完整藏文原文 · 德格版页 当前仅加载第 29 函德格 289a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་དུ་སྦྱར་ཏེ། གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡང་དག་པར་ཞུགས་པའི་བར་དག་ནི་ཆེས་ཉུང་ངོ་། །དེ་བས་ཀྱང་གང་དག་བྱང་ཆུབ་ཀྱི་ཕྱིར་སྤྱོད་པ་ནི་ཆེས་ཉུང་ངོ་། །དེ་བས་ཀྱང་གང་དག་བྱང་ཆུབ་ཏུ་སེམས་བསྐྱེད་པ་ནི་ཆེས་ཉུང་ངོ་། །དེ་བས་ཀྱང་གང་དག་
D10.029.0289a01.01ཤེས་རབ་ཀྱི་ཕ་རོལ་ཏུ་ཕྱིན་པ་ལ་རྣལ་འབྱོར་དུ་བྱེད་པ་ནི་ཆེས་ཉུང་ངོ་། །དེ་བས་ཀྱང་གང་དག་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི་ཆེས་ཉུང་ངོ་། །དེ་བས་ཀྱང་གང་དག་ཕྱིར་མི་ལྡོག་པའི་ས་ལ་གནས་ཤིང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བ་ནི་ཆེས་
D10.029.0289a02.01ཉུང་ངོ་། །ཀཽ་ཤི་ཀ་འདི་ལ་ངས་སངས་རྒྱས་ཀྱི་སྤྱན་སྒྲིབ་པ་མི་མངའ་བས། ཤར་ཕྱོགས་ན་སེམས་ཅན་དཔག་ཏུ་མེད་གྲངས་མེད་པ་དག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་ཀྱང་། དེ་དག་ལས་བྱང་ཆུབ་སེམས་དཔའ་གཅིག་
D10.029.0289a03.01གམ། གཉིས་ཤིག་ཕྱིར་མི་ལྡོག་པ་ཉིད་ལ་གནས་པར་ཟད་ཀྱི། ཕལ་ཆེར་ནི་ཐབས་ལ་མཁས་པ་དང་བྲལ་བས་ཉན་ཐོས་ཀྱིས་དང་། རང་སངས་རྒྱས་ཀྱིས་ལ་གནས་པ་དག་མཐོང་ངོ་། །དེ་ཅིའི་ཕྱིར་ཞེ་ན། ཀཽ་ཤི་ཀ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་ལེ་ལོ་ཅན། བརྩོན་འགྲུས་
D10.029.0289a04.01ཞན་པ། སྙིང་སྟོབས་ཆུང་བ། དམན་པ་ལ་མོས་པ། ཤེས་རབ་འཆལ་པ་རྣམས་ཀྱིས་བསྒྲུབ་པར་དཀའ་བའི་ཕྱིར་རོ། །དེ་བཞིན་དུ་ངས་སངས་རྒྱས་ཀྱི་སྤྱན་སྒྲིབ་པ་མི་མངའ་བས། ལྷོ་དང་། ནུབ་དང་། བྱང་དང་། འོག་དང་། སྟེང་དང་། ཕྱོགས་མཚམས་དག་ན་ཡང་སེམས་ཅན་དཔག་
D10.029.0289a05.01ཏུ་མེད་གྲངས་མེད་པ་དག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་ཀྱང་། དེ་དག་ལས་བྱང་ཆུབ་སེམས་དཔའ་གཅིག་གམ། གཉིས་ཤིག་ཕྱིར་མི་ལྡོག་པ་ཉིད་ལ་གནས་པར་ཟད་ཀྱི། ཕལ་ཆེར་ནི་ཐབས་ལ་མཁས་
D10.029.0289a06.01པ་དང་བྲལ་བས། ཉན་ཐོས་ཀྱི་ས་དང་། རང་སངས་རྒྱས་ཀྱི་ས་ལ་གནས་པ་དག་མཐོང་ངོ་། །དེ་ཅིའི་ཕྱིར་ཞེ་ན། ཀཽ་ཤི་ཀ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་ལེ་ལོ་ཅན། བརྩོན་འགྲུས་ཞན་པ། སྙིང་སྟོབས་ཆུང་བ། དམན་པ་ལ་མོས་པ། ཤེས་རབ་འཆལ་པ་
D10.029.0289a07.01