完整藏文原文 · 德格版页 当前仅加载第 96 函德格 202a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་ཀྱི་ཆོ་ག་ཡིས། །གསང་སྔགས་ཡོངས་སུ་ཚིམ་བྱས་ཏེ། །དབང་བསྐུར་ཆོ་ག་གསུངས་པའང་བྱ། །དེ་ནས་བསྒྲུབ་པ་བརྩམ་པར་བྱ། །དང་པོར་དཀྱིལ་འཁོར་བྲིས་ནས་སུ། །ཆོ་ག་བཞིན་དུ་ལེགས་མཆོད་དེ། །དེར་ནི་བདག་ཉིད་ཚུལ་བཞིན་དུ། །
D807.096.0202a01.01དབང་བསྐུར་ནས་ནི་ལས་རྣམས་བརྩམ། །དེ་ནས་གཞན་ཡང་ཟློས་པ་དག །དངོས་གྲུབ་ཕྱིར་ནི་དབང་བསྐུར་བའི། །དཀྱིལ་འཁོར་ལས་རྣམས་ཀུན་བྱེད་པ། །གང་དག་རབ་ཏུ་བསྒྲགས་བཤད་པ། །རིག་པའི་རྒྱལ་པོའི་དཀྱིལ་འཁོར་གྱི། །ཆོ་ག་གང་དག་སྔར་བསྟན་པ། །
D807.096.0202a02.01དེས་ནི་ས་གཞི་སྦྱང་ལ་སོགས། །ཐམས་ཅད་དེ་བཞིན་ཁོ་ནར་བྱ། །ཁྲུ་ལྔའམ་བདུན་ནམ་བརྒྱད་པ་ལ། །གྲུ་བཞི་པ་ལ་སྒོ་བཞི་པ། །གྲྭ་བཞི་ལྡན་པར་རྣམ་བརྟགས་པ། །ནུབ་ཏུ་སྒོ་གཏོད་སྒོ་ཁྱུད་ཅན། །དེ་ཡི་ཚད་ཀྱི་ཕྱེད་ཀྱི་ཆས། །དཀྱིལ་འཁོར་ཕྱི་རིམ་བསྐོར་བ་དག །ཚོན་
D807.096.0202a03.01རྩི་སྣ་ལྔའི་ཕྱེ་མ་ཡིས། །དཀྱིལ་འཁོར་ལེགས་པར་བྲི་བར་བྱ། །མཁས་པས་དེ་ཡི་ནུབ་ཕྱོགས་སུ། །གྲུ་བཞི་ཡིས་ནི་བར་བཅད་ནས། །ཁྲུ་ལྔའམ་བཞི་འམ་གསུམ་པ་ལ། །གྲྭ་བཞི་ཤར་དུ་སྒོ་ཡང་གདོད། །ཆོ་ག་བཟང་པོ་ཀུན་ལ་ཡང་། །སྒྲུབ་པོས་མངོན་པར་དབང་
D807.096.0202a04.01བསྐུར་ཕྱིར། །རྩ་བའི་དཀྱིལ་འཁོར་ཚད་དག་གི །ཕྱེད་ཀྱི་ཚད་དུ་དཀྱིལ་འཁོར་བྱ། །ས་གཞི་ཤར་དུ་གཞོལ་བ་ལ། །ནུབ་བམ་བྱང་དུ་སྒོ་གཏོད་དོ། །ཀུན་ཀྱང་བྱང་དུ་གཞོལ་ན་ནི། །ནུབ་ཏུ་སྒོ་ཡང་གཏོད་པར་གསུངས། །ཀུན་དུ་ཐིག་ནི་བཏབ་ནས་ཀྱང་། །ཚོན་སྣ་གཅིག་
D807.096.0202a05.01གིས་བྲི་བྱ་སྟེ། །ཕྱི་རོལ་གྱི་ནི་གྲྭ་བཞི་རུ། །རྡོ་རྗེ་རྩེ་མོ་གསུམ་པ་བྲི། །གསང་སྔགས་ཀུན་ལ་ཐོག་མར་ནི། །དབུས་སུ་པདྨའི་སྙིང་པོར་བཅས། །འདབ་མ་བརྒྱད་པ་བྲིས་ནས་ཀྱང་། །དེ་ནས་བཀྲ་ཤིས་རྣམས་ཀྱིས་བརྒྱན། །སྒོ་རྣམས་ཀུན་དུ་རྡོ་རྗེ་དང་། །གྲྭ་རྣམས་སུ་ནི་བུམ་
D807.096.0202a06.01པ་དགོད། །ཕྱི་རོལ་དཀྱིལ་འཁོར་དག་ལ་ཡང་། །ཆོ་ག་དེ་བཞིན་བྱ་བར་བཤད། །དབང་བསྐུར་བ་ཡི་དཀྱིལ་འཁོར་དུ། །བུམ་པ་གང་བ་བཞི་རྣམས་ནི། །གྲུ་ཡི་རི་མོའི་ནང་རོལ་དུ། །ངེས་པ་ཉིད་དུ་གཞག་པར་བྱ། །དབུས་སུ་གསང་སྔགས་ཟློས་པ་པོའི། །རིག་
D807.096.0202a07.01