完整藏文原文 · 德格版页 当前仅加载第 100 函德格 205b 版页；藏文 NFD、目录标记与异常页序保留在来源切片中，重复版页行以稳定序号区分。
ཏོ། །བཅོམ་ལྡན་འདས་བདག་ལ་པདྨ་དུ་མ་ཆེན་པོའི་ཙནྡན་གྱི་སྙིང་པོའི་འཁོར་ལོ་ཞེས་བགྱི་བའི་གཟུངས་ཆེན་མོ་སྨོན་ཅིང་བགྱི་བ་ཐམས་ཅད་མངོན་པར་འགྲུབ་པར་བགྱི་བ་མཆིས་ཏེ། གལ་ཏེ་དེ་བཞིན་གཤེགས་པའི་ཐུགས་རྗེ་ཆེན་པོས་བདག་གིས་བཤད་པར་གནང་
D898.100.0205b01.01ན། བདག་བཅོམ་ལྡན་འདས་ཀྱི་བྱིན་གྱི་བརླབས་ཀྱི་མཐུས་སེམས་ཅན་ཐམས་ཅད་ལ་སྨན་པར་བགྱི་བའི་སླད་དུ་བཤད་པར་འཚལ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་གཟུངས་འདི་ནི་གཟི་བྱིན་ཆེན་པོའི་མཐུ་དང་ལྡན་པས་ཡིད་བཞིན་གྱི་ནོར་བུ་རིན་
D898.100.0205b02.01པོ་ཆེ་ཆེན་པོ་དང་། ཡིད་བཞིན་གྱི་ལྗོན་ཤིང་བཞིན་དུ་སྨོན་པ་ཐམས་ཅད་ཡོངས་སུ་རྫོགས་པར་བགྱིད་པས་སོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ལ་ལེགས་སོ་ལེགས་སོ་ཞེས་བསྔགས་པ་བརྗོད་ནས། ཁྱོད་
D898.100.0205b03.01ཀྱིས་སྙིང་བརྩེ་བའི་ཕྱིར་སེམས་ཅན་གྱི་ཆེད་དུ་འདི་ལྟར་ཞུགས་པས་ན་ཁྱོད་ཐོགས་པ་མེད་པའི་གཟུངས་འདི་བཤད་པར་གནང་བར་བྱའོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་དེ་ལྟར་བཀས་གནང་བ་དང་། ལངས་ནས་ཐལ་མོ་སྦྱར་ཏེ་ཕྱག་བྱས་ནས་སླར་
D898.100.0205b04.01སྟན་ལ་འདུག་སྟེ། སེམས་རྩེ་གཅིག་ཏུ་འཁོར་འདུས་པ་དག་ལ་རྣམ་པར་བལྟས་ནས་སྙིང་རྗེ་ཆེན་པོ་དང་ལྡན་པའི་སེམས་ཀྱིས་སྔགས་འདི་སྨྲས་སོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ།
D898.100.0205b05.01ཏདྱ་ཐཱ། ཨོྃ་ཙཀྲ་པ་ཏི་ཙིནྟཱ་མ་ཎི་མ་ཧཱ་པདྨེ་རུ་རུ་ཏིཥྛ་ཏེ། བཛྲ་བྷ་ར། ཨཱ་ཀ་རཱ་ཡ་ཧཱུྃ་སྭཱ་ཧཱ། འདི་ནི་ལུས་ཀྱི་སྔགས་ལགས་སོ། །ཨོྃ་པདྨེ། ཙིནྟཱ་མ་ཎི། མ་ཧཱ་བཛྲ་བྷ་ར་ཧཱུྃ། འདི་ནི་སྙིང་པོའི་སྔགས་ལགས་སོ། ཨོྃ་བྷ་ར་ཏ་པདྨེ་ཧཱུྃ། འདི་ནི་སྙིང་གི་སྙིང་པོའི་སྔགས་ལགས་
D898.100.0205b06.01སོ། །དེའི་ཚེ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་ཡིད་བཞིན་འཁོར་ལོའི་གཟུངས་འདི་སྨྲས་པ་དང་། ས་ཆེན་པོ་ཡང་རྣམ་པ་དྲུག་ཏུ་རབ་ཏུ་གཡོས་པར་གྱུར། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་
D898.100.0205b07.01