完整藏文原文 · 德格版页 当前仅加载第 96 函德格 182b 版页；藏文 NFD、目录标记与异常页序保留在来源切片中，重复版页行以稳定序号区分。
བ་དང་། །ངེས་པར་འགྲུབ་པར་འགྱུར་བ་ཡི། །ཆོ་ག་དེ་དག་འདིར་བཤད་དོ། །བྱམས་པའི་དྲན་པ་ཉེར་བཞག་ནས། །དཀོན་མཆོག་གསུམ་ལ་གཅིག་ཏུ་གཞོལ། །ཞི་བར་གྱུར་པས་ཞི་བ་ཡི། །བཟླས་པའམ་ཡང་ན་སྦྱིན་སྲེག་བྱ། །ཟླ་བ་ཡར་གྱི་ཚེས་གཅིག་ནས། །
D807.096.0182b01.01ལས་རྣམས་རབ་ཏུ་བརྩམ་པར་བྱ། །བྱེ་བྲག་ཏུ་ནི་སྲོད་ལ་སྟེ། །དེ་ནི་ཞི་བའི་ལས་ཀྱི་དུས། །གནས་གཙང་མ་ཡི་ལྷ་རྣམས་དག །དེ་ན་ཀུན་དུ་གཟིགས་པས་ན། །ལས་རྣམས་མྱུར་དུ་འགྲུབ་པར་འགྱུར། །དེ་བས་དེར་ནི་ཀུན་བརྩམ་མོ། །དཀར་པོའི་གོས་ནི་བགོས་ནས་སུ། །
D807.096.0182b02.01ཀུ་ཤའི་ཁྲེས་ཀྱི་སྟན་འདུག་ནས། །བྱང་ཕྱོགས་ཁ་བལྟས་གཙང་ཞི་བས། །ཞི་བའི་ཆོ་ག་བཤད་པར་བྱ། །བ་ཡི་ལྕི་བ་མ་ལྷུང་བས། །དུས་གསུམ་དག་ཏུ་དེར་བསྐུས་ལ། །མེ་ཏོག་དཀར་པོ་སིལ་མ་དག །བཀྲམ་པ་བྱས་ན་རབ་ཏུ་ཤིས། །ནས་དང་འོ་ཐུག་ཞོ་དག་དང་། །འབྲས་
D807.096.0182b03.01ཡོས་དག་གམ་ཏིལ་དག་གམ། །དུར་བའམ་ཀུ་ཤ་སྔོན་པོའམ། །པྲི་ཡང་ཀུ་ཡི་མེ་ཏོག་གམ། །སཱ་ལུའི་ཆན་ནམ་གེ་སར་རམ། །ཡང་ན་མེ་ཏོག་དཀར་བོའམ། །ཤ་མའི་ཡམ་སྲེག་ཤིང་དག་གམ། །ཡང་ན་དྲི་ཞིམ་ཐང་ཆུའང་རུང་། །མཆོད་སྦྱིན་དག་གི་ལྗོན་ཤིང་ངམ། །འོ་མར་
D807.096.0182b04.01བཅས་ཤིང་ལོ་མ་ཅན། །ཡམ་ཤིང་རྩེ་མོ་ལས་སྐྱེས་རློན། །སྦྲང་རྩིའམ་ཡང་ན་མར་ཡང་རུང་། །རྟོག་པ་ལས་གསུངས་ཆོ་ག་ནི། །དེ་དང་དེ་ལ་སོགས་པ་སྤྱད། །ཞི་བའི་ལས་ལ་བློ་ཅན་གྱིས། །ལྗོན་ཤིང་འོ་མ་ཅན་གྱི་མེ། །རྒྱུན་བཞག་མི་ལ་བླངས་ནས་སུ། །མེ་ནི་ཆོ་ག་བཞིན་
D807.096.0182b05.01བྱས་ཏེ། །ཞི་བའི་ལས་ལ་བསྲེག་བྱིན་ན། །དངོས་གྲུབ་རབ་ཏུ་སྟེར་བར་འགྱུར། །འོ་མ་ཅན་གྱི་ཡམ་ཤིང་གི། །མེ་ལ་ཡམ་ཤིང་མཐོ་གང་ཙམ། །འོ་མ་སྦྲང་རྩི་མར་བཏགས་ཏེ། །ཞི་བའི་ལས་ལ་སྦྱིན་སྲེག་བྱ། །དགོན་པའི་བ་ལང་ལྕི་བ་དང་། །དེ་བཞིན་ཤ་མའི་བུད་ཤིང་
D807.096.0182b06.01བཟང་། །ཡང་ན་ལྗོན་ཤིང་དྲི་ཞིམ་པའི། །བུད་ཤིང་ཞི་བའི་ལས་ལ་ཤིས། །ས་གཞི་དཀར་ལ་བརྐོས་པ་ཡིས། །ཞུགས་ཐབ་ཀུན་དུ་ཟླུམ་པོ་ལ། །ཁྲུ་གང་ཙམ་གྱི་ཚད་དུ་བྱ། །ཟབས་སུ་སོར་ནི་བཅུ་གཉིས་པ། །དེ་ཡི་སྟེང་དུ་ཁ་རན་ནི། །རབ་མཉམ་སོར་བཞིའི་ཚད་ཙམ་གདགས། །
D807.096.0182b07.01