完整藏文原文 · 德格版页 当前仅加载第 98 函德格 297b 版页；藏文 NFD、目录标记与异常页序保留在来源切片中，重复版页行以稳定序号区分。
སྔགས་འཆང་རྣམས་དོན་ཡོད་པར་བྱ་བའི་ཕྱིར་ཐམས་ཅད་ཕྱག་རྒྱར་འདུས་ཤིང་ཕྱི་ནང་སྣོད་བཅུད་ཐམས་ཅད་ལ་འདི་ལྟར་བརྟགས་ཤིང་ཕྱག་རྒྱའི་དམ་ཚིག་བསྲུང་བ་དང་། དམ་ཚིག་ནི་གནས་ཡིན་ནོ། །ཕྱག་རྒྱས་བསྡུས་ཤིང་སྤྲོས་པ་ཡང་འདི་ཡིན་ཏེ། ཆེད་དུ་བརྗོད་པ་
D834.098.0297b01.01འདི་བརྗོད་དོ། །གསང་བ་དེ་ཉིད་ཁོ་ན་ལས། །བྱང་ཆུབ་མཆོག་འདི་བསྟན་པའོ། །མཉམ་པ་ཆེན་པོའི་དཀྱིལ་འཁོར་ནི། །ཕྱོགས་བཅུ་དུས་བཞི་མ་ལུས་པའི། །འདས་དང་མ་འདས་ཐམས་ཅད་ཀུན། །ཡེ་ནས་དབྱེར་མེད་དེ་བཞིན་ཉིད། །མཉམ་དང་མི་མཉམ་བྱ་བ་
D834.098.0297b02.01མིན། །དེ་བཞིན་ཉིད་ཀྱི་ངང་དུ་འུབ། །འཇིག་རྟེན་འདས་དང་འཇིག་རྟེན་པའི། །བརྗོད་པ་མ་ལུས་ཐམས་ཅད་ཀུན། །ཆོས་ཉིད་ངང་ལས་མ་རྟོགས་པ། །ལོག་རྟོགས་ཉོན་མོངས་རྡུལ་ཙམ་མེད། །ཕྱག་རྒྱ་སྣ་ཚོགས་འོད་འབར་ཡང་། །དེ་བཞིན་ཉིད་ལས་མ་གཡོས་ཏེ། །བདག་
D834.098.0297b03.01ཉིད་དབྱིངས་ལས་མི་གཞན་ཕྱིར། །མཉམ་ལ་མཉམ་པར་གནས་པ་ཡི། །རྣམ་གསུམ་ཚུལ་གྱིས་བསྒོམ་བྱས་ཤིང་། །ཕྱག་རྒྱ་སྐྱེད་ཅིང་ལོག་འདུལ་བ། །བྱ་བྱེད་མེད་པའི་ཚུལ་གྱིས་སུ། །ལས་རྣམས་མ་ལུས་རྫོགས་པར་བྱེད། །དེ་ལྟར་རྟོགས་ཤིང་རིགས་ཀྱི་མཆོག །བདག་ཉིད་
D834.098.0297b04.01ཕྱག་རྒྱ་ཀུན་གྱི་བདག །ཡེ་ནས་རང་བཞིན་འོད་གསལ་བས། །བྱང་ཆུབ་སྐྱེ་འཁྲུངས་རྒྱུ་ཡང་ཡིན། །འབྲས་བུ་ཡང་དག་ཉིད་དུའོ། །རྒྱུ་འབྲས་དབྱེར་མེད་རྡོ་རྗེའི་ས། །བཅུ་གསུམ་དོན་གྲུབ་དེ་གནས་པ། །མཐར་ཕྱིན་གང་ལའང་མི་གནས་པའོ། །རང་བཞིན་ཕྱག་རྒྱ་ཆེན་པོ་ནི། །
D834.098.0297b05.01ཕྱི་ནང་སྣོད་བཅུད་ཐམས་ཅད་ཀུན། །ཐམས་ཅད་ཤེས་རབ་ངང་དུ་གནས། །རིགས་ལྔ་བདེར་གཤེགས་ཡབ་ཡུམ་དུ། །མ་བཅོས་ཡེ་ནས་དེ་ལྟར་གནས། །ཐབས་དང་ཤེས་རབ་ཉིད་ལ་རོལ། །བདེ་མིན་མ་ཆགས་ཚོགས་ཆེན་པོ། །ཡང་དག་ཉིད་ལ་རབ་ཏུ་རྫོགས། །ལྷག་པའི་
D834.098.0297b06.01ཕྱག་རྒྱ་ཆེན་པོ་ནི། །ནང་གི་རྟགས་ནི་ཕྱིར་བྱུང་སྟེ། །མདོར་བསྡུས་ཕྱག་རྒྱ་ཆེན་པོ་དང་། །གཞན་ཡང་ཕྱག་རྒྱ་སྣ་ཚོགས་པ། །ལག་གི་འདུ་འཕྲོ་བསམ་ཡས་དང་། །ཡན་ལག་སྟབས་ཆེན་བསྒུལ་བསིགས་ཀུན། །ཉིད་ཀྱི་དབྱིངས་ལས་མ་གཡོས་ཀྱང་། །རང་བཞིན་ཉིད་ཀྱིས་དེ་ལྟར་
D834.098.0297b07.01