完整藏文原文 · 德格版页 当前仅加载第 96 函德格 200a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་སྲིད་དག་ཀྱང་ཐོབ་པར་འགྱུར། །གཞན་ཡང་དངོས་གྲུབ་དམ་པ་ནི། །གཙུག་ཏོར་པདྨ་རྡོ་རྗེ་གསུམ། །རིགས་དང་རིགས་ཀྱི་བྱེ་བྲག་ལས། །ཕལ་ཆེར་ཡོངས་སུ་བསྒྲགས་པ་ཡིན། །གསང་སྔགས་གང་ཡང་རུང་བ་ཡིས། །གང་ཡང་རུང་བའི་དངོས་གྲུབ་ཀྱང་། །
D807.096.0200a01.01མངོན་པར་ཤེས་པ་ལྷག་རྟོག་པ། །གཙོ་བོ་ཡིན་པར་ཡོངས་སུ་བསྒྲགས། །གསེར་དང་དངུལ་ལ་སོགས་པ་ལས། །ཡུ་བ་ཁྲུ་གང་ཙམ་བྱས་ལ། །དེ་སྟེང་རིན་ཆེན་ཆེན་པོ་ནི། །གཅིག་པུ་བཞག་པའམ་ནོར་བུ་ནི། །པདྨ་ར་ག་དག་པའམ། །ཡང་ན་ཤེལ་ལས་བྱུང་བའང་རུང་། །
D807.096.0200a02.01ཁྲིའུའི་སྟེང་དུ་ལེགས་བཞག་ནས། །སྒྲུབ་པ་པོས་ནི་མཚན་མོ་བསྒྲུབ། །གསང་སྔགས་སྟ་གོན་ཆོ་ག་དང་། །བདག་ཉིད་དབང་བསྐུར་གང་བཤད་པ། །དེ་ཡི་རང་བཞིན་ཆོ་ག་དེས། །བུམ་པ་བཟང་པོ་བསྒྲུབ་པར་གསུངས། །གསེར་དག་དང་ནི་དངུལ་དག་དང་། །རིན་ཆེན་སྣ་
D807.096.0200a03.01ཚོགས་ལ་སོགས་པ། །དཔག་ཚད་ལྔ་ཡི་ཁོར་ཡུག་ཏུ། །ནོར་ནི་ཆར་བཞིན་འབབ་པར་གསུངས། །མི་ཟད་པ་ཡི་གཏེར་ཆེན་ནི། །གསེར་ལ་སོགས་པས་གང་བ་སྟེ། །སྦྱིན་དང་ལོངས་སྤྱོད་ལ་སོགས་པ། །སྤྱད་ཅིང་ཕྱུང་ཡང་མི་ཟད་པའོ། །ཨུར་མོའི་ལྕགས་ཀྱི་འཁོར་ལོ་ནི། །
D807.096.0200a04.01མཛུབ་གང་ཙམ་ལ་རྩིབས་དྲུག་པ། །ཤིན་ཏུ་གཟུགས་ལེགས་རྣོ་བདར་བ། །མྱུར་དུ་འགྲུབ་ཅིང་ཆེན་པོར་འགྱུར། །ཉི་མ་འཆར་ཀའི་གཟུགས་འདྲ་ཞིང་། །གསེར་ནི་བཙོ་མའི་མདོག་ལྟ་བུ། །ཀ་ར་བི་རའི་མདོག་འདྲ་ཞིང་། །ལྡོང་རོས་དག་ནི་མཆོག་ཏུ་བཤད། །རལ་གྲི་མཐེའུ་
D807.096.0200a05.01ཆུང་མཐོ་དོ་བ། །འཕན་མེད་ཞེང་དུ་སོར་བཞི་ཚད། །བདར་བ་ཙ་ཤའི་འདབ་མ་འདྲ། །འགྲུབ་ཕྱིར་བ་སོའི་དངོ་ཅན་ནོ། །ཕྱག་རྒྱ་བྲི་བའི་ཆོ་ག་བཞིན། །གཙུག་ཏོར་ཕྱག་རྒྱ་གསེར་ལས་བྱས། །ཡིད་བཞིན་ནོར་བུའི་ཡུ་བ་བྱས། །ཆེ་ལ་བཞག་སྟེ་བསྒྲུབ་པར་བྱ། །པདྨ་ཙནྡན་ལས་
D807.096.0200a06.01བྱས་པའི། །དེ་བཞིན་གསེར་སོགས་ལས་བྱས་པ། །མཐོ་གང་བ་ལས་སྡོང་བུ་དངུལ། །འདབ་བརྒྱད་སྙིང་པོ་མཛེས་པར་བྱ། །རྡོ་རྗེ་ཨུར་མོའི་ལྕགས་བྱས་པའམ། །ཡང་ན་ཙནྡན་དམར་པོའང་རུང་། །ལྕགས་གསུམ་ལས་བྱས་སོར་བཅུ་དྲུག །གཉིས་ཀ་རྩེ་མོ་གསུམ་པར་བྱ། །
D807.096.0200a07.01