完整藏文原文 · 德格版页 当前仅加载第 29 函德格 263a 版页；藏文 NFD、目录标记与异常页序保留在来源切片中，重复版页行以稳定序号区分。
གང་སྟོང་པ་ཉིད་ལ་མི་སློབ་པ་དེ་ནི་གཉིས་སུ་དབྱེར་མེད་པར་སྟོང་པ་ཉིད་ལ་སློབ་པ་ཡིན་ནོ། །དེ་ནི་གཉིས་སུ་དབྱེར་མེད་པར་གཟུགས་སྟོང་པ་ཉིད་ལ་སློབ་པ་ཡིན་ནོ། །དེ་བཞིན་དུ་དེ་ནི་གཉིས་སུ་དབྱེར་མེད་པར་རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་སློབ་པ་ཡིན་ནོ། །
D10.029.0263a01.01ཀཽ་ཤི་ཀ་གང་གཉིས་སུ་དབྱེར་མེད་པར་གཟུགས་སྟོང་པ་ཉིད་ལ་སློབ་པ་དང་། གཉིས་སུ་དབྱེར་མེད་པར་རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་སློབ་པ་དེ་ནི་གཉིས་སུ་དབྱེར་མེད་པར་སྦྱིན་པའི་ཕ་རོལ་ཏུ་ཕྱིན་པ་ལ་ཡང་སློབ་པ་ཡིན་ནོ། །དེ་བཞིན་དུ་གཉིས་སུ་དབྱེར་མེད་པར་ཚུལ་ཁྲིམས་
D10.029.0263a02.01ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཡང་སློབ་པ་ཡིན་ནོ། །གཉིས་སུ་དབྱེར་མེད་པར་ནང་སྟོང་པ་ཉིད་ལ་ཡང་སློབ་པ་ཡིན་ནོ། །དངོས་པོ་
D10.029.0263a03.01མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལ་ཡང་སློབ་པ་ཡིན་ནོ། །དེ་ནི་གཉིས་སུ་དབྱེར་མེད་པར་དྲན་པ་ཉེ་བར་གཞག་པ་རྣམས་ལ་སློབ་པ་ཡིན་ནོ། །གཉིས་སུ་དབྱེར་མེད་པར་ཡང་དག་པར་སྤོང་བ་རྣམས་དང་། རྫུ་འཕྲུལ་གྱི་རྐང་པ་རྣམས་དང་། དབང་པོ་རྣམས་དང་། སྟོབས་རྣམས་དང་།
D10.029.0263a04.01བྱང་ཆུབ་ཀྱི་ཡན་ལག་རྣམས་དང་། ལམ་རྣམས་ལ་སློབ་པ་ཡིན་ནོ། །དེ་ནི་གཉིས་སུ་དབྱེར་མེད་པར་སྟོབས་བཅུ་དང་། མི་འཇིགས་པ་རྣམས་དང་། སོ་སོ་ཡང་དག་པར་རིག་པ་རྣམས་དང་། སངས་རྒྱས་ཀྱི་ཆོས་མ་འདྲེས་པ་རྣམས་ལ་སློབ་པ་ཡིན་ནོ། །དེ་ནི་གཉིས་སུ་དབྱེར་
D10.029.0263a05.01མེད་པར་རྒྱུན་དུ་ཞུགས་པའི་འབྲས་བུ་ལ་སློབ་པ་ཡིན་ནོ། །ལན་ཅིག་ཕྱིར་འོང་བའི་འབྲས་བུ་དང་། ཕྱིར་མི་འོང་བའི་འབྲས་བུ་དང་། དགྲ་བཅོམ་པ་ཉིད་དང་། རང་སངས་རྒྱས་ཉིད་དང་། སངས་རྒྱས་ཉིད་དང་། རྣམ་པ་ཐམས་ཅད་མཁྱེན་པ་ཉིད་ལ་སློབ་པ་ཡིན་ནོ། །གཉིས་
D10.029.0263a06.01སུ་དབྱེར་མེད་པར་སངས་རྒྱས་ཉིད་དང་། རྣམ་པ་ཐམས་ཅད་མཁྱེན་པ་ཉིད་ལ་སློབ་པ་དེ་ནི། སངས་རྒྱས་ཀྱི་ཆོས་གྲངས་མེད་དཔག་ཏུ་མེད་པ་རྣམས་ལ་སློབ་པ་ཡིན་ནོ། །གང་སངས་རྒྱས་ཀྱི་ཆོས་གྲངས་མེད་དཔག་ཏུ་མེད་པ་རྣམས་ལ་སློབ་པ་དེ་ནི་གཟུགས་འཕེལ་བར་བྱ་བ་དང་།
D10.029.0263a07.01