完整藏文原文 · 德格版页 当前仅加载第 96 函德格 77a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ཕུལ་ཏེ། ལན་ཅིག་བཟླས་པས་གུ་གུལ་གྱིས་བདུགས་ན་མི་སྣང་བར་འགྱུར་རོ། །གནོད་སྦྱིན་གར་མཁན་མཆོག་གི་བརྟག་པ་ལས། དཀྱིལ་འཁོར་སྒྲུབ་པའི་ཆོ་གའི་ལེའུ་སྟེ་བཞི་པའོ།། །།དེ་ནས་སྐུ་གཟུགས་ཀྱི་ཆོ་ག་བཤད་པར་བྱ་སྟེ།
D766.096.0077a01.01རས་ཁ་ཚར་མ་བཅད་པ། སྐྲ་མེད་པ་ཁྲུ་བཞིའི་ཚད་ལ་ཀུན་དུ་གྲུ་བཞི་ལྷམ་པར་བྱའོ། །གཙང་མའི་ཕོ་གར་སྤྱད་ཅིང་མ་འདྲེས་པའི་ཚོན་རྩིས་རི་མོ་མཁན་གྱི་རྗེས་སུ་མཐུན་པར་སྣོད་གཙང་མར་བྱས་ཏེ་བྲི་བར་བྱའོ། །དབུས་སུ་གར་མཁན་མཆོག་བྲི་བ་ནི་གུར་གུམ་གཞོན་
D766.096.0077a02.01ནུའི་མདོག་འདྲ་བ། ཞལ་བཞི་པ། གཡས་ཨུཏྤལ་སྔོན་པོ་འདྲ་བ། གཡོན་དུང་དང་མཚུངས་པ། རྒྱབ་ཀྱི་ཞལ་ཨིནྡྲ་ནཱི་ལའི་མདོག་ལྟ་བུ་ཞལ་མཆེ་བ་ཅུང་ཟད་གཙིགས་པའི་ཚུལ་དུ་འཛུམ་པ་དང་བཅས་པའོ། །ཕྱག་བཅུ་དྲུག་རིན་པོའི་ཆེའི་རྒྱན་གྱིས་སྤྲས་པ་སྟེ། རྡོ་
D766.096.0077a03.01རྗེ་དང་། འཁོར་ལོ་དང་། རིན་པོ་ཆེ་དང་། པདྨ་དང་། རལ་གྲི་དང་། ཞགས་པ་དང་། མདའ་དང་། དགྲ་སྟ་སྟེ་གཡས་པ་ན་རིམ་པས་སོ། །དྲིལ་བུ་དང་། རྩེ་གསུམ་པ་དང་། ནེའུ་ལེ་དང་། མེ་ཏོག་གི་ཕུར་མ་དང་། བ་དན་དང་། ཐོད་པ་དང་། གཞུ་དང་།
D766.096.0077a04.01རྔ་ཡབ་ནི་གཡོན་པའི་རིམ་པས་སོ། །གཡས་གཡོན་དུ་ཚངས་པ་དང་། གཏོགས་འདོད་དང་། དབང་ཕྱུག་ཆེན་པོ་དང་། ངལ་བསོ་པོ་བྲི་བར་བྱའོ། །ཡང་འོག་གི་ཆ་ལ་ནི་ནོར་བུ་བཟང་པོ་དང་། གང་བ་བཟང་པོ་དང་། སྟོབས་ཀྱི་ལྷ་དང་། དགའ་བའི་དབང་པོ་དང་།
D766.096.0077a05.01དབང་མོ་དང་། དབྱངས་ཅན་མ་དང་། སྟོབས་དང་། སྟོབས་ཆེན་པོ་དང་། གཞན་ཡང་གནོད་སྦྱིན་རྫུ་འཕྲུལ་ཆེ་བ་རྣམས་བྲི་བར་བྱའོ། །སྟེང་གི་ཆ་ལ་ལྷའི་བུ་དང་དྲང་སྲོང་རྫུ་འཕྲུལ་ཅན་རྣམས་བྲི་བར་བྱའོ། །འོག་ཏུ་རིག་པ་འཛིན་པ་བྲི་བར་བྱའོ། །གཞན་ཡང་ཇི་
D766.096.0077a06.01ལྟར་སྔགས་ཀྱི་ཆོ་ག་བཞིན་བྲི་སྟེ། གསང་སྔགས་ཐམས་ཅད་ལས་འབྱུང་བའི་ཆོ་ག་སྐུ་གཟུགས་ཀྱི་སྤྱན་སྔར་མཆོད་ཅིང་སྔགས་ལན་སྟོང་བཟླས་པར་བྱ། འདི་དག་སྒྲུབ་པ་བརྗོད་པ་ཙམ་གྱིས་འགྲུབ་བོ། །གནོད་སྦྱིན་གར་མཁན་མཆོག་གི་བརྟག་པ་ལས་
D766.096.0077a07.01