完整藏文原文 · 德格版页 当前仅加载第 31 函德格 85a 版页；藏文 NFD、目录标记与异常页序保留在来源切片中，重复版页行以稳定序号区分。
བཀའ་སྩལ་ཏོ། །ཤ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་གང་འདི་སྙམ་དུ་སེམས་ཏེ། ལུས་གང་གིས་བདག་ལུས་ལ་དམིགས་པར་བྱའོ་སྙམ་པའི་ལུས་དེ་འདི་ཡིན་ནོ་སྙམ་པ་དང་། དེ་བཞིན་དུ་ངག་དེ་འདི་ཡིན་ནོ་སྙམ་པ་དང་། དེ་བཞིན་དུ་ཡིད་དེ་འདི་
D11.031.0085a01.01ཡིན་ནོ་སྙམ་པ་དང་། ཡིད་གང་གིས་བདག་ཡིད་ལ་དམིགས་པར་བྱའོ་སྙམ་པའི་ཡིད་དེ་འདི་ཡིན་ནོ་སྙམ་པ་སྟེ།།ཤ་ར་དྭ་ཏིའི་བུ་དེ་ནི་ལུས་ཀྱི་ལས་དང་། ངག་གི་ལས་དང་། ཡིད་ཀྱི་ལས་ཁ་ན་མ་ཐོ་བ་དང་བཅས་པ་ཡིན་ནོ། །ཤ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་
D11.031.0085a02.01ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། ལུས་ཀྱང་མི་དམིགས་པ་ཡིན་ནོ། །ཤ་ར་དྭ་ཏིའི་བུ་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། ལུས་དམིགས་ལ། ལུས་སམ། ངག་གམ། ཡིད་གང་གིས་སེར་སྣའི་སེམས་སྐྱེད་པར་བྱེད་ཅིང་།
D11.031.0085a03.01འཆལ་བའི་ཚུལ་ཁྲིམས་ཀྱི་སེམས་སམ། འཁྲུག་པའི་སེམས་སམ། ལེ་ལོའི་སེམས་སམ། རྣམ་པར་གཡེངས་པའི་སེམས་སམ། འཆལ་བའི་ཤེས་རབ་ཀྱི་སེམས་སྐྱེད་ན། ཤ་ར་དྭ་ཏིའི་བུ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་མ་ཡིན་པར་རིག་པར་བྱའོ། །ཤ་ར་དྭ་ཏིའི་བུ་
D11.031.0085a04.01གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ལུས་ཀྱི་གནས་ངན་ལེན་སྦྱོང་བར་བྱེད། ངག་གི་གནས་ངན་ལེན་སྦྱོང་བར་བྱེད། ཡིད་ཀྱི་གནས་ངན་ལེན་སྦྱོང་བར་བྱེད་ན། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་
D11.031.0085a05.01རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། བྱང་ཆུབ་ཀྱི་ལམ་རྣམ་པར་སྦྱོང་ཞིང་། བྱང་ཆུབ་སེམས་དཔའི་སྐྱོན་མེད་པ་ལ་ཡང་དག་པར་འཇུག་པ་ཡིན་ནོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཚེ་དང་ལྡན་པ་ཤ་ར་དྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་
D11.031.0085a06.01ལྡན་འདས་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ལུས་ཀྱི་གནས་ངན་ལེན་སྦྱོང་བ་ལགས། དེ་བཞིན་དུ་ཇི་ལྟར་ན་ངག་དང་ཡིད་ཀྱི་གནས་ངན་ལེན་སྦྱོང་བ་ལགས། བཅོམ་ལྡན་འདས་ཀྱིས་བཀའ་སྩལ་པ། ཤ་ར་དྭ་ཏིའི་བུ་གང་གི་ཚེ་བྱང་ཆུབ་སེམས་དཔའ་སེམས་
D11.031.0085a07.01