完整藏文原文 · 德格版页 当前仅加载第 96 函德格 71a 版页；藏文 NFD、目录标记与异常页序保留在来源切片中，重复版页行以稳定序号区分。
གནས་པའི་སྐུ། ས་རབ་ཏུ་གཡོ་ཞིང་སྟོབས་ཆེན་པོ་རྣམ་པར་གནོན་པ། མཚོན་ཆ་སྣ་ཚོགས་འཛིན་ཅིང་འཇིགས་པར་བྱེད་པའི་སྒྲ་འབྱིན་པ། མིའི་ཐོད་པའི་ཕྲེང་བ་བཅིངས་ལ། མི་མགོ་ཁྲག་གིས་བཀང་བ་འཛིན་པའི་ཕྱག །སྟག་ལྤགས་ཀྱི་སྟོད་གཡོགས་
D766.096.0071a01.01བྱས་པ། སེངྒེའི་འགྲོས་ལྟར་གྲགས་པ་དེ་བཅོམ་ལྡན་འདས་གང་ན་བ་དེར་ཉེ་བར་འོངས་ནས། བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གི་སྙིང་པོ་མཆིས་ཏེ། ལྷ་མ་ཡིན་ཀྱི་ཚོགས་ཐམས་ཅད་རབ་ཏུ་གཞོམ་པ་
D766.096.0071a02.01དང་། ལྷ་དང་། ཀླུ་དང་། གནོད་སྦྱིན་རྣམས་ཉེ་བར་དགུག་པ་དང་། ཀླུ་རྣམས་རབ་ཏུ་གཞོམ་པ་དང་། གནོད་སྦྱིན་དང་། འབྱུང་པོ་དང་། ཤ་ཟ་དང་། གཟའ་ཐམས་ཅད་རབ་ཏུ་འཇོམས་པར་བྱེད་པ་དང་། ཚངས་པ་དང་། དབང་པོ་དང་། མཐུ་བོ་ཆེས་ཕྱག་བྱས་པ། རིག་
D766.096.0071a03.01འཛིན་ཐམས་ཅད་ཀྱི་སྒྲུབ་པ་བརྗོད་པ་ཙམ་གྱིས་འགྲུབ་པ་སྟེ། དེ་བཅོམ་ལྡན་འདས་བདག་གིས་འཁོར་ཆེན་པོ་ལྷགས་པའི་མདུན་དུ་རབ་ཏུ་བརྗོད་པར་འཚལ་ན། རིག་འཛིན་ཐམས་ཅད་གྲུབ་པ་དང་། སེམས་ཅན་ཐམས་ཅད་ཀྱི་རེ་བ་ཡོངས་སུ་རྫོགས་པའི་ཕྱིར་ཀུན་དུ་བརྗོད་པ་
D766.096.0071a04.01ཙམ་གྱིས་འགྲུབ་པར་འགྱུར་ཞིང་། ལན་ཅིག་དྲན་པ་ཙམ་གྱིས་ཀྱང་རིག་པ་ཐམས་ཅད་ཀྱི་དངོས་གྲུབ་རབ་ཏུ་འབྱིན་པར་བྱེད་ཅིང་དཀྱིལ་འཁོར་ཐམས་ཅད་ཀྱི་རྗེས་སུ་ཞུགས་ནས་དམ་ཚིག་ཤེས་པར་འགྱུར་བ་ནི་འདི་ལྟ་སྟེ། །དེ་བཞིན་གཤེགས་པའི་རིགས་དང་། །ནོར་བུའི་
D766.096.0071a05.01རིགས་དང་། ཕན་གླང་གི་རིགས་དང་། པདྨའི་རིགས་དང་། རྡོ་རྗེའི་རིགས་དང་། དཀྱིལ་འཁོར་ཆེན་པོའི་དངོས་གྲུབ་སྟེར་བ། དམ་ཚིག་དང་། དཀྱིལ་འཁོར་ཐམས་ཅད་ཀྱི་ཕྱག་རྒྱས་ཐམས་ཅད་འཇུག་པར་བྱེད་པ། གཟུངས་ཆེན་པོའི་སྔགས་ཀྱི་ལེའུ་རྗེས་སུ་སྟེར་བ།
D766.096.0071a06.01བཅོམ་ལྡན་འདས་ཆུང་ངུ་ན་ལན་ཅིག་རྗེས་སུ་དྲན་པས་ཀྱང་། དངོས་གྲུབ་ཐམས་ཅད་རྗེས་སུ་སྟེར་བར་འགྱུར་ཏེ། བཅོམ་ལྡན་འདས་ཀྱི་རིགས་ཐམས་ཅད་ཀྱི་སྤྱི་བོར་དབང་བསྐུར་དུ་གསོལ། བཅོམ་ལྡན་འདས་བདག་ལ་བརྩེ་བར་དགོངས་ཏེ། ཕྱག་རྒྱ་ཆེན་པོའི་དཀྱིལ་འཁོར་དང་
D766.096.0071a07.01