'phags pa shes rab kyi pha rol tu phyin pa khri brgyad stong pa zhes bya ba theg pa chen po'i mdo/
当前为德格木刻版 6b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 6b
- 可引用原文
- 7 行
- 全文规模
- 全经 11291 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 3 函第 29 函 · 德格 6b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ལྷ་དེ་དག་དང་མི་དེ་དག་གིས་ལྷའི་མེ་ཏོག་དང་། སྤོས་དང་། བདུག་པ་དང་། མེ་ཏོག་ཕྲེང་དང་། བྱུག་པ་དང་། ཕྱེ་མ་དང་། གོས་དང་། གདུགས་དང་། རྒྱལ་མཚན་དང་། བ་དན་དེ་དག་དང་། ཆུ་ལས་སྐྱེས་པ་དང་། ཐང་ལས་སྐྱེས་པའི་མེ་ཏོག་དེ་དག་དེ་བཞིན་གཤེགས་པའི་སྐུ་ལ་གཏོར། མངོན་པར་གཏོར། མངོན་པར་རབ་ཏུ་གཏོར་ཏོ། །དེ་ནས་མེ་ཏོག་དང་། སྤོས་དང་། བདུག་པ་དང་། མེ་ཏོག་ཕྲེང་དང་། བྱུག་པ་དང་། ཕྱེ་མ་དང་། གོས་དང་། གདུགས་དང་། རྒྱལ་མཚན་དང་། བ་དན་གྱི་ཆར་དང་། ཐང་ལས་
སྐྱེས་པ་དང་། ཆུ་ལས་སྐྱེས་པའི་མེ་ཏོག་གང་དག་བཅོམ་ལྡན་འདས་ལ་གཏོར་བ་དེ་དག་ཐམས་ཅད་བཅོམ་ལྡན་འདས་ཀྱི་བྱིན་གྱིས་རླབས་ཀྱིས། བཅོམ་ལྡན་འདས་ཀྱི་དབུའི་དྲང་ཐད་ཀྱི་སྟེང་གི་ནམ་མཁའ་ལ་ཁང་པ་བརྩེགས་པ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་ཚད་ཙམ་ཞིག་ཏུ་རེད་དེ་གནས་པར་གྱུར་ཏོ། །ཁང་པ་བརྩེགས་པ་དེ་ལས་ཀྱང་ལྷའི་མེ་ཏོག་དང་། དར་གྱི་ལྡ་ལྡི་དག་འཕྱང་། རབ་ཏུ་འཕྱང་། མངོན་པར་རབ་ཏུ་འཕྱང་སྟེ། མེ་ཏོག་གི་ལྡ་ལྡི་དང་། དར་གྱི་ལྡ་ལྡི་དེ་དག་གིས་ཀྱང་། སྟོང་གསུམ་གྱི་སྟོང་ཆེན་པོའི་འཇིག་
རྟེན་གྱི་ཁམས་འདི་ཤིན་ཏུ་མཛེས་པར་གྱུར་ཏོ། །བཅོམ་ལྡན་འདས་ཀྱི་འོད་སྣང་བ་གསེར་གྱི་ཁ་དོག་ལྟ་བུ་ཕྱོགས་བཅུར་འཕྲོས་པ་དེས་ཀྱང་ཕྱོགས་རེ་རེར་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་དག་ཁྱབ་པར་སྣང་བར་གྱུར་ཏོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན། འཛམ་བུའི་གླིང་གི་འཇིག་རྟེན་གྱི་ཁམས་ཐམས་ཅད་ཀྱི་ལྷ་དང་མི་དེ་དག་སོ་སོ་ནས་འདི་སྙམ་དུ་སེམས་ཏེ། དེ་བཞིན་གཤེགས་པ་ནི་བདག་ཅག་གི་མདུན་ན་བཞུགས་ཤིང་ཆོས་སྟོན་ཏོ་སྙམ་མོ། །དེ་བཞིན་དུ་ནུབ་ཀྱི་བ་གླང་སྤྱོད་དང་། ཤར་གྱི་ལུས་འཕགས་དང་།
བྱང་གི་སྒྲ་མི་སྙན་དང་། རྒྱལ་ཆེན་བཞིའི་རིས་ཀྱི་ལྷ་རྣམས་དང་། འོག་མིན་གྱི་ལྷ་རྣམས་ཀྱི་བར་དང་དེ་བཞིན་དུ་སྟོང་གི་འཇིག་རྟེན་གྱི་ཁམས་དང་། སྟོང་གཉིས་ཀྱི་འཇིག་རྟེན་གྱི་ཁམས་དང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་ལྷ་དང་། མི་དེ་དག་ཐམས་ཅད་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D10
- 德格版页
- 6b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0010 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。