Sutta Nipāta
当前为 SNP3.2 · Padhānasutta 阅读页。保留原文、原生次序与 Bilara 稳定段落标识，不加入未经审核的机器译文。
- 本页内容
- 巴利原典 · 稳定分页
- 当前阅读页
- SNP3.2 · Padhānasutta
- 可引用原文
- 105 段
- 全文规模
- 全经 5765 稳定段落
- 责任者
- Mahāsaṅgīti Tipiṭaka Buddhavasse 2500
- 正文语种
- 巴利文
- 权利
- 巴利原文属公有领域；请求保留 SuttaCentral 来源署名
同一作品 · TEXTUAL EXPRESSIONS
同一作品，保留不同表达。
2 种可读文本表达 · 2 种语文。异译、节本、版本与数字见证各自保留； 共享作品标识不等于逐句相同，也不表示已经逐段对齐。查看全部
同一作品 · TEXTUAL EXPRESSIONS
同一作品，保留不同表达。
2 种可读文本表达 · 2 种语文。异译、节本、版本与数字见证各自保留； 共享作品标识不等于逐句相同，也不表示已经逐段对齐。- 巴利语（罗马字母）当前阅读Sutta NipātaSuttaCentral KN/SNPMahāsaṅgīti Tipiṭaka Buddhavasse 2500
- 英文完整原文 · 英文译本Anthology of DiscoursesSuttaCentral SNP · Sujato ENBhikkhu Sujato
阅读页目录 · 90 阅读页第 33 阅读页 · SNP3.2 · Padhānasutta
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文Sutta Nipāta 3.2Padhānasutta
“Taṁ maṁ padhānapahitattaṁ,nadiṁ nerañjaraṁ pati;Viparakkamma jhāyantaṁ,
yogakkhemassa pattiyā.Namucī karuṇaṁ vācaṁ,bhāsamāno upāgami;
‘Kiso tvamasi dubbaṇṇo,santike maraṇaṁ tava.Sahassabhāgo maraṇassa,
ekaṁso tava jīvitaṁ;Jīva bho jīvitaṁ seyyo,jīvaṁ puññāni kāhasi.
Carato ca te brahmacariyaṁ,Aggihuttañca jūhato;Pahūtaṁ cīyate puññaṁ,
Kiṁ padhānena kāhasi.Duggo maggo padhānāya,dukkaro durabhisambhavo’”;
Imā gāthā bhaṇaṁ māro,aṭṭhā buddhassa santike.Taṁ tathāvādinaṁ māraṁ,
bhagavā etadabravi;“Pamattabandhu pāpima,yenatthena idhāgato.
Aṇumattopi puññena,Attho mayhaṁ na vijjati;Yesañca attho puññena,
Te māro vattumarahati.Atthi saddhā tathā viriyaṁ,paññā ca mama vijjati;
Evaṁ maṁ pahitattampi,kiṁ jīvamanupucchasi.Nadīnamapi sotāni,
ayaṁ vāto visosaye;Kiñca me pahitattassa,lohitaṁ nupasussaye.
Lohite sussamānamhi,Pittaṁ semhañca sussati;Maṁsesu khīyamānesu,
Bhiyyo cittaṁ pasīdati;Bhiyyo sati ca paññā ca,Samādhi mama tiṭṭhati.
Tassa mevaṁ viharato,Pattassuttamavedanaṁ;Kāmesu nāpekkhate cittaṁ,
Passa sattassa suddhataṁ.Kāmā te paṭhamā senā,Dutiyā arati vuccati;
Tatiyā khuppipāsā te,Catutthī taṇhā pavuccati.Pañcamaṁ thinamiddhaṁ te,
Chaṭṭhā bhīrū pavuccati;Sattamī vicikicchā te,Makkho thambho te aṭṭhamo.
Lābho siloko sakkāro,Micchāladdho ca yo yaso;Yo cattānaṁ samukkaṁse,
Pare ca avajānati.Esā namuci te senā,Kaṇhassābhippahārinī;
Na naṁ asūro jināti,Jetvā ca labhate sukhaṁ.Esa muñjaṁ parihare,
Dhiratthu mama jīvitaṁ;Saṅgāme me mataṁ seyyo,Yañce jīve parājito.
Pagāḷhettha na dissanti,Eke samaṇabrāhmaṇā;Tañca maggaṁ na jānanti,
Yena gacchanti subbatā.Samantā dhajiniṁ disvā,Yuttaṁ māraṁ savāhanaṁ;
Yuddhāya paccuggacchāmi,Mā maṁ ṭhānā acāvayi.Yaṁ te taṁ nappasahati,
Senaṁ loko sadevako;Taṁ te paññāya bhecchāmi,Āmaṁ pattaṁva asmanā.
Vasīkaritvā saṅkappaṁ,Satiñca sūpatiṭṭhitaṁ;Raṭṭhā raṭṭhaṁ vicarissaṁ,
Sāvake vinayaṁ puthū.Te appamattā pahitattā,Mama sāsanakārakā;
Akāmassa te gamissanti,Yattha gantvā na socare”.“Satta vassāni bhagavantaṁ,
Anubandhiṁ padāpadaṁ;Otāraṁ nādhigacchissaṁ,Sambuddhassa satīmato.
Medavaṇṇaṁva pāsāṇaṁ,Vāyaso anupariyagā;Apettha muduṁ vindema,
Api assādanā siyā.Aladdhā tattha assādaṁ,Vāyasetto apakkami;
Kākova selamāsajja,Nibbijjāpema gotamaṁ”.Tassa sokaparetassa,
Vīṇā kacchā abhassatha;Tato so dummano yakkho,Tatthevantaradhāyathāti.
Padhānasuttaṁ dutiyaṁ.
版本与引用信息
母版来自 SuttaCentral。本页仅重组显示层；原文、原生次序与 Bilara 段落标识均未改动。权利说明：巴利原文属公有领域；请求保留 SuttaCentral 来源署名。
- 目录
- SuttaCentral KN/SNP
- 当前阅读页
- SNP3.2 · Padhānasutta
- 显示
- 忠实保留巴利原典·未添加机器译文
跨传统证据
232 条可审计关系
涉及 15 个对应文本。关系来自固定 SuttaCentral 证据表； 不自动合并作品，也不声称当前版页已经逐段或逐句对齐。