完整藏文原文 · 德格版页 当前仅加载第 96 函德格 81b 版页；藏文 NFD、目录标记与异常页序保留在来源切片中，重复版页行以稳定序号区分。
བ་འཕོ་བར་བྱེད་དོ། །སྤྲིན་བསྐྲད་པ་ལ་ཡང་བ་ལ་པོ་སེའུའི་ལྕུག་མས་སོ། །སེར་བ་འཕོ་བར་བྱ་བ་ལ་ཀ་ར་བཱི་རའི་ལྕུག་མས་སོ། །ས་བོན་བདུན་པ་བསྲེགས་ནས་ཀླུས་ཅར་འབེབས་པར་བྱེད་དོ། །གནོད་སྦྱིན་བསྐྲད་པ་ལ་ཡང་འབྲས་དང་ཏིལ་བསྲེགས་པས་སོ། ཆང་འཚོང་གི་ཆང་ཉམས་པར་
D766.096.0081b01.01བྱེད་ན་ཆང་གི་སྐྱོ་བ་དང་། ཕུག་མ་བསྲེག་པར་བྱའོ། །ཏིལ་མར་གྱིས་ནི་དབང་དུ་བྱེད་པར་འགྱུར་རོ། །ཡིད་ཀྱིས་བཟླས་པས་དུག་འཕོ་བར་བྱེད་དོ། །རྨ་བྱའི་མཇུག་སྒྲོས་ལས་སྟོང་ཕྲག་བརྒྱད་བྱེད་པར་འགྱུར་རོ། །གར་མཁན་མཆོག་གི་ཉེ་བའི་སྙིང་པོ་བསྐྱེད་པ་ཙམ་གྱིས་འགྲུབ་བོ།། །།གུ་
D766.096.0081b02.01གུལ་གྱིས་བདུགས་ན་ལས་ཐམས་ཅད་འགྲུབ་པར་འགྱུར་བ་ནི་དངོས་གྲུབ་ཐམས་ཅད་བླ་ན་མེད་པ་དེས་བླང་ངོ་། །གར་མཁན་མཆོག་གི་ཉེ་བར་སྤྱད་པ་དང་། སྔགས་དང་ཕྱག་རྒྱ་སྒྲུབ་པའི་ཆོ་གའི་ལེའུ་སྟེ་བཅུ་པའོ།། །།དེ་ནས་བཅོམ་ལྡན་འདས་ཀྱིས་ངལ་བསོ་པོའི་བུ་གར་
D766.096.0081b03.01མཁན་མཆོག་ལ་ལེགས་སོ་ཞེས་གསུངས་ཏེ། ལེགས་སོ་ལེགས་སོ། །གནོད་སྦྱིན་གྱི་དབང་པོ་ཁྱོད་ཀྱིས་སེམས་ཅན་ཐམས་ཅད་ལ་ཕན་པའི་ཕྱིར་བསྟན་པ་ལེགས་པར་བསྟན་ཏོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ལྷ་དང་། ཀླུ་དང་། གནོད་སྦྱིན་
D766.096.0081b04.01དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། བརྒྱ་བྱིན་དང་། འཇིག་རྟེན་སྐྱོང་བ་དང་། ཚངས་པ་དང་། ཁྱབ་འཇུག་དང་། ལྷ་ཆེན་པོ་དང་། ནོར་བུ་བཟང་པོ་དང་། གང་བ་བཟང་པོ་ལ་སོགས་པ་ཡི་རངས་ཏེ།
D766.096.0081b05.01བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།གནོད་སྦྱིན་གྱི་སྡེ་དཔོན་ཆེན་པོ་གར་མཁན་མཆོག་རིག་པའི་རྒྱལ་པོ་སྤྱད་དང་དངོས་གྲུབ་སྒྲུབ་པ་བཀླགས་པས་ཐམས་ཅད་འགྲུབ་པ་བརྟག་པའི་རྒྱལ་པོ་དང་པོ་རྫོགས་སོ།། །།རྒྱ་གར་གྱི་མཁན་པོ་
D766.096.0081b06.01དྷ་ན་གུཔྟ་ཞེས་བྱ་བ་སྤྱོད་མཛད་ཆོས་ཀྱི་རྡོ་རྗེའི་སློབ་མ་དངོས་ལས་རབ་ཞི་ལོཙྪ་བས་ཐོ་ལིང་དུ་བསྒྱུར་བའོ།།
D766.096.0081b07.01