完整藏文原文 · 德格版页 当前仅加载第 93 函德格 37b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་རྗེས་སུ་མཐུན་པར་སྩོལ་བར་འགྱུར་རོ། །འདི་ལྟ་སྟེ་གསང་སྔགས་ཀྱི་དངོས་གྲུབ་བམ། གཟུངས་ཀྱི་དངོས་གྲུབ་བམ། ཆོ་ག་ཞིབ་མོའི་དངོས་གྲུབ་བམ། རིགས་ཐུན་མོང་བའི་དཀྱིལ་འཁོར་གྱི་དེ་བཞིན་གཤེགས་པའི་དངོས་གྲུབ་བམ། ཕྱག་རྒྱའི་དམ་ཚིག་གི་དངོས་གྲུབ་བམ། ནམ་མཁའ་ལ་འགྲོ་བའམ། མི་
D686.093.0037b01.01སྣང་བའམ། གཟུགས་སྣ་ཚོགས་སུ་བསྒྱུར་བའམ། མིག་འཕྲུལ་ལམ། རྫུ་འཕྲུལ་སྟོན་པའམ། ཀླུའི་གཞལ་མེད་ཁང་ངམ། ལྷའི་གཞལ་མེད་ཁང་ངམ། གནོད་སྦྱིན་གྱི་གཞལ་མེད་ཁང་ངམ། དྲི་ཟའི་གཞལ་མེད་ཁང་ངམ། ལྷ་མ་ཡིན་གྱི་གཞལ་མེད་ཁང་ངམ། ནམ་མཁའ་ལྡིང་གི་གཞལ་མེད་ཁང་ངམ།
D686.093.0037b02.01མིའམ་ཅིའི་གཞལ་མེད་ཁང་ངམ་ལྟོ་འཕྱེ་ཆེན་པོའི་གཞལ་མེད་ཁང་ངམ། ཉི་མའི་གཞལ་མེད་ཁང་ངམ། ཟླ་བའི་གཞལ་མེད་ཁང་ངམ། སྐར་མའི་ཚོགས་ཀྱི་གཞལ་མེད་ཁང་ངམ། རྒྱུ་སྐར་གྱི་གཞལ་མེད་ཁང་ངམ། སྲིན་པོའི་གཞལ་མེད་ཁང་ངམ། འདོད་པའི་གཟུགས་ཀྱི་གཞལ་མེད་ཁང་ཡང་རུང་སྟེ་དེ་
D686.093.0037b03.01ཐམས་ཅད་རྗེས་སུ་འཛིན་ནོ། །འདི་ནི་ཁྱོད་ཀྱིས་བྱ་བ་ཐམས་ཅད་བཀླགས་པས་འགྲུབ་ཅིང་བཟླས་པ་ཙམ་གྱིས་འགྲུབ་པར་འགྱུར་རོ། །ཀྱེ་རིག་སྔགས་འཆང་བྱ་བ་རྣམ་པ་སྣ་ཚོགས་པ་དེ་རྣམས་རྗེས་སུ་འཛིན་ནོ། །འདི་ལྟ་སྟེ། ནོར་སྒྱུར་བར་སྨྲ་བ་དང་། ཞིང་སྨྲ་བ་དང་། ནོར་བུ་སྨྲ་བ་དང་། ཞགས་པའི་དངོས་
D686.093.0037b04.01གྲུབ་དང་། མིག་སྨན་སྒྲུབ་པ་དང་། ཐིག་ལེ་སྒྲུབ་པ་དང་། དབང་ཕྱུག་དང་། བློན་པོ་དང་། བཀྲབས་པ་དང་། མདུན་ན་འདོན་ཉིད་དང་། སྟོབས་ཆེ་བ་ཉིད་དང་། ལོངས་སྤྱོད་ལ་དམིགས་པ་དང་། ཡུལ་གྱི་བདག་པོ་ཉིད་དང་། དབང་ཕྱུག་དང་། ནོར་འཕེལ་བ་དང་། གཏེར་གཡོ་བ་དང་། ཉོ་ཚོང་གི་གྲོགས་
D686.093.0037b05.01བྱེད་པ་དང་། འགུགས་པ་དང་། ཁུང་དུ་འཇུག་པ་དང་། རི་ལ་འཇུག་པ་དང་། ནགས་སུ་འཇུག་པ་དང་། མེ་ལ་འཇུག་པ་དང་། ས་འོག་ཏུ་འཇུག་པ་དང་། ཀླུའི་ཆར་འབེབས་པ་དང་། ཆར་གྱི་རྒྱུན་དང་། སེར་བའི་རྒྱུན་དང་། སེར་བ་འབེབས་པ་དང་། གྲོང་ལྟ་བ་དང་། གཡུལ་དུ་འཇུག་པ་དང་། རིག་སྔགས་
D686.093.0037b06.01འཆང་ཉིད་དང་། སངས་རྒྱས་ཀྱི་ཞིང་མཐོང་བ་ཉིད་དང་། ལྡོང་རོས་ཀྱི་མིག་སྨན་སྒྲུབ་པ་དང་། རལ་གྲི་སྒྲུབ་པ་དང་། རྡོ་རྗེ་སྒྲུབ་པ་དང་། རྩེ་གསུམ་སྒྲུབ་པ་དང་། འཁོར་ལོ་སྒྲུབ་པ་དང་། དུང་སྒྲུབ་པ་དང་། གཏུན་ཤིང་སྒྲུབ་པ་དང་། དགྲ་སྟ་སྒྲུབ་པ་དང་། མདའ་བོ་ཆེ་སྒྲུབ་པ་དང་། ཐོ་བ་སྒྲུབ་པ་དང་། དྲིལ་བུ་སྒྲུབ་པ་དང་། རྫས་སྒྲུབ་པ་
D686.093.0037b07.01