完整藏文原文 · 德格版页 当前仅加载第 31 函德格 18b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། སྟོབས་བཅུ་དང་། མི་འཇིགས་པ་བཞི་དང་། སོ་སོ་ཡང་དག་པར་རིག་པ་བཞི་དང་། རྣམ་པར་ཐར་པའི་སྒོ་གསུམ་དང་། སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་ཀྱི་བར་དག་སྟེ། དེ་དག་ནི་ཐུན་མོང་མ་ཡིན་པའི་ཆོས་རྣམས་ཞེས་བྱ་སྟེ། ཤ་ར་དྭ་ཏིའི་བུ་དེ་ལྟར་ན་ཀུན་རྫོབ་ཏུ་
D11.031.0018b01.01བྱང་ཆུབ་སེམས་དཔའ་རྣམས་ཆོས་ཐམས་ཅད་ཐ་དད་པར་མཐོང་མོད་ཀྱི། དོན་དམ་པར་ནི་མངོན་པར་ཞེན་པར་མི་བྱེད་དོ། །ཇི་ལྟར་མངོན་པར་ཞེན་པར་མི་བྱེད་ཅེ་ན། ཤ་ར་དྭ་ཏིའི་བུ་འདི་ལྟ་སྟེ། དཔེར་ན་མི་ལ་ལ་ཞིག་གིས་སྒྱུ་མ་སྤྲུལ་པའི་དཔུང་གི་ཚོགས་ཡན་ལག་བཞི་པ་འདི་ལྟ་སྟེ། གླང་པོ་
D11.031.0018b02.01ཆེའི་ཚོགས་དང་། རྟ་བའི་ཚོགས་དང་། ཤིང་རྟའི་ཚོགས་དང་། དཔུང་བུ་ཆུང་གི་ཚོགས་ཤིག་མཐོང་ན། དེ་ལ་དཔུང་གི་ཚོགས་ཡིན་ནོ་སྙམ་དུ་མངོན་པར་ཞེན་པར་མི་བྱེད་དོ། །ཤ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ཐ་དད་པར་མཐོང་མཐོང་
D11.031.0018b03.01མོད་ཀྱི། མངོན་པར་ཞེན་པར་ནི་མི་བྱེད་དོ། །ཤ་ར་དྭ་ཏིའི་བུ་དཔེར་ན་མི་ལ་ལ་ཚ་བས་གདུངས་པ་ཞིག་གིས་སྨིག་རྒྱུ་རྣམ་པ་སྣ་ཚོགས་དབའ་རླབས་འདྲ་བར་གཡོ་བ་མཐོང་ན། འདི་ནི་ཆུ་ཡིན་ནོ་སྙམ་དུ་མངོན་པར་ཞེན་པར་མི་བྱེད་དོ། །ཤ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་
D11.031.0018b04.01དཔའ་ཆེན་པོ་རྣམས་ཆོས་ཐམས་ཅད་ཐ་དད་པར་མཐོང་མོད་ཀྱི་མངོན་པར་ཞེན་པར་མི་བྱེད་དོ། །ཤ་ར་དྭ་ཏིའི་བུ་དཔེར་ན་མི་ལ་ལ་ཞིག་གིས་རྨི་ལམ་ན་གཟུགས་རྣམ་པ་སྣ་ཚོགས་པ་དག་མཐོང་ཡང་སད་ནས་དེ་དག་གི་གཟུགས་ཡིན་ནོ་སྙམ་དུ་མངོན་པར་ཞེན་པར་མི་བྱེད་དོ། །ཤ་ར་དྭ་ཏིའི་
D11.031.0018b05.01བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ཐ་དད་པར་མཐོང་མོད་ཀྱི་མངོན་པར་ཞེན་པར་མི་བྱེད་དོ། །ཤ་ར་དྭ་ཏིའི་བུ་དཔེར་ན་མི་ལ་ལ་ཞིག་གིས་ཆུའི་ནང་ན་ཟླ་བ་མཐོང་ན་དེ་དེ་ལ་ཟླ་བ་ཡིན་ནོ་སྙམ་དུ་མངོན་པར་ཞེན་པར་མི་བྱེད་དོ། །ཤ་ར་དྭ་ཏིའི་བུ་དེ་བཞིན་
D11.031.0018b06.01དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ཐ་དད་པར་མཐོང་མོད་ཀྱི་ཆོས་ཐམས་ཅད་ལ་དངོས་པོར་མངོན་པར་ཞེན་པར་མི་བྱེད་དོ། །ཤ་ར་དྭ་ཏིའི་བུ་དཔེར་ན་མི་ལ་ལ་ཞིག་གིས་མིག་ཡོར་མཐོང་ན་དེ་དེ་ལ་དངོས་པོར་མངོན་པར་ཞེན་པར་མི་བྱེད་དོ། །ཤ་ར་དྭ་ཏིའི་བུ་དེ་བཞིན་
D11.031.0018b07.01