完整藏文原文 · 德格版页 当前仅加载第 31 函德格 77b 版页；藏文 NFD、目录标记与异常页序保留在来源切片中，重复版页行以稳定序号区分。
ཉེ་བར་གཞག་པ་དག་ནས། འཕགས་པའི་ལམ་ཡན་ལག་བརྒྱད་པའི་བར་དང་། དེ་བཞིན་དུ་དེ་བཞིན་གཤེགས་པའི་སྟོབས་བཅུ་ནས་སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་ཀྱི་བར་དང་། དེ་བཞིན་དུ་སྦྱར་ཏེ། ཇི་ལྟར་ཕུང་པོ་དག་གི་སྐབས་སུ་སྦྱར་བ་བཞིན་ཐམས་ཅད་དུ་རྒྱ་ཆེར་སྦྱར་བར་
D11.031.0077b01.01བྱ་སྟེ། ཤ་ར་དྭ་ཏིའི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་ལ་མི་མཁས་པས་སྔར་ངེས་པར་ལྟུང་བ་ཡིན་ཞིང་ཉན་ཐོས་དང་། རང་སངས་རྒྱས་ཀྱི་སར་རབ་ཏུ་ལྟུང་བ་ལ་བྱང་ཆུབ་སེམས་དཔའི་སྐྱོན་མེད་པ་ལ་ཡང་མི་འཇུག་པ་ཡིན་ནོ། །ཤ་ར་དྭ་ཏིའི་བུ་འདི་སྐད་ཅེས་བྱང་ཆུབ་
D11.031.0077b02.01སེམས་དཔའ་སེམས་དཔའ་ཆེན་པོའི་སྐྱོན་མ་མཆིས་པ་གང་ལགས་ཞེས་གང་སྨྲས་པ་ཡང་། ཤ་ར་དྭ་ཏིའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་འདི་ལྟར་བསླབ་པར་བྱ་སྟེ། ཅི་ནས་གཟུགས་ཀྱིས་རློམ་སེམས་སུ་མི་བྱའོ། །ཚོར་བ་
D11.031.0077b03.01དང་འདུ་ཤེས་དང་འདུ་བྱེད་རྣམས་དང་། རྣམ་པར་ཤེས་པས་རློམ་སེམས་སུ་མི་བྱ། མིག་གིས་རློམ་སེམས་སུ་མི་བྱ། དེ་བཞིན་དུ་རྣ་བ་དང་། སྣ་དང་ལྕེ་དང་། ལུས་དང་ཡིད་ཀྱིས་རློམ་སེམས་སུ་མི་བྱ། གཟུགས་རྣམས་ཀྱིས་རློམ་སེམས་སུ་མི་བྱ། དེ་བཞིན་དུ་སྒྲ་དང་།
D11.031.0077b04.01དྲི་དང་རོ་དང་། རེག་བྱ་དང་། ཆོས་རྣམས་ཀྱིས་རློམ་སེམས་སུ་མི་བྱ། མིག་གི་ཁམས་ཀྱིས་རློམ་སེམས་སུ་མི་བྱ། གཟུགས་ཀྱི་ཁམས་ཀྱིས་རློམ་སེམས་སུ་མི་བྱ། མིག་གི་རྣམ་པར་ཤེས་པའི་ཁམས་ཀྱིས་རློམ་སེམས་སུ་མི་བྱ། དེ་བཞིན་དུ་སྦྱར་ཏེ། ཡིད་ཀྱི་ཁམས་ཀྱི་བར་གྱིས་
D11.031.0077b05.01རློམ་སེམས་སུ་མི་བྱ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱིས་རློམ་སེམས་སུ་མི་བྱ། སྦྱིན་པའི་ཕ་རོལ་ཏུ་ཕྱིན་པས་རློམ་སེམས་སུ་མི་བྱ། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་
D11.031.0077b06.01གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པས་རློམ་སེམས་སུ་མི་བྱ། དེ་བཞིན་དུ་བསམ་གཏན་དང་། ཚད་མེད་པ་དང་། གཟུགས་མེད་པའི་སྙོམས་པར་འཇུག་པ་རྣམས་ཀྱིས་རློམ་སེམས་སུ་མི་བྱ། དྲན་པ་ཉེ་བར་གཞག་པ་རྣམས་ཀྱིས་རློམ་སེམས་སུ་མི་བྱ། དེ་བཞིན་དུ་
D11.031.0077b07.01