完整藏文原文 · 德格版页 当前仅加载第 98 函德格 254a 版页；藏文 NFD、目录标记与异常页序保留在来源切片中，重复版页行以稳定序号区分。
སྐད་གདངས་དང་། །སྐད་དང་ང་རོ་དྲག་ཏུ་འདོན། །ཧཱུྃ་ཧེ་ཧེ་ཕཊ་བྷྱོ་རུ་ལུ། །ཁྲོ་བོ་ཆེན་པོ་ཚོགས་པ་ཡི། །དཀྱིལ་འཁོར་ཆེན་པོའི་ཞལ་འབར་བ། །བདག་ཉིད་གཉིས་སུ་མེད་པར་བསྒོམ། །སོ་སོའི་རང་སྔགས་བཟླས་ནས་སུ། །རྒྱུད་དྲུག་སེམས་ཅན་ཐམས་
D834.098.0254a01.01ཅད་ལས། །མ་རུངས་གདུག་པ་ཐམས་ཅད་དུ། །ཛཿཧཱུྃ་བྃ་ཧོཿས་བཀུག་ནས་ནི། །ལན་གསུམ་ལན་བདུན་ཞལ་དུ་བསྟིམ། །ལྷ་ཡང་རུང་སྟེ་བརླག་པར་འགྱུར། །ཧོཿ། གཞན་ཡང་མཆོད་པའི་ཞལ་ཟས་ནི། །འབྱོར་བ་རྣམ་པ་ཀུན་གྱིས་མཆོད། །ནྲྀ་ཡི་ཚིལ་དང་ཚ་བའི་
D834.098.0254a02.01མར། །དམར་གྱི་ཨརྒྷ་རྒྱུན་དུ་དབུལ། །ཨ་ཧོཿ། ཡང་ན་ལན་གསུམ་བརྒྱ་རྩ་བརྒྱད། །སྟོང་ངམ་འབུམ་དུ་དབུལ་བར་བགྱི། །ནག་པོའི་ཚེར་མ་དུག་ཤིང་ངམ། །གཞན་ཡང་བསྲེག་རྫས་གདུག་གསུམ་དང་། །གནོན་པའི་ཆོ་ག་ཀུན་གྱིས་བྱ། །སྒྱུ་འཕྲུལ་དྲ་བ་ལས་
D834.098.0254a03.01ཐུགས་རྗེ་རོལ་པའི་དཀྱིལ་འཁོར་སྤྱིར་བསྟན་པའི་ཧོཾཿ། ཨོྃ་ཧཱུྃ་ཧྲཱྃ་ཧྲཱིཿཨཱཿ། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཧཽཾཿ ཐམས་ཅད་མ་ལུས་པར་འདིར་འདུས་པའི་ལེའུ་སྟེ་ལྔ་བཅུ་བཞི་པའོ།། །།དེ་ནས་དེ་བཞིན་གཤེགས་པ་ཁྲོས་པའི་རྒྱལ་པོས་སྒྱུ་འཕྲུལ་
D834.098.0254a04.01དྲ་བ་བསྟན་པ་ལས་ཁྲོ་བོ་རྔམ་པའི་ཚོགས་སུ་བསྒོམས་ནས་ཆེད་དུ་བརྗོད་པ་འདི་བརྗོད་དོ། །བྱང་ཆུབ་མཆོག་གི་སྙིང་པོ་ནི། །མཚན་མས་བཙལ་བ་མ་ཡིན་གྱི། །དག་པ་རྣམ་གསུམ་མ་ནོར་ཞིང་། །རང་རིག་རྒྱལ་པོ་གོམས་པ་ཡིས། །བྱང་ཆུབ་མཆོག་འདི་རྙེད་པར་
D834.098.0254a05.01འགྱུར། །དྲག་པོ་གཏུམ་པོ་བསྒྲུབས་པ་ནི། །བྷ་ག་ལ་ནི་ལིངྒ་བཞག །མཚན་མ་མིང་དུ་བཅས་པར་བྱ། །ཁྲོ་བོའི་ཞལ་ནི་གང་ཡང་རུང་། །ལན་གསུམ་ལན་བདུན་རྟག་བསྒོམས་ཤིང་། །མངོན་དུ་བྱུང་བའི་ཞལ་འབར་ཏེ། །བདག་ཉིད་དཀྱིལ་འཁོར་ལྷར་གྱུར་ནས། །
D834.098.0254a06.01ལིངྒ་ཡང་ནས་ཡང་བསྡུས་ཏེ། །དབྱིངས་ཀྱི་དཀྱིལ་དུ་བསྟིམ་པར་བྱ། །ཧཱུྃ་གིས་བསྡུ་ཞིང་ཕཊ་ཀྱིས་འཕང་། །ཞལ་གྱིས་རང་སྔགས་ཁྲི་འབུམ་དུ། །རྣམ་གསུམ་ཚུལ་གྱིས་བཟླས་ནས་སུ། །ཡང་ནས་ཡང་དུ་གསོལ་བར་བྱ། །འགྲོ་ལྔ་སེམས་ཅན་ཐམས་ཅད་ཀུན། །
D834.098.0254a07.01