完整藏文原文 · 德格版页 当前仅加载第 40 函德格 158a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ལྷུན་གྱིས་གྲུབ་ཅིང་མངོན་པར་འདུ་མཛད་པ་མི་མངའ་བས་འདས་པ་དང་། མ་འོངས་པ་དང་། ད་ལྟར་བྱུང་བའི་ཆོས་རྣམས་ལ་ཐོགས་པ་མི་མངའ་བའི་ཡེ་ཤེས་གཟིགས་པ་འཇུག་པ་དེ་ནི་མ་འདྲེས་པ་ཡིན་ནོ། །དེ་ནས་ཚེ་དང་ལྡན་པ་ཀུན་དགའ་
D52.040.0158a01.01བོས་ལྷའི་བུ་རིན་ཆེན་མཆོག་ལ་འདི་སྐད་ཅེས་སྨྲས་སོ། །ལྷའི་བུ་ཁྱོད་དེ་བཞིན་གཤེགས་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་ནི་ཁྱོད་ཀྱིས་རྙེད་པ་ལེགས་པར་རྙེད་དོ། །ལྷའི་བུས་སྨྲས་པ། བཙུན་པ་ཀུན་དགའ་བོ་འདི་ལ་ནི་གང་ལུང་
D52.040.0158a02.01བསྟན་པའི་ཆོས་གང་ཡང་དམིགས་སུ་མེད་དོ། །དེ་ཅིའི་ཕྱིར་ཞེ་ན། གཟུགས་བྱང་ཆུབ་སེམས་དཔའ་མ་ཡིན་པས་གཟུགས་ཀྱང་ལུང་བསྟན་དུ་མེད་ལ། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་བྱང་ཆུབ་སེམས་དཔའ་མ་ཡིན་པས་རྣམ་པར་
D52.040.0158a03.01ཤེས་པ་ཡང་ལུང་བསྟན་དུ་མེད་པ་དང་། སའི་ཁམས་བྱང་ཆུབ་སེམས་དཔའ་མ་ཡིན་པས་སའི་ཁམས་ཀྱང་ལུང་བསྟན་དུ་མེད་པ་དང་། ཆུའི་ཁམས་དང་། མེའི་ཁམས་དང་། རླུང་གི་ཁམས་བྱང་ཆུབ་སེམས་དཔའ་མ་ཡིན་པས་རླུང་གི་ཁམས་ཀྱང་ལུང་བསྟན་དུ་
D52.040.0158a04.01མེད་པ་དང་། མིག་བྱང་ཆུབ་སེམས་དཔའ་མ་ཡིན་པས་མིག་ཀྱང་ལུང་བསྟན་དུ་མེད་པ་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་བྱང་ཆུབ་སེམས་དཔའ་མ་ཡིན་པས་ཡིད་ཀྱང་ལུང་བསྟན་དུ་མེད་པ་དང་། མིང་དང་གཟུགས་བྱང་ཆུབ་
D52.040.0158a05.01སེམས་དཔའ་མ་ཡིན་པས་མིང་དང་གཟུགས་ཀྱང་ལུང་བསྟན་དུ་མེད་པ་དང་། འདས་པ་དང་། མ་འོངས་པ་དང་། ད་ལྟར་བྱུང་བ་བྱང་ཆུབ་སེམས་དཔའ་མ་ཡིན་པས་དུས་གསུམ་ཡང་ལུང་བསྟན་དུ་མེད་པ་དང་། རྒྱུ་དང་ལྟ་བ་བྱང་ཆུབ་སེམས་དཔའ་མ་ཡིན་པས་རྒྱུ་དང་ལྟ་བ་ཡང་
D52.040.0158a06.01ལུང་བསྟན་དུ་མེད་པ་དང་། འབྱུང་བ་དང་། འཇིག་པ་བྱང་ཆུབ་སེམས་དཔའ་མ་ཡིན་པས་འབྱུང་བ་དང་། འཇིག་པ་ཡང་ལུང་བསྟན་དུ་མེད་པའི་ཕྱིར་རོ། །བཙུན་པ་ཀུན་དགའ་བོ་བྱང་ཆུབ་སེམས་དཔའ་ཞེས་བྱ་བ་དེ་ནི་བརྡའི་གཞིའི་ཚིག་{བླ་དགས་,བླ་དྭགས་}ཡིན་ནོ། །དེ་ནི་ཉེ་བར་ཞི་བའི་
D52.040.0158a07.01