完整藏文原文 · 德格版页 当前仅加载第 29 函德格 87b 版页；藏文 NFD、目录标记与异常页序保留在来源切片中，重复版页行以稳定序号区分。
གཟུགས་ལ་སྤྱོད་ན་མཚན་མ་ལ་སྤྱོད་པ་ལགས་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ་ལགས་སོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་སྤྱོད་ན། མཚན་མ་ལ་སྤྱོད་པ་ལགས་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ་ལགས་
D10.029.0087b01.01སོ། །གལ་ཏེ་གཟུགས་ལ་རྟག་ཅེས་བགྱི་བའམ་མི་རྟག་ཅེས་བགྱི་བར་སྤྱོད་ན་མཚན་མ་ལ་སྤྱོད་པ་ལགས་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ་ལགས་སོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་རྟག་ཅེས་བགྱི་བའམ་མི་རྟག་ཅེས་བགྱི་བར་སྤྱོད་
D10.029.0087b02.01ན་མཚན་མ་ལ་སྤྱོད་པ་ལགས་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ་ལགས་སོ། །གལ་ཏེ་གཟུགས་ལ་བདེ་ཞེས་བགྱི་བའམ་སྡུག་བསྔལ་ཞེས་བགྱི་བར་སྤྱོད་ན་མཚན་མ་ལ་སྤྱོད་པ་ལགས། གལ་ཏེ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་
D10.029.0087b03.01ཤེས་པ་ལ་བདེ་ཞེས་བགྱི་བ་འམ་སྡུག་བསྔལ་ཞེས་བགྱི་བར་སྤྱོད་ན། མཚན་མ་ལ་སྤྱོད་པ་ལགས། གལ་ཏེ་གཟུགས་ལ་བདག་ཅེས་བགྱི་བའམ་བདག་མ་མཆིས་ཞེས་བགྱི་བར་སྤྱོད་ན་མཚན་མ་ལ་སྤྱོད་པ་ལགས། གལ་ཏེ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་།
D10.029.0087b04.01རྣམ་པར་ཤེས་པ་ལ་བདག་ཅེས་བགྱི་བའམ། བདག་མ་མཆིས་ཞེས་བགྱི་བར་སྤྱོད་ན། མཚན་མ་ལ་སྤྱོད་པ་ལགས། གལ་ཏེ་གཟུགས་ལ་ཞི་ཞེས་བགྱི་བའམ། མ་ཞི་ཞེས་བགྱི་བར་སྤྱོད་ན་མཚན་མ་ལ་སྤྱོད་པ་ལགས། གལ་ཏེ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་།
D10.029.0087b05.01རྣམ་པར་ཤེས་པ་ལ་ཞི་ཞེས་བགྱི་བའམ་མ་ཞི་ཞེས་བགྱི་བར་སྤྱོད་ན། མཚན་མ་ལ་སྤྱོད་པ་ལགས། གལ་ཏེ་གཟུགས་ལ་དབེན་ཞེས་བགྱི་བའམ་མི་དབེན་ཞེས་བགྱི་བར་སྤྱོད་ན་མཚན་མ་ལ་སྤྱོད་པ་ལགས། གལ་ཏེ་ཚོར་བ་དང་། འདུ་ཤེས་དང་། འདུ་བྱེད་རྣམས་
D10.029.0087b06.01དང་། རྣམ་པར་ཤེས་པ་ལ་དབེན་ཞེས་བགྱི་བའམ་མི་དབེན་ཞེས་བགྱི་བར་སྤྱོད་ན་མཚན་མ་ལ་སྤྱོད་པ་ལགས་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ་ལགས་སོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་
D10.029.0087b07.01