完整藏文原文 · 德格版页 当前仅加载第 100 函德格 213a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་བདག་ནི་བསྐལ་པ་དཔག་ཏུ་མ་མཆིས་པ་ནས་བྱམས་པ་དང་བརྩེ་བའི་སེམས་ཀྱིས་སེམས་ཅན་ལ་རྗེས་སུ་སྟོན་ཅིང་། རྟག་པར་ཡོངས་སུ་བསྲུངས་ནས་དངོས་གྲུབ་སྩལ་བ་ནི་བཅོམ་ལྡན་འདས་ཉིད་ཀྱིས་མཁྱེན་ཅིང་དབང་དུ་གྱུར་པ་ལགས་སོ། །སེམས་
D898.100.0213a01.01ཅན་རྣམས་ཀྱི་སླད་དུ་ཡིད་བཞིན་གྱི་འཁོར་ལོའི་གཟུངས་འདི་བཤད་པ་ལགས་པས། གང་ལ་ལ་ཞིག་གིས་ལེན་ཅིང་འཆང་བ་དང་། རྟག་པར་བདག་ཉིད་བཟླས་བརྗོད་བགྱི་བའི་གྲངས་ཚང་བར་བགྱིས་ན་སྨོན་པ་རྣམས་གྲུབ་པར་འགྱུར་ཏེ། བདག་ནི་དེ་ལྟར་བཅོམ་
D898.100.0213a02.01ལྡན་འདས་ཀྱི་བྱིན་གྱི་བརླབས་ཀྱི་མཐུས་སེམས་ཅན་སྡུག་བསྔལ་བ་རྣམས་ཡོངས་སུ་བསྐྱབ་པར་བགྱིད་པ་ལགས་སོ། །དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གིས་ཡིད་བཞིན་གྱི་འཁོར་ལོའི་གཟུངས་འདི་སྨྲས་པ་དང་། འཁོར་
D898.100.0213a03.01འདུས་པ་ཆེན་པོ་ཐམས་ཅད་རབ་ཏུ་དགའ་ནས་མངོན་པར་ཡིད་ཆེས་པས་ཡང་དག་པར་བླངས་ཏེ་སྤྱོད་པར་གྱུར་ཏོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་ཡིད་བཞིན་གྱི་འཁོར་ལོའི་གཟུངས་ལས་སྦྱིན་སྲེག་ཧོཾ་གྱི་ཆོ་ག་སྨན་སྦྱོར་བའི་ལེའུ་སྟེ་དྲུག་པའོ།། །།
D898.100.0213a04.01འཕགས་པ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་གསང་བའི་མཛོད་ཐོགས་པ་མེད་པའི་ཡིད་བཞིན་གྱི་འཁོར་ལོའི་སྙིང་པོ་ཞེས་བྱ་བའི་གཟུངས་རྫོགས་སོ།། །།ཞུ་ཆེན་གྱི་མཁན་པོ་དང་ལོཙྪ་བ་བཅོམ་ལྡན་འདས་ཀྱི་རིང་ལུགས་པ་བནྡེ་ཆོས་གྲུབ་ཀྱིས་
D898.100.0213a05.01རྒྱའི་དཔེ་ལས་བསྒྱུར་ཅིང་ཞུས་ཏེ་གཏན་ལ་ཕབ་པ།།
D898.100.0213a06.01