完整藏文原文 · 德格版页 当前仅加载第 100 函德格 210a 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་སྟེང་དུ་པདྨ་དཀར་པོ་བཞི་ཡང་བྲིས་ཏེ། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ལ་མཆོད་པ་བགྱིས་ལགས་པའི་རྗེས་ལ་སྙིང་པོའི་སྔགས་དང་། སྙིང་གི་སྙིང་པོའི་སྔགས་ལན་བརྒྱ་རྩ་བརྒྱད་བཟླ་བར་བགྱིའོ། །ལུས་ཀྱི་སྔགས་ཀྱང་
D898.100.0210a01.01ལན་བརྒྱ་རྩ་བརྒྱད་བཟླས་ནས་ཙནྡན་དཀར་པོ་བསྲེགས་ཏེ། མེ་ཏོག་གཏོར་ན་དེའི་ཚེ་སྨོན་པ་ཐམས་ཅད་ཀྱང་འགྲུབ་པར་འགྱུར་ལ། དཀྱིལ་འཁོར་གྱི་ནང་ན་མཆིས་པའི་སྨན་བླངས་ཏེ་ལུས་ལ་བཏགས་ན་ཕྱོགས་གང་དུ་མཆི་ཡང་རུང་སྟེ། ཅི་དང་ཅི་གཉེར་བ་ཐམས་ཅད་
D898.100.0210a02.01འགྲུབ་པར་འགྱུར། ཚིག་ཏུ་སྨྲས་པ་ཐམས་ཅད་ཀྱིས་ཡིད་ཆེས་ཤིང་ཉན་པར་འགྱུར། དོན་དུ་སྒྲུབ་པ་ཐམས་ཅད་འགྲུབ་པར་འགྱུར་ལགས་སོ། །སེམས་རྩེ་གཅིག་ཏུ་མ་བགྱིས་པ་ནི་མ་གཏོགས་ཏེ། འདི་ནི་ཡིད་བཞིན་ཙནྡན་གྱི་འཁོར་ལོ་ལས་སྨན་མུར་བའི་ཆོ་
D898.100.0210a03.01ག་ཞེས་བགྱི་ལགས་སོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་ཡིད་བཞིན་གྱི་འཁོར་ལོ་ལས་སྨན་མུར་བའི་ཆོ་གའི་ལེའུ་སྟེ་བཞི་པའོ།། །།དེ་ནས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས། གཞན་ཡང་སེམས་ཅན་རྣམས་ལ་
D898.100.0210a04.01སྙིང་བརྩེ་བའི་ཕྱིར་སྐྱེ་བོ་མང་པོ་ཐམས་ཅད་ཀྱིས་མཐོང་ན་བྱམས་ཤིང་དགའ་བར་འགྱུར་བའི་ཆོ་ག་བསྟན་པ། སྨན་ཤི་རི་ཀ་ཀུ་ཤུ་དང་། པདྨ་ལེ་བརྒན་དང་། པདྨ་སྔོན་པོ་དང་། རྒྱ་མཚོའི་ཆབ་ཀྱི་དབུ་བ་དང་། ཉ་རྐུན་མནག་པོའི་རུས་པ་དང་། བ་བླ་དང་།
D898.100.0210a05.01ཀ་ཀུན་བན་སྱ་དང་། གིའུ་ཝང་དང་། གུར་གུམ་དང་། རྒྱའི་གུར་གུམ་དང་། པི་པི་ལིང་དང་། ན་ལེ་ཤམ་དང་། བཅའ་སྒ་རྣམས་ཆ་མཉམ་པར་བགྱིས་ཏེ་བརྡུངས་ནས་ཞིབ་མོར་བཙགས་ཏེ་སྨན་སྔ་མ་སྲང་གཅིག་མཆིས་ན་གླ་རྩི་དང་། ག་བུར་སྲང་
D898.100.0210a06.01ཕྱེད་སྩལ་ནས་ཞིབ་ཏུ་བདར་ཏེ། སྤྱན་རས་གཟིགས་དབང་ཕྱུག་གི་གཟུགས་ཀྱི་མདུན་དུ་སྦྱར་བ་བགྱིས་ལགས་པས། སྔ་མའི་སྔགས་རྣམ་པ་གསུམ་རེ་རེ་ཡང་ལན་སྟོང་རྩ་བརྒྱད་བཟླས་ཏེ། སེམས་ཅན་ཐམས་ཅད་ལ་བྱམས་པ་དང་། སྙིང་བརྩེ་བའི་སེམས་
D898.100.0210a07.01