完整藏文原文 · 德格版页 当前仅加载第 31 函德格 9a 版页；藏文 NFD、目录标记与异常页序保留在来源切片中，重复版页行以稳定序号区分。
འདུ་ཤེས་རྣམས་ནུབ་པར་གྱུར་ཅིང་། སྣ་ཚོགས་ཀྱི་འདུ་ཤེས་རྣམས་ཡིད་ལ་མི་བྱེད་པས། ནམ་མཁའ་མཐའ་ཡས་སོ་སྙམ་ནས་ནམ་མཁའ་མཐའ་ཡས་སྐྱེ་མཆེད་བསྒྲུབས་ཏེ་གནས་པ་འདི་ནི་ཟིལ་གྱིས་གནོན་པའི་སྐྱེ་མཆེད་བདུན་པའོ། །དེ་རྣམ་པ་ཐམས་ཅད་དུ་ནམ་
D11.031.0009a01.01མཁའ་མཐའ་ཡས་སྐྱེ་མཆེད་ལས་ཡང་དག་པར་འདས་ཏེ། རྣམ་པར་ཤེས་པ་མཐའ་ཡས་སོ་སྙམ་ནས། རྣམ་ཤེས་མཐའ་ཡས་སྐྱེ་མཆེད་བསྒྲུབས་ཏེ་གནས་པ་འདི་ནི་ཟིལ་གྱིས་གནོན་པའི་སྐྱེ་མཆེད་བརྒྱད་པ་སྟེ། དེ་དག་ནི་ཟིལ་གྱིས་གནོན་པའི་སྐྱེ་མཆེད་བརྒྱད་ཅེས་བྱའོ། །
D11.031.0009a02.01དེ་ལ་ཟད་པར་གྱི་སྐྱེ་མཆེད་བཅུ་གང་ཞེ་ན། འདི་ལྟ་སྟེ། ཟད་པར་ས་དང་། ཟད་པར་ཆུ་དང་། ཟད་པར་མེ་དང་། ཟད་པར་རླུང་དང་། ཟད་པར་ནམ་མཁའ་དང་། ཟད་པར་སྔོན་པོ་དང་། ཟད་པར་སེར་པོ་དང་། ཟད་པར་དམར་པོ་དང་། ཟད་པར་དཀར་པོ་དང་། ཟད་པར་རྣམ་
D11.031.0009a03.01པར་ཤེས་པ་སྟེ། དེ་དག་ནི་ཟད་པར་གྱི་སྐྱེ་མཆེད་བཅུ་ཞེས་བྱ་སྟེ། ཁམས་ཐམས་ཅད་སའི་ཁམས་སུ་མོས་པར་བྱེད་དེ། ཐམས་ཅད་ཀྱང་སའི་ཁམས་ཁོ་ནར་ཁམས་གཅིག་ཏུ་འགྱུར་རོ། །ཁམས་ཐམས་ཅད་ཆུའི་ཁམས་སུ་མོས་པར་བྱེད་དེ། ཐམས་ཅད་ཀྱང་ཆུའི་ཁམས་ཁོ་
D11.031.0009a04.01ནར་ཁམས་གཅིག་ཏུ་འགྱུར་རོ། །ཁམས་ཐམས་ཅད་མེའི་ཁམས་སུ་མོས་པར་བྱེད་དེ། ཐམས་ཅད་ཀྱང་མེའི་ཁམས་ཁོ་ནར་ཁམས་གཅིག་ཏུ་འགྱུར་རོ། །ཁམས་ཐམས་ཅད་རླུང་གི་ཁམས་སུ་མོས་པར་བྱེད་དེ། ཐམས་ཅད་ཀྱང་རླུང་གི་ཁམས་ཁོ་ནར་ཁམས་གཅིག་ཏུ་འགྱུར་
D11.031.0009a05.01རོ། །ཁམས་ཐམས་ཅད་ནམ་མཁའི་ཁམས་སུ་མོས་པར་བྱེད་དེ། ཐམས་ཅད་ཀྱང་ནམ་མཁའི་ཁམས་ཁོ་ནར་ཁམས་གཅིག་ཏུ་འགྱུར་རོ། །ཁམས་ཐམས་ཅད་སྔོན་པོར་མོས་པར་བྱེད་དེ། དེ་ཐམས་ཅད་ཀྱང་སྔོན་པོ་ཉིད་དུ་འགྱུར་རོ། ཁམས་ཐམས་ཅད་སེར་པོར་མོས་པར་
D11.031.0009a06.01བྱེད་དེ། དེ་ཐམས་ཅད་ཀྱང་སེར་པོ་ཁོ་ནར་འགྱུར་རོ། །ཁམས་ཐམས་ཅད་དམར་པོར་མོས་པར་བྱེད་དེ། དེ་ཐམས་ཅད་ཀྱང་དམར་པོ་ཁོ་ནར་འགྱུར་རོ། །ཁམས་ཐམས་ཅད་དཀར་པོར་མོས་པར་བྱེད་དེ། དེ་ཐམས་ཅད་ཀྱང་དཀར་པོ་ཁོ་ནར་འགྱུར་རོ། །ཁམས་ཐམས་
D11.031.0009a07.01