完整藏文原文 · 德格版页 当前仅加载第 93 函德格 4a 版页；藏文 NFD、目录标记与异常页序保留在来源切片中，重复版页行以稳定序号区分。
སུ་མཐོང་བར་འགྱུར་རོ། །སྦྲུལ་དམར་པོའི་ཁྲག་དང་བསྲེས་ནས་སྦྱར་ན། སྦྲུལ་ཆེན་པོའི་གཟུགས་སུ་མཐོང་བར་འགྱུར་རོ། །རའི་ཁྲག་དང་བསྲེས་པས། ར་ཆེན་པོའི་གཟུགས་སུ་མཐོང་བར་འགྱུར་རོ། །པདྨའི་ལོ་མ་དང་། ཕྱེ་མ་དང་། རྩ་བ་དང་བཅས་པ་
D686.093.0004a01.01དང་། འདབ་མ་དང་མེ་ཏོག་དང་སྡོང་བུ་དང་བཅས་པ་ཏིལ་མར་གྱིས་ལྷན་ཅིག་སྦྱར་བས་ཡུངས་ཀར་ལ་བསྐུས་ཏེ་ལུས་ལ་བྱུགས་ལ་ཏིལ་མར་གྱིས་ཐིག་ལེ་བྱའོ། །མཁས་པས་ཡན་ལག་དང་ཉིང་ལག་ལ་བྱུག་པ་བྱས་ན་རྒྱལ་པོ་ཆེན་པོའི་ཆ་ལུགས་སུ་མཐོང་བར་འགྱུར་ཏེ། མ་མོའི་ཚོགས་དང་
D686.093.0004a02.01བཅས་པས་ཡོངས་སུ་བསྐོར་བས་དགོས་པ་སྣ་ཚོགས་པ་དང་། རྒྱལ་པོའི་དགོས་པ་རྣམས་བྱེད་པར་འགྱུར་རོ། །ཡིད་ལ་བསམས་པའི་དགོས་པ་ཐམས་ཅད་སྒྲུབ་པར་བྱེད་པར་འགྱུར་རོ། །ལྡོང་རོས་ཀྱི་མིག་སྨན་དང་ལྷན་ཅིག་བསྲེས་ནས་མིག་ལ་བྱུགས་ན། འཁོར་ཆེན་པོའི་དབུས་སུ།
D686.093.0004a03.01སྤྱན་རས་གཟིགས་དབང་ཕྱུག་གི་གཟུགས་སུ་མཐོང་བར་འགྱུར་རོ། །རིག་པའི་རྒྱལ་པོ་བཟླས་ཏེ་ཡུངས་ཀར་དེ་ནམ་མཁའ་ལ་གཏོར་ན། འབྲས་བུ་སྣ་ཚོགས་ཀྱི་ཆར་འབབ་པར་མཐོང་བར་འགྱུར་རོ། །པདྨའི་སྙིང་པོས་སྦྱར་ན། པདྨ་ཆེན་པོའི་ཆར་འབྱུང་བར་འགྱུར་རོ། །ཨུཏྤ་
D686.093.0004a04.01ལ་སྔོན་པོའི་ཁུ་བས་སྦྱོར་ན། ཨུཏྤ་ལ་སྔོན་པོ་ཆེན་པོའི་ཆར་འབྱུང་བ་མཐོང་བར་འགྱུར་རོ། །ཇི་ལྟར་མེ་ཏོག་གི་ཁུ་བས་སྦྱར་བ་དེ་ལྟ་དེ་ལྟར་མེ་ཏོག་གི་ཆར་ཆེན་པོ་འབྱུང་བར་འགྱུར་རོ། །ཇི་ལྟར་ཡིད་ལ་འདོད་པའི་གཟུགས་དང་། ཁ་དོག་དང་། རྟགས་དང་། དབྱིབས་སུ་མཐོང་བར་
D686.093.0004a05.01འདོད་པ་དེ་ལྟ་དེ་ལྟར་ལྷའི་ཏིལ་མར་རྙིང་པ་དང་ལྷན་ཅིག་སྦྱར་ན། དེ་ལྟ་དེ་ལྟར་དེ་དང་དེ་ཉིད་ཀྱི་གཟུགས་སུ་མཐོང་བར་འགྱུར་རོ། །གཞལ་ཡས་ཁང་ཡང་མཐོང་བར་འགྱུར་རོ། །ལག་པས་ནོར་བུ་གཅིག་བླངས་ཏེ། ཡིད་ལ་རྗེས་སུ་དྲན་པར་བྱས་ན། རྣམ་པ་སྣ་ཚོགས་པ་དུ་མའི་བདག་ཉིད་
D686.093.0004a06.01དུ་མཐོང་བར་འགྱུར་རོ། །གོས་དང་། རྒྱན་སྣ་ཚོགས་པ་རྣམས་སྟོན་པར་བྱེད་དོ། །ལག་པས་སྣོད་ལ་གཟུང་ན། སྣོད་སྣ་ཚོགས་པ་བཏོན་པར་བྱེད་དོ། །ལག་པས་བུམ་པ་ལ་གཟུང་ན། བུམ་པ་བརྒྱ་སྟོང་ཕྲག་སྟོན་པར་བྱེད་དོ། །རྐང་པའི་མཐིལ་ལ་བསྐུས་ན། གང་དུ་རྡོ་བ་ལ་རྐང་པ་
D686.093.0004a07.01