完整藏文原文 · 德格版页 当前仅加载第 98 函德格 210b 版页；藏文 NFD、目录标记与异常页序保留在来源切片中，重复版页行以稳定序号区分。
གན་དྷ་བྷཱ་ཥ་པྲ་བྷཱ་ན་ཧཱུྃ། ཨ་ཨ་ཨ་ཞེས་བརྗོད་པས་ཕྱག་རྒྱ་གསུང་གི་དཀྱིལ་འཁོར་ཀུན་དུ་གསལ་བར་གྱུར་ཏོ། །འབར་བར་གྱུར་ཏོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་དོན་དམ་པ་དང་། ཀུན་རྫོབ་ཀྱི་བྱང་ཆུབ་ཀྱི་སེམས་ལས་ཕྱག་རྒྱ་གསུང་གི་དཀྱིལ་འཁོར་
D834.098.0210b01.01རྫོགས་པའི་ལེའུ་སྟེ་བཅུ་བཞི་པའོ།། །།དེ་ནས་དེ་བཞིན་གཤེགས་པས་རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་བསྟན་པ་ལས། ཆོས་ཐམས་ཅད་ནམ་མཁའ་དང་ཡུམ་གྱི་དབྱིངས་སུ་འདུས་པར་བསྟན་ནས་ཆེད་དུ་བརྗོད་པ་འདི་བརྗོད་དོ། །ཡང་དག་དོན་གྱི་གསང་
D834.098.0210b02.01མཆོག་ནི། །བདེ་བ་ཐུགས་ཀྱི་དཀྱིལ་འཁོར་ལ། །ངེས་པའི་དོན་ཆེན་བཞི་བཅུ་གཉིས། །ཡིད་བཞིན་རིན་ཆེན་གསལ་འབར་ཐིམ། །ཐམས་ཅད་མ་ལུས་ཐིག་ལེའི་དབྱིངས། །སྐུ་ལྔའི་འོད་ཟེར་མང་པོ་ཀུན། །ཐམས་ཅད་ཡུམ་འགྱུར་དབྱིངས་སུ་ཐིམ། །གསལ་
D834.098.0210b03.01འབར་སྤྲིན་གྱི་བདག་པོར་འགྱུར། །བྱང་ཆུབ་སེམས་ཀྱི་ཐིགས་པ་ནི། །ཀུན་ལ་ཁྱབ་ཅིང་མི་གནས་པ། །ཁ་དོག་གནས་དང་དབྱིབས་མ་ཡིན། །ཡོན་ཏན་མཆོག་གི་སྙིང་པོ་ནི། །རྟོག་གེ་སྤྱོད་ཡུལ་ཡོང་མ་ཡིན། །ཟབ་ཅིང་རྒྱ་ཆེན་རབ་སྦྱངས་པའི། །གསལ་ལྡན་བརྟན་
D834.098.0210b04.01པའི་སྤྱོད་ཡུལ་ཏེ། །གཞན་ནས་བཙལ་ཞིང་བརྟག་ཏུ་མེད། །ཐམས་ཅད་ནམ་མཁའི་མཚན་ཉིད་དེ། །སྣ་ཚོགས་འཇིག་རྟེན་བརྟན་གཡོ་དང་། །རྒྱལ་བ་མངོན་བྱུང་ཐམས་ཅད་ཀུན། །ནམ་མཁའི་དབྱིངས་སུ་མ་གྱུར་པ། །དུས་བཞི་ཕྱོགས་བཅུ་གང་ན་མེད། །དུས་གསུམ་
D834.098.0210b05.01བདེ་གཤེགས་ཉིད་ཀྱི་མངའ། །སྔོན་གྱི་བདེ་གཤེགས་ཐུགས་ཆུད་པའི། །ནམ་མཁའི་དབྱིངས་སུ་ཐམས་ཅད་ཐིམ། །ཐམས་ཅད་ཤེས་རབ་དབྱིངས་ཉིད་དེ། །དབྱིངས་ལ་དབྱིངས་ནི་རྣམ་པར་སྦྱོར། །ཤེས་རབ་དབྱིངས་ཉིད་འབྱོར་པ་ཡིས། །བྱང་ཆུབ་རྡོ་རྗེ་ཐིག་ལེ་
D834.098.0210b06.01ཡིན། །དཀྱིལ་འཁོར་གཞལ་ཡས་ལྷུན་གྲུབ་དང་། །རྒྱ་དང་བྲལ་བའི་བསམ་ཡས་ཀྱིས། །ཀུན་ལ་ཁྱབ་ཅིང་མི་གནས་པ། །ཡོན་ཏན་མཆོག་གི་གནས་ཡིན་ཏེ། །མ་བཅོས་རྒྱུན་གྱི་སྐད་ཅིག་མ། །དེ་ཡིས་མ་ཟིན་གང་ཡང་མེད། །རང་གི་རྣམ་རྟོག་མ་ཡིན་པ། །ཡང་
D834.098.0210b07.01