས་ན་ཆོས་ཐམས་ཅད་ཉེ་བར་ཞི་བ་ཉིད་དུ་བརྡ་སྤྲོད་པར་བྱེད་དེ། ལྷའི་བུ་དེ་ནི་བྱང་ཆུབ་སེམས་དཔའི་ཡང་དག་པའི་ཤེས་པ་བརྡ་སྤྲོད་པ་ཚུལ་ཁྲིམས་ཀྱིས་ཡོངས་སུ་དག་པ་ཡིན་ནོ། །ལྷའི་བུ་གཞན་ཡང་གང་གི་ཚེ་བྱང་ཆུབ་སེམས་དཔའ་ཤིན་ཏུ་ཟད་པའི་ཆོས་ཉིད་དང་། ཤིན་དུ་སྐད་ཅིག་
D52.040.0147b01.01པའི་ཆོས་ཉིད་དང་། ཤིན་ཏུ་ཡ་མ་བརླའི་ཆོས་ཉིད་དུ་རིག་ནས་སེམས་ཅན་ཐམས་ཅད་ཀྱི་ཉེས་པར་བྱས་པ་ཡང་བཟོད་ཅིང་། གང་གི་ཚེ་ཕྱི་ནང་གི་སེམས་ཀུན་ནས་མི་སློང་བར་བཟོད་པ་དང་། གང་གིས་ཁོང་ཁྲོ་བར་འགྱུར་བའི་ཡིད་ལ་བྱེད་པའི་ཕྱི་རོལ་དུ་མི་གཏོང་ཞིང་སེམས་ཅན་
D52.040.0147b02.01ཐམས་ཅད་ཀྱི་ཉེས་པར་སྤྱད་པ་བཟོད་པ་དང་། སེམས་ཅན་དེ་དག་གི་ངོ་བོ་ཉིད་གང་ཡིན་པ་དེ་ནི་བཟོད་པའི་ངོ་བོ་ཉིད་ཡིན་པ་དང་། བཟོད་པའི་ངོ་བོ་ཉིད་གང་ཡིན་པ་དེ་ནི་བྱང་ཆུབ་ཀྱི་ངོ་བོ་ཉིད་ཡིན་པ་དང་། བྱང་ཆུབ་ཀྱི་ངོ་བོ་ཉིད་གང་ཡིན་པ་དེ་ནི་ཆོས་ཐམས་ཅད་ཀྱི་ངོ་བོ་ཉིད་ཡིན་
D52.040.0147b03.01པར་རྟོགས་ཤིང་། ཆོས་ཐམས་ཅད་ཀྱང་ཡང་དག་པའི་མཐའི་ངོ་བོ་ཉིད་དུ་རྟོགས་ཏེ། དྲིས་ན་ཤིན་ཏུ་ཟད་པའི་ཆོས་ཉིད་དང་། ཤིན་ཏུ་སྐད་ཅིག་པའི་ཆོས་ཉིད་དང་། ཤིན་ཏུ་ཡ་མ་བརླའི་ཆོས་ཉིད་དུ་རྟོགས་པས་རྒྱུ་བ་མེད་པ་ཉིད་ཀྱིས་བཟོད་པ་བརྡ་སྤྲོད་པར་བྱེད་དེ། ལྷའི་བུ་
D52.040.0147b04.01དེ་ནི་བྱང་ཆུབ་སེམས་དཔའི་ཡང་དག་པའི་ཤེས་པ་བརྡ་སྤྲོད་པ་བཟོད་པས་ཡོངས་སུ་དག་པ་ཡིན་ནོ། །ལྷའི་བུ་གཞན་ཡང་གང་གི་ཚེ་བྱང་ཆུབ་སེམས་དཔའ་ཡིད་ལ་བྱེད་པ་ཐམས་ཅད་ཀྱིས་དབེན་པའི་ཆོས་རྟོགས་ཤིང་སྒྲོ་འདོགས་པ་མེད་ལ་བཏང་སྙོམས་དང་ལྡན་པའི་བརྩོན་འགྲུས་དང་
D52.040.0147b05.01ལྡན་པས་བརྩམ་པ་གང་རྩོམ་པ་དེ་དབེན་པ་ཉིད་དུ་ཡང་དག་པར་རྗེས་སུ་མཐོང་བ་དང་། དེ་ནང་དབེན་པས་ཕྱི་རོལ་དུ་རྒྱུ་བ་མེད་པར་སེམས་ཅན་རྣམས་ཡོངས་སུ་སྨིན་པར་བྱ་བའི་ཕྱིར་རྒྱུ་ཞིང་། བརྩོན་འགྲུས་དབེན་པས་སེམས་ཅན་དབེན་པར་རྟོགས་ལ། སེམས་ཅན་དབེན་པས་
D52.040.0147b06.01བྱང་ཆུབ་དབེན་པར་རྟོགས་པ་དང་། བྱང་ཆུབ་དབེན་པས་ཆོས་ཐམས་ཅད་དབེན་པར་རྟོགས་པ་དང་། ཆོས་ཐམས་ཅད་དབེན་པས་ཡང་དག་པའི་མཐའ་དབེན་པར་རྟོགས་པས་དྲིས་ན་བརྩོན་འགྲུས་དེ་དག་ཉིད་ཀྱི་རང་བཞིན་དབེན་པ་ཇི་ལྟ་བ་བཞིན་དུ་དབེན་པར་བརྡ་སྤྲོད་པར་བྱེད་དེ།
D52.040.0147b07.01